Şənbə üçün nəzm
18.07.2026 [09:15]
Sənə baxan gözlərim,
Yoluna baxır indi...
Köksümdə xatirələr,
Elə darıxır indi...
Əllərindən ayrılan,
Əllərim yetim qalıb..
Nəfəsin toxunmayan,
Tellərim yetim qalıb...
Zəng etmirsən, telefon
Əlimdə can üstədi..
Sənsiz duyğularım da,
Hisslərim də xəstədi...
Ən xoş keçən gün belə,
Sənsiz adi gün olub...
Sən gedəndən xəyalım,
Arxanca sürgün olub...
Tapa bilmirəm indi,
Özümü itirmişəm...
Sənə söyləmədiyim,
Sözümü itirmişəm...
Sənlə keçən günlərim,
Şirin yuxuya dönüb...
Gedişin ürəyimdə,
Dərdə, ağrıya dönüb...
Bir qurtum da su keçmir,
Boğazımdan biləsən...
Sən sinəmi göynədən,
Görən hansı naləsən...
Sənə bir yol əlvida,
Deməyə dilim gəlmir...
Nə sən gəlirsən, nə də,
Bir dəli ölüm gəlmir...
Sən yaralı pərvanə,
Mən indi tənha şamam...
Eh..,ayrılıq ömrümü,
Yedi qurtardı tamam...
Niyə əhdimizə de,
Axı doğru olmadıq..,
Birimiz od olsaq da,
Birimiz su olmadıq...
Sənə baxan gözlərim,
Yoluna baxır indi..,
Köksümdə xatirələr,
Elə darıxır indi...
***
Necə keçdi bilmirəm,
Ömür, qırxa çatmışam...
O suları quruyan,
Köhnə arxa çatmışam...
Keçdiyim hər cığırdan,
Bir xatirə dərmişəm...
Üşüyər deyə üstə,
Ürəyimi sərmişəm...
Baxıram hərəsində,
Bir az məndən qalıbdı...
Sevə-sevə çəkdiyim,
Dərddən, qəmdən qalıbdı...
Ocaq bilirdim, ömür,
Bir ağac misalıymış...
Bir az da öz-özüylə,
Bir savaş misalıymış...
Nə ağlı, nə ürəyi,
Nə ruhu saymayır o...
Sönən qaynar gəncliyin,
Külüylə oynayır o...
Canı sağ olmuş elə,
Eh, nəyə köklənibdi...
Adını bilmədiyim,
Nəğməyə köklənibdi...
Günlər aylara döndü,
Aylar da ki, illərə...
Dən də düşdü xəbərsiz..,
Eh, bu zülmət tellərə...
Güvəndiyim dağlara,
Yağan qar da əridi...
İndi sanki ürəyim,
Ayrılıq şəhəridi...
Yolum üstə bitən o,
Güllər tər qalmayıbdı...
Sevgi dolu günlərdən,
Bir əsər qalmayıbdı...
İndi daha yaşamaq,
Yanmaq deyil, sönməkdi...
Bu ölümdən dönməyib,
Sevgidənmi dönməkdi..?
Suallarla üz-üzə,
Cavablarla baş-başa...
Söyləyirəm özümə,
Şair, birtəhər yaşa...
Nə yaxşı ki yenə də...,
Bəxtin üzü bəridi...
Arzularım ölsə də,
Ümidlərim diridi...
***
Adını nə qoyum sənin,
Təzə dərdim, təzə dərdim...
Gəlməyəsən heç bir zaman,
Gözə dərdim, gözə dərdim...
Sualsanmı, cavabsanmı,
Günahsanmı, savabsanmı..
Gözlədiyim əzabsanmı,
Bat sinəmə nizə dərdim...
Ruhuma çök, fikrimə bax,
Damla-damla könlümə ax..
Oxu məni varaq-varaq..
Çək yaramı közə, dərdim...
Sənə qəza, qədər deyim,
Xeyir yoxsa, de, şər deyim..
Səni necə gətirməyim,
Sözə dərdim, sözə dərdim...
Əzizləyim beşikdəmi,
Evdəmi ya eşikdəmi..
Söylə qalım keşikdəmi,
Sənə əsə-əsə, dərdim...
Utanma, su-çörək verim,
Arzu verim, dilək verim..
Bəlkə ürək-dirək verim,
Narahatsan.. nəsə, dərdim...
Baxma ömür-gün başqadı,
Çəkdiyim zülüm başqadı...
Yaşamağın budur adı..
Anla məni kəsə, dərdim...
