Dövlətə şərəfli xidmət...

Bakı:

32 °C

33 %

1 m/s

Əlaqə

AZ RU EN

Ana səhifə / Siyasət / Dövlətə şərəfli xidmət...

Dövlətə şərəfli xidmət...

23.08.2024 [10:20]

XDMX işçilərinin peşə bayramıdır

Təhlükəsizliyimizin qorunmasında, müstəqilliyimizin təmin edilməsində xüsusi dövlət mühafizə xidmətinin xüsusi yeri var. Xalqımız müxtəlif zamanlarda özünün müstəqilliyinə, istiqlalına, təhlükəsizliyinə doğru irəliləyərək, çətin yol keçib. Bu yol çox böyük faciələrdən keçsə də, qürur duyulacaq qədər şərəfli yoldur.

Bu gün Xüsusi Dövlət Mühafizəsi Xidməti (XDMX) işçilərinin bayramıdır. 1993-cü ildə Heydər Əliyevin müvafiq Fərmanı ilə Ali Dövlət Hakimiyyət və İdarəetmə Orqanları Baş Mühafizə İdarəsinin yaradıldığı gün - avqustun 23-ü ölkəmizdə xüsusi dövlət mühafizəsi sahəsində çalışan əməkdaşların peşə bayramı günü kimi qeyd olunur.

Ölkəmizdə irimiqyaslı regional enerji layihələrinin həyata keçirilməsi və bu enerji layihələrin təhlükəsizliyinin təmin edilməsi zərurəti ilə Heydər Əliyev tərəfindən ixrac neft və qaz boru kəmərlərinin təhlükəsizliyinin yüksək səviyyədə təşkil və təmin edilməsi məhz XDMX-yə tapşırılıb. Beləliklə, XDMX orqanı işçilərinin səlahiyyətləri əhəmiyyətli dərəcədə genişləndirilib.

Heydər Əliyevin ölkəmizdə xüsusi mühafizə sisteminə diqqət və qayğı siyasətinin Prezident İlham Əliyev tərəfindən uğurla davam etdirilməsi nəticəsində bu sahə sürətlə inkişaf edib. Ölkə başçısının 2020-ci il martın 16-da imzaladığı “Xüsusi dövlət mühafizəsi sahəsində idarəetmənin təkmilləşdirilməsi haqqında” Fərman ölkəmizdə bu sahədə fəaliyyətin müasir dövrün tələbləri nəzərə alınmaqla yenidən qurulması baxımından mühüm addım oldu. Fərmana əsasən, Azərbaycan Respublikasının Xüsusi Dövlət Mühafizə Xidməti ləğv edilərək onun əsasında üç dövlət orqanı - Azərbaycan Respublikası Prezidentinin Təhlükəsizlik Xidməti, Xüsusi Rabitə və İnformasiya Təhlükəsizliyi Dövlət Xidməti və Strateji Obyektlərin Mühafizəsi Dövlət Agentliyi yaradılıb.

Son illərdə də XDMX-nin inkişafı və maddi-texniki bazasının gücləndirilməsi, əməkdaşlarının peşəkarlığının artırılması istiqamətində mühüm işlər görülüb. Xidmətin ayrılmaz hissəsi olan Milli Qvardiya müasir standartlara uyğun olaraq yenidən qurulub, şəxsi heyətin hərbi-döyüş qabiliyyəti artırılıb, mənəvi-psixoloji hazırlığı və nizam-intizam yüksək səviyyədə təşkil edilib.

Eyni zamanda, Xüsusi Dövlət Mühafizə Xidməti vətənimiz uğrunda şanlı döyüş yolu keçmişdir. Ölkəmizin ərazi bütövlüyü uğrunda gedən döyüş əməliyyatlarında XDMX hərbi qulluqçuları da əsil qəhrəmanlıq nümayiş etdirmişlər.

Yeganə BAYRAMOVA

Paylaş:

Baxılıb: 544 dəfə