Sədərək rayonunda 15 iyun Milli Qurtuluş Günü “Tariximizin şanlı səhfəsi” mövzusunda silsilə tədbirlər keçirilib

Bakı:

27 °C

53 %

4 m/s

AZ RU EN

Ana səhifə / Arxiv / Sədərək rayonunda 15 iyun Milli Qurtuluş Günü “Tariximizin şanlı səhfəsi” mövzusunda silsilə tədbirlər keçirilib

Sədərək rayonunda 15 iyun Milli Qurtuluş Günü “Tariximizin şanlı səhfəsi” mövzusunda silsilə tədbirlər keçirilib

11.06.2026 [16:52]

Sədərək rayonunda 15 iyun Milli Qurtuluş Günü “Tariximizin şanlı səhfəsi” mövzusunda silsilə tədbirlər keçirilmişdir.

Əvvəlcə Heydərabad qəsəbəsində Ulu Öndərimizin əzəmətli büstü önünə gül dəstələri düzülüb, əziz xatirəsi dərin ehtiramla yad edilib.

Daha sonra rayonun Mədəniyyət Sarayında tədbir davam edib. Tədbirdə Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsini bir dəqiqəlik sükutla yad edilmiş, Azərbaycan Respublikasının Dövlət Himninin səsləndirilmişdir.

Sədərək Rayon İcra Hakimiyyətinin başçısı Naim Cahidzadə tədbirdə çıxış edərək bildirdi ki, 15 İyun Milli Qurtuluş Günü Azərbaycanın müasir tarixinə qızıl hərflərlə yazılmış hadisədir. Həmin gün Ümummilli Liderimiz Heydər Əliyevin hakimiyyətə qayıdışı ilə Azərbaycanda o zaman hökm sürən dərin ictimai-siyasi böhrana son qoyulub, Azərbaycanın müstəqilliyinin itirilməsi təhlükəsi aradan qaldırılıb və respublikamızda dövlət quruculuğunun, sosial-iqtisadi inkişafının təməli qoyulub.1993-cü ilin iyununda ölkədə yaranmış mürəkkəb ictimai-siyasi durum Azərbaycanda real vətəndaş müharibəsi təhlükəsi yaradıb.Vətəndaş müharibəsi üçün ciddi zəmin yarandığı vəziyyətdə təhlükəli proseslərin qarşısını ala bilmədiyini dərk edən AXC-Müsavat iqtidarı son anda kömək üçün Ulu Öndər Heydər Əliyevə müraciət edib. Naxçıvan MR Ali Məclisinin sədri olan görkəmli ictimai-siyasi xadim Ulu Öndər Heydər Əliyev xalqın və respublikanın hakim dairələrinin təkidli dəvətini qəbul edib, iyunun 9-da Bakıya gəlib. Ölkəni vətəndaş müharibəsi təhlükəsindən qurtarmaq missiyasını üzərinə götürən Heydər Əliyev həyatını təhlükə altında qoyaraq Gəncəyə gedib və apardığı danışıqlar nəticəsində vətəndaş qarşıdurmasının genişlənməsinin qarşısını alıb.1993-cü il iyunun 15-də Ulu Öndər Heydər Əliyev Azərbaycan Respublikası Ali Sovetinin sədri seçilib, bununla da, Azərbaycanın ən yeni tarixində növbəti və bu günə qədər davam edən uğurlu mərhələ başlayıb. 15 iyun Azərbaycanın tarixinə Milli Qurtuluş günü kimi düşüb.15 iyun tarixi 1998-ci ildən dövlət səviyyəsində bayram kimi qeyd olunur.

Tədbirdə YAP Sədərək rayon Təşkilatının sədri Arif Qasımov çıxış edərək qeyd etmişdir ki, 15 iyun Milli Qurtuluş Günü azərbaycanın dəhşətli faciələrlə təkbətək qalmış dövründə dünya şöhrətli siyasətçi və müdrik dövlət xadimi xalqımızın Ümummilli Lideri Heydər Əliyevin ölkəmizdə şərəflə həyata keçirdiyi xilaskarlıq missiyası XX əsrə xalqımızın Milli Qurtuluş Günü tatiximizin şanlı səfəsi kimi qızıl hərflərlə yazılmışdır. “Qurtuluş Günü” ərəfəsində baş verən hadisələrin əhəmiyyəti zaman keçdikcə daha da dərindən öyrənilir. Xalqımızın Ümummilli Lideri Heydər Əliyevin tarixi

qayıdışından qaynaqlanan “Milli Qurtuluş Günü” ölkəmizin həyatında yeni dövrün əsasını qoymuş, müasir tariximizə müstəqil Azərbaycan dövlətinin qurulması mərhələsi kimi daxil olmuşdur.

Qurtuluş azərbaycana nə verdi sualına cavab axtararkən ölkəmizin, Muxtar Respublikamzın və rayonumuzun bugünkü həqiqətlərini, mənzərəsini, vətəndaşalrımızın əhval ruhiyyəsini, bütövlükdə Azərbaycanın yaxşı gələcəyi üçün yaradılan imkanları ən əsası isə Azərbaycan Respublikasının Prezidenti İlham Əliyev cənablarının apardığı uğurlu siyasətin nəticəsi olan 44 günlük Qarabağ döyüşlərində azərbaycanın qələbə zəfərini göstərmək lazımdır. Bütün bunlara çatmaq üçün Azərbaycan 33 illik bir yol keçmişdir.

Qədir bilən xalqımız tarixi yaddaşına həkk olunmuş “Milli Qurtuluş Günü” ölkəmizin hər yerində Ümummilli Liderimiz Heydər Əliyevə dərin hörmət və məhəbbətlə, xalqa göstərdiyi təmənnasız və fədəkar xidmətə verilən böyük qiymət və minnətdarlıq hissi ilə yad olunur.

Biz Yeni Azərbaycan Partiyasının üzvləri əldə olunan naliyyətləri qorumaq, azərbaycanın gələcək firəvanlığının təmin edilməsi istiqamətində Heydər Əliyev siyasətini davam etdirən, Yeni Azərbaycan Partiyasının sədri, Prezident İlham Əliyev cənablarına daim dəstək olacağıq.

Bu gün “Qurtuluş Günü” qeyd etməklə tarixi keçmişimizi unutmamalıyıq. Digər tərəfdən isə həmin hadisələrdən nəticə çıxararaq azərbaycanda sabitliyin və inkişafın daimi olmasına çalışmalıyıq.

Nə qədər ki, Müstəqil Azərbaycan Dövləti var, Azərbaycan Xalqı var, Heydər Əliyev ürəklərdə yaşayacaqdır, onun siyasəti isə daima davam edəcəkdir.

Tədbirdə Naxçıvan Muxtar Respublikası Ali Məclisinin deputatı Mahir İsmayılov və Yeni Azərbaycan Partiyasının üzvü Nəzrin Vəliyeva çıxış edərək bu tarixi gün münasibətilə bütün Azərbaycan xalqını təbrik ediblər.

Tədbirdə “Tarixin şanlı səhfələri” filminə baxış və konser ilə davam edib.

Paylaş:

Baxılıb: 241 dəfə