Qaraçaylı, bu mən, bu sən,
İnanarsan, söylə, desəm..?
Yazdığım ən son nəğməsən,
Gözəl dərdim, gözəl dərdim...
***
Həyat adlı bu qəfəsdə,
Açılmayır hər dan, ömür...
Aldığımız bu nəfəs də,
Yalan imiş, yalan, ömür...
Bəhanəymiş hər doğru da,
Hər sual da, hər sorğu da..
Canımızdakı ağrı da...
Qalan imiş, qalan, ömür...
Sorma hansı aləmdi bu..
Borcdu yoxsa, sələmdi bu...
Qızıl deyil ki, qəmdi bu..,
Kimdir bizdən alan, ömür...
Doğru Allah, düz,-Allahdı,
Ocaq Allah, köz,- Allahdı..
Ən qiymətli söz,-Allahdı...
Allah, Allah... balam ömür...
Qoşqar Qaraçaylı
Xəbər lenti
Hamısına bax
Maraqlı
09 Sentyabr 18:16
Dünya
09 Sentyabr 17:23
YAP xəbərləri
09 Sentyabr 16:53
Dünya
09 Sentyabr 16:38
YAP xəbərləri
09 Sentyabr 16:11
YAP xəbərləri
09 Sentyabr 16:08
YAP xəbərləri
09 Sentyabr 16:03
YAP xəbərləri
09 Sentyabr 16:01
YAP xəbərləri
09 Sentyabr 15:47
YAP xəbərləri
09 Sentyabr 15:43
İdman
09 Sentyabr 15:19
Dünya
09 Sentyabr 14:26
Dünya
09 Sentyabr 13:31
İqtisadiyyat
09 Sentyabr 13:19
Xəbər lenti
09 Sentyabr 13:10
Dünya
09 Sentyabr 13:09
Dünya
09 Sentyabr 12:50
Elanlar
09 Sentyabr 12:49
Sosial
09 Sentyabr 12:42
Dünya
09 Sentyabr 12:23
Siyasət
09 Sentyabr 12:13
Gündəm
09 Sentyabr 12:12
Mədəniyyət
09 Sentyabr 11:49
Elm
09 Sentyabr 11:45
İqtisadiyyat
09 Sentyabr 11:43
Hadisə
09 Sentyabr 11:42
İqtisadiyyat
09 Sentyabr 11:41
Dünya
09 Sentyabr 11:34
Elm
09 Sentyabr 11:32
Dünya
09 Sentyabr 11:19
Gündəm
09 Sentyabr 10:42
Gündəm
09 Sentyabr 10:37
Mədəniyyət
09 Sentyabr 10:36
YAP xəbərləri
09 Sentyabr 10:34
İqtisadiyyat
09 Sentyabr 10:24
Gündəm
09 Sentyabr 09:52
Analitik
09 Sentyabr 09:17
Sosial
09 Sentyabr 08:53
Elm
09 Sentyabr 08:31
İdman
09 Sentyabr 07:59
Dünya
09 Sentyabr 07:58
Dünya
09 Sentyabr 07:56
Hadisə
09 Sentyabr 07:41
Dünya
08 Sentyabr 23:32
Dünya
08 Sentyabr 23:10
Dünya
08 Sentyabr 22:56
Dünya
08 Sentyabr 22:23
İqtisadiyyat
08 Sentyabr 21:45
Dünya
08 Sentyabr 21:34
İdman
08 Sentyabr 21:19
İqtisadiyyat
08 Sentyabr 20:42
Dünya
08 Sentyabr 20:31
Dünya
08 Sentyabr 20:17
Sosial
08 Sentyabr 19:50
İqtisadiyyat
08 Sentyabr 19:24
Sosial
08 Sentyabr 19:10
YAP xəbərləri
08 Sentyabr 18:18
Dünya
08 Sentyabr 18:16
YAP xəbərləri
08 Sentyabr 18:09
YAP xəbərləri
08 Sentyabr 17:41
YAP xəbərləri
08 Sentyabr 17:40
Dünya
08 Sentyabr 17:28
Sosial
08 Sentyabr 17:15
Siyasət
08 Sentyabr 17:11
YAP xəbərləri
08 Sentyabr 17:01
YAP xəbərləri
08 Sentyabr 16:59
YAP xəbərləri
08 Sentyabr 16:48
Din
08 Sentyabr 16:47
YAP xəbərləri
08 Sentyabr 16:36
YAP xəbərləri
08 Sentyabr 16:33
