Azərbaycan əsgərinin vətənpərvərliyi humanizm və nizam-intizamla yoğrulub

Bakı:

25 °C

60 %

2 m/s

Əlaqə

AZ RU EN

Ana səhifə / Arxiv / Azərbaycan əsgərinin vətənpərvərliyi humanizm və nizam-intizamla yoğrulub

Azərbaycan əsgərinin vətənpərvərliyi humanizm və nizam-intizamla yoğrulub

19.06.2026 [16:49]

Tarix boyu xalqların mövcudluğu, onların torpağa bağlılığı və bu torpağı qorumaq üçün canından keçməyə hazır olan fədakar övladlarının varlığı ilə ölçülüb. Azərbaycan xalqı üçün bu fədakarlığın, cəsarətin və sarsılmaz iradənin ən bariz təcəssümü Azərbaycan əsgəridir. Azərbaycan əsgərinin vətənpərvərlik ruhu sadəcə bir hərbi vəzifə deyil bu, qandan gələn bir gen, tarixdən süzülüb gələn bir and və milli kimliyin ən uca zirvəsidir.Onilliklər boyu xalqımızın qəlbində yatan yurd həsrəti, işğal altında olan torpaqlarımızın ağrısı gənc nəslin daxilində böyük bir vətənpərvərlik dalğası yaratdı. Azərbaycan əsgəri döyüş meydanına sadəcə bir əmr icraçısı kimi deyil, tarixi ədaləti bərpa etmək, şəhidlərin qisasını almaq və doğma torpaqları azad etmək andı ilə atıldı. Bu ruh, onun qarşısında duran hər bir maneəni aşmağa qadir etdi.Azərbaycan əsgərinin daxilindəki vətən sevgisi təsadüfi formalaşmayıb. Bu ruh Babəkin azadlıq axtarışından, Şah İsmayıl Xətainin dövlətçilik təfəkküründən, Cavad xanın güzəştsiz mübarizəsindən və XX əsrin əvvəllərində mürəkkəb siyasi şəraitdə müstəqillik bayrağını ucaldan Cümhuriyyət generallarının irsindən qidalanır.Azərbaycan gənci hərbi xidmətə yollanarkən sadəcə silah tutmağı öyrənmir o, əsrlər boyu qorunmuş bir şərəf estafetini təhvil alır. Bu səbəbdən, bizim əsgərimiz üçün Vətən anlayışı sadəcə coğrafi sərhədlər deyil, ananın namusu, atanın nəsihəti və gələcək nəsillərin azadlıq təminatıdır.Azərbaycan əsgərinin vətənpərvərlik ruhunun ən parlaq və əyani sübutu 44 günlük vətən müharibəsi və ondan sonrakı lokal antiterror tədbirləri oldu.Azərbaycan əsgərinin vətənpərvərlik və döyüş ruhunun ən yüksək zirvəsi Şuşanın azad edilməsi əməliyyatıdır. Yüngül silahlarla, sıldırım qayaları dırmaşaraq, əlbəyaxa döyüşdə müasir texnika ilə silahlanmış düşməni məğlub etmək ancaq və ancaq ruh yüksəkliyi və böyük Vətən sevgisi ilə izah oluna bilər. Bu əməliyyat müasir dünya hərb tarixinə unikal bir vətənpərvərlik nümunəsi kimi düşdü. Otuz ilə yaxın davam edən işğal dövrü əsgərimizin iradəsini qıra bilmədi, əksinə, onda daxili bir qisas və ədaləti bərpa etmək alovunu daha da gücləndirdi.Bu gün Azərbaycan əsgəri həm işğaldan azad edilmiş torpaqlarda, həm də ölkənin bütün sərhədlərində mərdliklə dayanıb. Onun vətənpərvərliyi indi həm də quruculuq və qoruma missiyası daşıyır. Dağıdılmış şəhərlərin, minalanmış sahələrin ortasında xidmət aparan əsgər, gələcəkdə bu torpaqlarda yaşayacaq körpələrin təhlükəsizliyini təmin etdiyini bilir.Azərbaycan əsgərinin vətənpərvərliyi həm də humanizm və nizam-intizamla yoğrulub. O, döyüş meydanında rəşadətli, mülki insanlara qarşı rəhmli və beynəlxalq hüquq normalarına sadiqdir.Vətənpərvərliyin ən ali dərəcəsi canını vətən uğrunda fəda etməyə hazır olmaqdır. Azərbaycan əsgəri döyüşə gedərkən geriyə baxmadı. Yaralı halda döyüşü davam etdirən, silahdaşını xilas etmək üçün özünü sipər edən, düşmən üzərinə son qumbarası ilə atılan yüzlərlə qəhrəmanımızın hekayəsi bu gün məktəblərdə, evlərdə qürurla danışılır.Heç bir vətənpərvərlik ruhu ailədən, xüsusən də anadan müstəqil formalaşa bilməz. Azərbaycan hərb tarixinin görünməyən qəhrəmanları məhz o əsgərləri böyüdən analardır.Azərbaycan anasının hərbi xidmətə gedən övladının arxasınca su atarkən dediyi "Südüm sənə halal olmaz, əgər Vətənə xidmətdən qaçsan" duası, əsgərin daxili vicdan mexanizmini quran ən böyük qüvvədir.Şəhidini bağrına basıb Vətən sağ olsun, təki bayrağımız enməsin deyən anaların mətanəti, cəbhədəki əsgərin ruhunu sarsılmaz edən ən böyük mənəvi zirehdir. Bu, millətin ana bətnindən başlayan vətənpərvərlik tərbiyəsinin bariz sübutudur. Onlar üçün vətən sərhədləri canlarından daha müqəddəs idi.Əsgərimizin ruhunu qidalandıran ən böyük güc mənbələrindən biri də arxasında hiss etdiyi xalq dəstəyi idi. Dəmir yumruq təkcə hərbi gücü deyil, həm də xalqın, dövlətin və ordunun bir yumruq kimi birləşməsini simvolizə edirdi.Bu gün Azərbaycan əsgərinin səngərdə yazdığı qəhrəmanlıq dastanı gələcək nəsillərin tərbiyəsində əsas kompas rolunu oynayır. Məktəblərdə keçirilən dərslər, çəkilən filmlər, yazılan kitablar artıq uzaq tarixin deyil, canlı şahidi olduğumuz müasir qəhrəmanların Mübariz İbrahimov, Polad Həşimov, Şükür Həmidov və minlərlə digər şəhidlərimiz şücaəti üzərində qurulur. Cəbhədən gələn hər bir qələbə xəbəri xalqı coşdurur, xalqın bu sevgisi isə səngərdəki əsgərə tükənməz güc verirdi. Bu, onun yüksək mənəviyyatından və mənsub olduğu xalqın əsalətindən xəbər verir.Azərbaycan əsgərinin vətənpərvərlik ruhu tükənməz bir mənbədir. Bu ruh sıldırım qayaları düzənliyə çevirir, keçilməz sədləri yarır və bayrağımızı ən uca zirvələrə sancır. Nə qədər ki, damarında bu qeyrəti daşıyan, gözünü qırpmadan vətən üçün irəli atılan Azərbaycan əsgəri var, bu dövlətin müstəqilliyi əbədi, gələcəyi isə parlaq olacaqdır.aycan əsgəri var, bu dövlətin müstəqilliyi əbədi, gələcəyi isə parlaq olacaqdır.

İsmayıl Ağayarov

YAP Şərur rayon Dərvişlər Kənd ərazi partiya təşkilatının sədri

Paylaş:

Baxılıb: 130 dəfə