Heydər Əliyev
yeni azerbaycan logo

Ana səhifə / Dünya / ABŞ Avropada təxminən 80 min hərbçi yerləşdirib

ABŞ Avropada təxminən 80 min hərbçi yerləşdirib

01.05.2026 [17:32]

ABŞ-nin Avropada təxminən 80 min hərbçisi var və bu kontingentin ölçüsü ilə strukturu beynəlxalq vəziyyətdəki dəyişikliklərə uyğun olaraq mütəmadi şəkildə tənzimlənir.

AZƏRTAC xəbər verir ki, bu barədə ABŞ-nin Avropa Komandanlığının (EUCOM) nümayəndəsi TASS-a bildirib.

“Hazırda Avropada təxminən 80 min ABŞ hərbi qulluqçusu yerləşdirilib. Onların 38 mini Almaniyada daimi və rotasiya əsasında yerləşir”, — deyə EUCOM-un sözçüsü qeyd edib.

Onun sözlərinə görə, bu qüvvələr Almaniyanın Visbaden, Reynland-Pfalts, Ştutqart və Bavariya kimi bölgələrində yerləşdirilib. Sözçü vurğulayıb ki, hərbçilərin sayı demək olar aylıq əsasda dəyişir və bu, planlaşdırılmış təlimlər və qüvvələrin rotasiyası ilə bağlıdır.

EUCOM nümayəndəsi əlavə edib ki, şərtlər dəyişdikcə ABŞ daimi və müvəqqəti yerləşdirilmiş qüvvələrin kombinasiyasından istifadə edərək öz hərbi strukturunu və imkanlarını mütəmadi olaraq nəzərdən keçirir və tənzimləyir.

Onun sözlərinə görə, bu məsələlərlə bağlı qərarlar Vaşinqton tərəfindən NATO müttəfiqləri ilə məsləhətləşmələr əsasında qəbul olunur.

“Biz həmçinin kollektiv çəkindirmə və müdafiə qabiliyyətinin təmin edilməsi üçün NATO müttəfiqləri ilə sıx əməkdaşlıq edirik. Müttəfiqlərimiz də bu məqsədlə öz qüvvə və imkanlarını təqdim edirlər”, — deyə bildirilib.

Paylaş:
Baxılıb: 63 dəfə

Xəbər lenti

Hamısına bax

YAP xəbərləri

YAP xəbərləri

Siyasət

Gündəm

İqtisadiyyat

Analitik

Sosial

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31