Prezident İlham Əliyev paytaxta gətirilmiş kommunal xidmət göstərən müxtəlif nəqliyyat növlərinə baxış keçirib

Bakı:

26 °C

54 %

3 m/s

AZ RU EN

Ana səhifə / Gündəm / Prezident İlham Əliyev paytaxta gətirilmiş kommunal xidmət göstərən müxtəlif nəqliyyat növlərinə baxış keçirib

Prezident İlham Əliyev paytaxta gətirilmiş kommunal xidmət göstərən müxtəlif nəqliyyat növlərinə baxış keçirib

20.10.2010 [09:33]

Respublikada kommunal nəqliyyat xidmətinin səviyyəsinin yaxşılaşdırılması məqsədilə dövlətimizin başçısının tapşırığına əsasən Azərbaycan Respublikası Prezidentinin ehtiyat fondundan Bakı Şəhər İcra Hakimiyyətinə ayrılmış vəsait hesabına paytaxta kommunal xidmət göstərəcək müxtəlif nəqliyyat növləri gətirilib. Dünən Azərbaycan Respublikasının Prezidenti İlham Əliyev yeni nəqliyyat növlərinə baxış keçirib.
Paytaxtımızın və respublikamızın digər şəhər və rayonlarının yol-nəqliyyat infrastrukturunun ən yüksək standartlara uyğun olaraq əsaslı şəkildə yenidən qurulması, yeni körpülərin və yol ötürücülərinin inşa edilməsi Bakıda müasir ictimai nəqliyyat növlərinə tələbatı artırmaqla yanaşı, kommunal nəqliyyat xidmətinin səviyyəsinin daha da yaxşılaşdırılması zərurəti yaradıb. Dövlətimizin başçısının tapşırıqlarına əsasən bu istiqamətdə davamlı olaraq mühüm tədbirlər həyata keçirilməkdədir. Paytaxta gətirilən yeni texnikalar Bakı şəhərinin və eləcə də, bölgələrin kommunal nəqliyyat xidmətinin müasirləşdirilməsi istiqamətində görülən işlərin tərkib hissəsidir.
Bakı Şəhər İcra Hakimiyyətinin başçısı Hacıbala Abutalıbov yeni texnikalar barədə dövlətimizin başçısına məlumat verib. Bildirilib ki, paytaxtda və eləcə də bölgələrdə kommunal nəqliyyat xidmətinin təkmilləşdirilməsi məqsədilə ölkəyə 8 növdə 265 müxtəlif texnika gətirilib. Bakı Şəhər İcra Hakimiyyətinin başçısı avtomobillərin texniki göstəriciləri və imkanları barədə danışıb. Qeyd olunub ki, yeni avtomobillərin 67-si “KamAZ-43253” şassisi üzərində “KO-515A” markalı vakuum avtomobili, 36-sı “4K” markalı zibildaşıyan avtomobil, 22-si “D-06” markalı sudaşıyan və yolyuyan avtomobil, 17-si yükünü özüboşaldan “KamAZ” avtomobilidir. Dövlətimizin başçısı Gəncə avtomobil zavodunun istehsalı olan texnikalara da baxıb. Bildirilib ki, bu texnikadan paytaxta 67 ədəd gətirilib. özüsüpürən və yükləyən funksiyası olan bu maşınlar küçələrdə təmizlik işləri aparmaq üçün əlverişli texniki imkanlara malikdir. Bundan əlavə, gətirilmiş 24 zibildaşıyan və 11 yükünü özüboşaldan avtomobillər də müasir texniki imkanları ilə fərqlənir. Paytaxta, həmçinin Fransadan “İmprotex Trusks Buses” MMC-yə məxsus çoxfunksiyalı 21 teleskopik yükləyicinin də gətirildiyi bildirilib. Yeni texnikalarla yanaşı, ölkəyə bu texnikaların ehtiyat hissələrinin də gətirildiyi qeyd olunub.
Texnikalarla yaxından tanış olan dövlətimizin başçısı paytaxtda və bölgələrdə kommunal xidmətin səviyyəsinin daha da təkmilləşdirilməsi ilə bağlı müvafiq tapşırıqlarını verib.

Paylaş:

Baxılıb: 1146 dəfə