Dövlətlər və xalqlar üçün mənəvi çağırış

Bakı:

12 °C

94 %

5 m/s

Əlaqə

AZ RU EN

Ana səhifə / Arxiv / Dövlətlər və xalqlar üçün mənəvi çağırış

Dövlətlər və xalqlar üçün mənəvi çağırış

06.02.2026 [14:10]

Azərbaycan Respublikasının Prezidenti cənab İlham Əliyevin 4 fevral 2026-cı ildə Birləşmiş Ərəb Əmirliklərinin paytaxtı Əbu-Dabidə keçirilən “Zayed İnsan Qardaşlığı Mükafatı”nın təqdimolunma mərasimindəki çıxışı beynəlxalq ictimaiyyət tərəfindən diqqətlə qarşılandı. Bu nüfuzlu mükafatın əsas məqsədi xalqlar, dinlər və mədəniyyətlər arasında dialoqun, qarşılıqlı anlaşmanın və sülhün təşviq olunmasıdır. Mərasimdə səsləndirilən fikirlər də məhz bu ali dəyərlər ətrafında formalaşdı.

Cənab Prezident çıxışında insan qardaşlığı anlayışının müasir dünyada getdikcə daha böyük əhəmiyyət kəsb etdiyini vurğuladı. Qlobal miqyasda baş verən siyasi gərginliklər, münaqişələr və humanitar böhranlar fonunda qarşılıqlı hörmətə, əməkdaşlığa və birgə məsuliyyətə əsaslanan münasibətlərin alternativsiz olduğunu qeyd etdi. Dövlət başçısı bildirdi ki, müxtəlif mədəniyyətlərin və dinlərin dinc yanaşı yaşaması yalnız ayrı-ayrı ölkələrin deyil, bütün bəşəriyyətin gələcəyi üçün mühüm şərtdir.

Azərbaycanın tarixən multikulturalizm və tolerantlıq məkanı kimi formalaşdığını xatırladan Prezident İlham Əliyev bu dəyərlərin dövlət siyasətinin ayrılmaz hissəsi olduğunu diqqətə çatdırdı. O, ölkədə fərqli etnik və dini icmaların sülh və qarşılıqlı hörmət şəraitində yaşamasını real təcrübə kimi təqdim edərək, bunun dialoq və qarşılıqlı etimadın mümkünlüyünü sübut etdiyini söylədi. Çıxışda Azərbaycanın beynəlxalq təşəbbüslərə verdiyi töhfələr, humanitar layihələrdə və mədəniyyətlərarası dialoq platformalarında fəal iştirakı da xüsusi vurğulandı.

Möhtərəm Prezident İlham Əliyev “Zayed İnsan Qardaşlığı Mükafatı”nın adını daşıdığı dəyərlərin bu gün xüsusilə актuallıq qazandığını qeyd edərək, mərhum Şeyx Zayed bin Sultan Al Nəhyanın insanpərvərlik, mərhəmət və birlik ideyalarının bütün dünyaya nümunə olduğunu bildirdi. O, bu mükafatın yalnız bir təltif deyil, eyni zamanda dövlətlər və xalqlar üçün mənəvi çağırış olduğunu ifadə etdi.

Sonda cənab İlham Əliyev beynəlxalq ictimaiyyəti sülhün möhkəmləndirilməsi, insan ləyaqətinin qorunması və ortaq dəyərlər ətrafında birləşmək istiqamətində daha fəal əməkdaşlığa çağırdı. Onun çıxışı bir daha göstərdi ki, insan qardaşlığı ideyası yalnız şüar deyil, ardıcıl siyasət və real addımlarla həyata keçirilə bilən ümumbəşəri məqsəddir.

Nazim Bünyatov

YAP Ağcabədi rayon təşkilatının sədr müavini

Paylaş:

Baxılıb: 191 dəfə