YAP Xəzər rayon təşkilatı Yeni Azərbaycan Partiyasının İdarə Heyətinin üzvü Rauf Əliyevin 70 illik yubileyi münasibətilə tədbir keçirilib

Bakı:

31 °C

38 %

0 m/s

AZ RU EN

Ana səhifə / Arxiv / YAP Xəzər rayon təşkilatı Yeni Azərbaycan Partiyasının İdarə Heyətinin üzvü Rauf Əliyevin 70 illik yubileyi münasibətilə tədbir keçirilib

YAP Xəzər rayon təşkilatı Yeni Azərbaycan Partiyasının İdarə Heyətinin üzvü Rauf Əliyevin 70 illik yubileyi münasibətilə tədbir keçirilib

01.06.2026 [19:10]

01 iyun 2026-cı il tarixində Yeni Azərbaycan Partiyası Xəzər rayon təşkilatında YAP İdarə Heyətinin üzvü Rauf Əliyevin 70 illik yubileyi münasibətilə tədbir keçirilib.

Tədbirdə Yeni Azərbaycan Partiyası Xəzər rayon təşkilatının sədri Namiq Əhmədov, sədr müavini Şəfayət Nənəcanov , əməkdaşlar və rayonun təhsil müəssisələrinin rəhbərləri iştirak ediblər.

Tədbiri giriş sözü ilə açan Yeni Azərbaycan Partiyası Xəzər rayon təşkilatının sədri Namiq Əhmədov yubilyarın həyat və fəaliyyət yolundan bəhs edərək onun rayonun ictimai həyatında oynadığı mühüm rolu xüsusi qeyd edib və bildirib ki, Rauf Əliyev uzun illər ərzində dövlətçilik prinsiplərinə sadiq qalaraq ölkəmizin inkişafına, gənc nəslin vətənpərvərlik ruhunda tərbiyəsinə və ictimai fəaliyyətin genişləndirilməsinə öz töhfələrini verib.

Çıxış edən Rəhilə Baxşıyeva, Rahilə Abbasova və Zeynəb Əliyeva Rauf Əliyevin yüksək insani keyfiyyətlərindən, zəngin idarəçilik təcrübəsindən, məsuliyyətli və prinsipial mövqeyindən söz açıblar. Qeyd olunub ki, o, hər zaman cəmiyyətə xidmət etməyi fəaliyyətinin əsas istiqaməti kimi qəbul edib, gənclərə örnək olan həyat yolu keçib.

Natiqlər yubilyarın rayonun ictimai işlərində daim fəallıq göstərdiyini, müxtəlif sosial layihələrin həyata keçirilməsində yaxından iştirak etdiyini və ictimai həmrəyliyin möhkəmləndirilməsinə mühüm töhfələr verdiyini vurğulayıblar. Onun fəaliyyəti iştirakçılar tərəfindən yüksək qiymətləndirilib və gənc nəslə nümunə kimi göstərilib.

Tədbir çərçivəsində Rauf Əliyevin həyat və fəaliyyətini əks etdirən xatirələr bölüşülüb, yubiley münasibətilə ona xoş arzular çatdırılıb. Çıxış edənlər yubilyarı 70 illik yubileyi münasibətilə səmimi qəlbdən təbrik edərək ona möhkəm cansağlığı, uzun ömür, ailə səadəti və gələcək fəaliyyətində yeni uğurlar arzulayıblar.

Tədbir zamanı Rauf Əliyevin rayonun ictimai-siyasi həyatında göstərdiyi səmərəli fəaliyyət və uzunillik xidmətləri yüksək qiymətləndirilərək ona fəxri fərman və qiymətli hədiyyə təqdim olunub.

Sonda Rauf Əliyev göstərilən diqqət və ehtirama görə tədbir iştirakçılarına minnətdarlığını bildirib.

Tədbir xatirə şəkillərinin çəkdirilməsi və səmimi söhbətlərlə başa çatıb.

Paylaş:

Baxılıb: 528 dəfə