“Bakcell”in “BakuTel” stendində texnologiya, əyləncə və idman bir arada

Bakı:

12 °C

58 %

13 m/s

Əlaqə

AZ RU EN

Ana səhifə / İqtisadiyyat / “Bakcell”in “BakuTel” stendində texnologiya, əyləncə və idman bir arada

“Bakcell”in “BakuTel” stendində texnologiya, əyləncə və idman bir arada

30.11.2016 [09:19]

Azərbaycanın ilk mobil operatoru və aparıcı mobil internet provayderi olan “Bakcell” şirkəti 29 noyabr-2 dekabr tarixlərində Bakı Expo Mərkəzində keçirilən “BakuTel 2016” sərgisində geniş pavilyonla təmsil olunur. Hər il olduğu kimi, bu il də şirkət öz stendində sərgini ziyarət edənlərə özünün ən son texnologiyalara əsaslanan xidmət və məhsullarını nümayiş etdirir. Şirkətdən verilən məlumatda qeyd olunur ki, builki sərgidə “Bakcell”in stendində aşağıdakı guşələr yaradılıb:
Ulduzum - burada qonaqlar “Ulduzum” sadiqlik proqramı barədə ətraflı məlumat əldə etməklə yanaşı, interaktiv oyunda iştirak edəcəklər. Yüksək nəticələr əldə edən iştirakçılara “Ulduzum” proqramının tərəfdaşlarından müxtəlif hədiyyələr təqdim olunacaq.
Bakcell Bussiness - burada isə sərgi iştirakçılarına “Bakcell” şirkətinin Biznes tarifləri barədə ətraflı məlumat təqdim ediləcək.
Nomrem.bakcell.com - qonaqlar xüsusi yaradılmış internet səhifəsi vasitəsilə almaq istədikləri nömrənin boş olub-olmadığını özləri yoxlaya biləcək və seçdikləri nömrəni sifariş vermək imkanına malik olacaqlar.
Virtual Reallıq - burada sərgi iştirakçıları Bakının ən hündür nöqtələrindən birini virtual şəkildə ziyarət edəcək, hündürlükdən qorxmayan cəsarətli qonaqlar isə kiçik müsabiqədə iştirak edə biləcəklər.
Bakcell Arena - qonaqlar stend ərazisində qurulan kiçik futbol sahəsində futbol çempionatının iştirakçısı olacaqlar. Sərgi keçirildiyi müddət ərzində hər gün baş tutan finalın qalibləri Mançester şəhərinə pulsuz səfər etmək imkanı qazanacaqlar.
PES2017 yarışması - Play Station oyununda qalib olan iştirakçılara pulsuz danışıq dəqiqələri təqdim ediləcək.
Applab - stendin bu hissəsində qonaqlar Applab innovativ mobil developer layihəsi barədə ətraflı məlumat alacaq, proqrama qoşulma qaydaları və üstünlükləri barədə məlumatla tanış olacaqlar.
Sür@- bu guşədə qurulmuş qaçış lenti trenajorunda iştirakçılar 40 saniyə ərzində qət edə bildikləri məsafə müqabilində pulsuz internet trafiki ala biləcəklər.
“Bu il 20 illiyini qeyd edən Azərbaycanın ilk mobil operatoru və aparıcı mobil internet provayderi “Bakcell” şirkəti ənənəvi olaraq hər il keçirilən “BakuTel” sərgisində iştirak edir. Beynəlxalq nüfuzlu bu tədbirdə iştirak bizə öz məhsul və xidmətlərimizi nümayiş etdirmək və yeni tərəfdaşlıqların qurulmasında mühüm rol oynamaqla yanaşı, abunəçilərimizlə birbaşa ünsiyyət üçün tam fərqli şərait yaradır. İnanırıq ki, sağlam rəqabət üçün özünəməxsus biznes-platformaya çevrilmiş bu tədbir iştirakçılarla yanaşı, ziyarətçilər üçün məhsuldar olacaq”, - deyə “Bakcell”in baş marketinq və satış direktoru Fedja Hadziç bildirib.
Səlim LOĞMANOĞLU

Paylaş:

Baxılıb: 848 dəfə