Heydər Əliyev
yeni azerbaycan logo

Ana səhifə / Maraqlı / 256 rəqəmini və 13 sentyabrı bağlayan nədir?

256 rəqəmini və 13 sentyabrı bağlayan nədir?

13.09.2023 [12:00]

Şahanə

Bu peşə sahiblərinin günü hər ilin 256 -cı günü qeyd edilir. İlin gün sayından asılı olaraq hər ilin 12 və ya 13 Sentyabr tarixlərində qeyd edilir. 

Proqramçılar Günü niyə məhz 256 -cı gün təyin edilib? Bu günün “Proqramçılar Günü” kimi qeyd edilməsi təklifi ilk dəfə 1996 -cı ildə “Komputer” Nəşriyyat Evinin rəhbəri Dmitriy Menderlyuk tərəfindən verilmişdir. Bu rəqəm ona görə seçilib ki, 256 səkkizmərtəbəli baytla göstərilə biləcək ədədlərin maksimal sayıdır. 

Qeyd edək ki, Ada Avqust Bayron-Kinq dünyada ilk proqramçı qadın kimi tanınır. Məşhur ingilis şairi Corc Qordon Bayronun qızı Ada Kinq 1842-ci ildə ixtiraçı Çarlz Bebbicin hazırladığı layihə əsasında hesablama maşınının təsvirini verməklə ilk proqramı yaradıb və bununla tarixə düşüb. Məhz Ada Avqust Bayron-Kinq proqram təminatı tarixində ilk dəfə proqramlaşdırmanın əsas anlayışlarını təqdim edib. Bundan başqa, hesablama texnikasından praktiki istifadənin mümkün istiqamətlərini – musiqi əsərlərinin yazılması, mürəkkəb qrafiki obyektlərin qurulması və hətta kompüter oyunlarını proqnozlaşdırıb.

1976-cı ildə ABŞ-ın Müdafiə Nazirliyi Amerika silahlı qüvvələrinin vahid proqramlaşdırma dilinin adını rəsmi olaraq təsdiq edib. Planetin ilk qadın-proqramçısının şərəfinə proqramlaşdırma dili ADA adlandırılıb.

Bu gün Azərbaycanda da bir sıra uğurlar qazanmış qadın qroqramçılarımız var - İnnovasiya və Rəqəmsal İnkişaf Agentliyinin sədr əvəzi İnarə Vəliyeva, B.EST Solutions şirkətinin təsisçisi və direktoru Yana Krimpe, “Azercell Telekom” MMC-nin Şəbəkə Texnologiyası şöbəsinin rəhbəri Xavər Babazadə və başqaları bu sahədə kifayət qədər müvəffəqiyyət qazanıblar.

Paylaş:
Baxılıb: 524 dəfə

Xəbər lenti

Hamısına bax

İqtisadiyyat

İqtisadiyyat

Dünya

YAP xəbərləri

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31