Rəqəmsal sahibkarlıq stimullaşdırılacaq

Bakı:

25 °C

73 %

10 m/s

Əlaqə

AZ RU EN

Ana səhifə / İqtisadiyyat / Rəqəmsal sahibkarlıq stimullaşdırılacaq

Rəqəmsal sahibkarlıq stimullaşdırılacaq

30.04.2022 [10:46]

Kiçik və orta sahibkarlıq subyektlərinin bəhrələnə biləcəyi qanunvericilik hazırlanır

Nicat

İnformasiya texnologiyaları (İT) sahəsində kiçik və orta sahibkarlığa dövlət dəstəyi prioritet istiqamətlərdəndir. Texnologiyanın sürətlə inkişaf etməsi bu sahəyə diqqətin artırılmasını, İT sahəsində olan boşluqların aradan qaldırılmasını, işin sistemləşdirilməsi məsələlərini ön plana çəkir. Prezident İlham Əliyevin tövsiyə və tapşırıqlarına uyğun olaraq sözügedən sahədə əhəmiyyətli addımlar atılır.

Yeri gəlmişkən, Azərbaycanda xüsusilə informasiya texnologiyaları sahəsində fəaliyyət göstərən kiçik və orta sahibkarlıq subyektlərinin bəhrələnə biləcəkləri müvafiq qanunvericilik hazırlanır. Bunu “Rəqəmsal sahibkarlıq və perspektiv imkanlar” mövzusunda keçirilən ictimai müzakirədə çıxış edərkən Rəqəmsal İnkişaf və Nəqliyyat Naziri Rəşad Nəbiyev deyib. Onun sözlərinə görə, hazırda sənəd Nazirlər Kabineti və müvafiq nazirlər səviyyəsində müzakirədədir. “Hesab edirik ki, həmin sənədin qəbul edilməsi - mövcud qanunvericiliyə düzəlişlər formasında və ya ayrı bir qanun formasında bu sənədlərin müzakirə edilməsi, ölkədə kiçik və orta sahibkarlığın, xüsusilə də İT sahəsində sahibkarlığın inkişafı üçün böyük bir təkanverici qüvvə olacaq”, - deyə Rəşad Nəbiyev qeyd edib.

Haqqında danışılan qanunvericilik özündə nələri ehtiva edə bilər? İT sahəsində sahibkarlıqla bağlı qanunvericiliyin hazırlanmasını zəruri edən səbəblər hansılardır?

Milli Məclisin deputatı, iqtisadçı-ekspert Vüqar Bayramov “Yeni Azərbaycan”a bildirib ki, bütövlükdə İT sahəsində fəaliyyət göstərən sahibkarların və xüsusən də startapların dəstəklənməsi prioritetdir. Xarici təcrübədən danışan deputat qeyd edib ki, bu sahədə yeni və daha çox gəlir əldə edilməsi mümkündür: “Və bu gün, əslində aparıcı ölkərdə iqtisadi inkişaf daha çox startaplar və innovativ sahədə fəaliyyət göstərən sahibkarların hesabına formalaşır. O baxımdan, təbii ki, Azərbaycanda da oxşar olaraq rəqəmsal iqtisadiyyatda və informasiya texnologiyasında, yəni innovativ sahələrdə fəaliyyət göstərən sahibkarların dəstəklənməsi və eyni zamanda bu istiqamətdə qanunvericilik bazalarının daha da gücləndirilməsi prioritet məsələlər sırasındadır və bu istiqamətdə işlər gedir”.

İqtisadçı növbəti mərhələdə iqtisadi inkişafın daha çox innovasiya sahəsində həyata keçirilən sərmayələr və həmin sahələrdə fəaliyyət göstərən sahibkarlardan asılı olacağından ibarət olduğunu diqqətə çatdırıb: “Proqnozlar da ondan ibarətdir ki, növbəti mərhələdə iqtisadi inkişaf daha çox innovasiya sahəsində həyata keçirilən sərmayələr və burada fəaliyyət göstərən sahibkarlardan asılı olacaq. Çünki artıq ənənəvi sektorlarda əldə edilən gəlir innovativ sektorlarla müqayisədə daha azdır. Xüsusən nəzərə alsaq ki, sosial şəbəkələr, onlayn portallar və digər onlayn xidmətlər innovativ olaraq çox qısa zamanda böyük gəlirlər əldə edə bildi”.

“Azərbaycanda da innovasiyanın dəstəklənməsi hədəfdir və bu, ölkəmiz üçün qeyri-neft sektoru iqtisadiyyatının diversifikasiyası baxımından yeni imkanlar vəd edir. Birmənalı şəkildə bu, Azərbaycan iqtisadiyyatının inkişafına xüsusi töhfə verəcək”, - deyə V.Bayramov əlavə edib.

Paylaş:

Baxılıb: 1072 dəfə