Qubad İbadoğlu öz ampluasında...

Bakı:

25 °C

54 %

1 m/s

Əlaqə

AZ RU EN

Ana səhifə / Daxili siyasət / Qubad İbadoğlu öz ampluasında...

Qubad İbadoğlu öz ampluasında...

10.08.2021 [08:45]

Xeyli vaxtdır ki, okeanın o tayında “lövbər” salan və yeri gəldi-gəlmədi özünü “iqtisadçı-alim” kimi təqdim edən Qubad İbadoğlu müxtəlif mövzularda manipulyasiya edir və ucuz populyarlıq qazanmağa çalışır. Açıq-aydın görünür ki, aldığı qrantların müqabilində qərəzli dairələrin sifarişlərini yerinə yetirən Qubad İbadoğlu sosial şəbəkələrdə yalanlar tirajlamaqla, absurd iddialar səsləndirməklə və reallıqları təhrif etməklə ictimai rəyi yanıltmağa çalışır.
Budur, Qubad İbadoğlu yenə də öz ampluasında qalaraq bu dəfə ölkəmizdə neft gəlirlərindən səmərəli istifadə olunması məsələsini manipulyasiya predmetinə çevirməyə çalışıb. Təbii ki, onun bu cəhdi də digərləri kimi iflasa məhkumdur. Çünki Qubad İbadoğlunun dediklərinə rəğmən, ölkəmizdə ötən müddət ərzində neft gəlirlərindən tam səmərəli istifadə olunub, “qara qızıl”ın intellektual kapitala çevrilməsi istiqamətində çox mühüm addımlar atılıb, əhəmiyyətli nəticələr əldə olunub. Yeni mərhələdə Azərbaycan iqtisadiyyatının uğurlu inkişafını təmin edən strateji amillərdən biri məhz neft gəlirlərindən müxtəlif sahələrdə səmərəli istifadə olunmasıdır. Paralel olaraq ölkədə institusional islahatların həyata keçirilməsi və uğurlu idarəçiliyin tətbiqi sahəsində beynəlxalq reytinq agentlikləri tərəfindən də yüksək dəyərləndirilən nailiyətlər qazanılıb. Təkcə belə bir faktı vurğulamaq kifayətdir ki, ölkəmiz “ASAN xidmət”ın timsalında intellektual məhsul ixracatçısına çevrilib. Müstəqillik illərində ölkəmizdə müasir təhsil infrastrukturu qurulub və təhsilin gənclər üçün inklüzivliyinin təmin olunması istiqamətində praktiki müstəvidə əməli tədbirlər görülüb. Bütün bunlar Azərbaycanın milli gücünün artmasını təmin edən əhəmiyyətli faktorlar sırasında yer alır.
Bunlarla yanaşı, Azərbaycan o ölkədir ki, pandemiya şəraitində respublika əhalisinin yarısını əhatə edən böyük sosial paket reallaşdırıb. Nəhayət, Azərbaycan böyük vəsait hesabına qurduğu müasir Ordusu ilə ötən il 44 günlük Vətən müharibəsində şanlı Qələbə qazanıb və üç onillik ərzində düşmənin nəzarəti altında qalan torpaqlarını işğaldan azad edib. Postmüharibə mərhələsinin ilk ilində isə ölkəmiz işğaldan azad edilən ərazilərdə görüləcək bərpa və infrastruktur quruculuğu işləri üçün 2,2 milyard manat həcmində büdcə ayırıb.
Beləliklə, sadalanan faktlar Qubad İbadoğlunun sosial şəbəkələrdə apardığı çirkin təbliğatı - uğursuz qara piar kampaniyasını tam ifşa edir.
Mübariz ABDULLAYEV

Paylaş:

Baxılıb: 1465 dəfə