Nissan Elektrikli avtomobillər sahəsində liderdir.

Bakı:

21 °C

68 %

14 m/s

Əlaqə

AZ RU EN

Ana səhifə / / Nissan Elektrikli avtomobillər sahəsində liderdir.

Nissan Elektrikli avtomobillər sahəsində liderdir.

11.08.2015 [14:03]

Nissan-ın UEFA Çempionlar Liqası ilə dördillik tərəfdaşlığının birinci ili Nissan-ın karbonsuz gələcək öhdəliyinin reallaşması ilə sona çatdı. Çempionlar Liqası finalının keçirildiyi Berlində yüzdən çox elektrik maşını istismara verilmiş və həmin avtomobillər üçün 129 enerji yığma məntəqəsi qurulmuşdu.
Dünyada ən çox satılan elektrik avtomobillərinin yaradıcıları kimi Nissan LEAF elektrik avtomobillərində 1466 qonağın 3,932 kWh enerji ilə 23130 km məsafədə daşınmasını təmin etmişdi. 2015-ci ilin ilk yarısında Nissan-ın Avropada elektrik avtomobilləri üzrə satışı 11360 təşkil etdi ki, bu da elektrik avtomobilləri sektorunda Nissan-ın bazarın lideri olduğunu göstərir. Təkcə Birləşmiş Krallıqda Nissan-ın elektrikli LEAF satışları indiyə qədər 10 160-a çatıb.
Nissan-ın Avropada Marketinq üzrə Vitse-prezidenti Bastien Schupp deyir ki, Nissan həyəcanlandıran innovasiyalar həyata keçirir: "Biz daim gördüyümüz hər işdə sərhədləri aşmağa çalışırıq. Bilirik ki, yaşadığımız həyat sürətlə dəyişir, şəhərlərdə izdiham atır və nəticədə şəhər infrastrukturuna, enerji təchizatına yük düşür. Məhz buna görə, Nissan final zamanı UEFA ilə sıx əməkdaşlıq edərək bu beynəlxalq qlobal idman tədbirində şəhərə düşən yükü azaltmağa çalışmışdır."
Bundan başqa, Nissan Berlinin mərkəzində - "Brandenburg Gate"də keçirilən Çempionlar Festivalında 300000 tamaşaçıya elektrikli avtomobillər sahəsində öz liderliyini nümayiş etdirə bildi və sıfır emissiyalı PART e-VAN istismara verildi. Final tədbirləri zamanı UEFA Çempionlar Liqası qaliblərini Çempionlar Festivalından Olimpiya stadionuna daşıyan tam elektrikli e-NV200 təqdim edildi. Berlindəki debütündən sonra təkərlər üzərində şou olan PARTe-VAN, tam elektrikli e-NV200 bütün yay ərzində davam edəcək Avropa səfər şousuna başladı.
Bu, Nissan-ın gələcək texnologiyaları bazara gətirmək yolunda atdığı addımlardan sadəcə biridir. Elektrikli avtomobillər sahəsində inqilabi yeniliklər üzrə ixtisaslaşmış Nissan lap başlanğıcdan bu yolda irəliləyir və bu gün bütün dünyada gediş məsafəsi 1 milyard kilometrdən artıq olmaqla, elektrikli avtomobillər üzrə ən böyük müştəri bazasına malikdir.
Nissan 2014/2015 - 2017/2018 mövsümləri üçün UEFA Super Kubokunun və UEFA Çempionlar Liqasının rəsmi qlobal sponsorudur. Rəsmi tərəfdaş kimi, Nissan özünün eksklüziv məhsulları və xidmətləri ilə Avropanın ən nüfuzlu futbol yarışına qoşulacaq.
Nissan şirkəti Nissan, Infiniti və Datsun brendləri altında 60-dan çox model təqdim edir. Nissan dünyada sıfır emissiyalı avtomobil hərəkəti üzrə liderdir ki, burada da ilk tam elektrikli LEAF avtomobillərinin kütləvi satışı əsas yer tutur. Bu, ən çox satılan elektrikli avtomobildir və sıfır emissiyalı avtomobil seqmentində onun payı demək olar ki, 50% təşkil edir.

Paylaş:

Baxılıb: 2136 dəfə