Əli Əhmədov: Avropa Olimpiya Oyunlarının Azərbaycanda keçirilməsi haqqında qərarın qəbul olunması ölkəmizin Avropa məkanında rolunun və əhəmiyyətinin artmasından xəbər verir

Bakı:

10 °C

81 %

9 m/s

AZ RU EN

Ana səhifə / Siyasət / Əli Əhmədov: Avropa Olimpiya Oyunlarının Azərbaycanda keçirilməsi haqqında qərarın qəbul olunması ölkəmizin Avropa məkanında rolunun və əhəmiyyətinin artmasından xəbər verir

Əli Əhmədov: Avropa Olimpiya Oyunlarının Azərbaycanda keçirilməsi haqqında qərarın qəbul olunması ölkəmizin Avropa məkanında rolunun və əhəmiyyətinin artmasından xəbər verir

12.12.2012 [01:34]

“Bir neçə gün əvvəl Avropa Olimpiya Oyunlarının Azərbaycanda keçirilməsi haqqında çox əhəmiyyətli qərar qəbul olunub. Azərbaycan Prezidenti İlham Əliyev bu münasibətlə xalqımızı təbrik edib. Hesab edirəm ki, tarixdə ilk dəfə Avropa Olimpiya Oyunlarının Azərbaycanda keçirilməsi haqqında qərarın qəbul olunması ölkəmizin bütün dünyada sözün hər mənasında artan nüfuzunun birbaşa təzahürüdür”. Bu fikirləri Yeni Azərbaycan Partiyasının (YAP) Sədrinin müavini-İcra katibi, millət vəkili Əli Əhmədov Milli Məclisin dünən keçirilən iclasındakı çıxışı zamanı deyib.
Əli Əhmədov bildirib ki, bu hadisə ölkəmizdə həyata keçirilən siyasətin uğurlarından xəbər verir. Bir neçə ildir Azərbaycanın nüfuzlu beynəlxalq tədbirlərin keçirildiyi məkana çevrildiyini deyən Əli Əhmədov ölkəmizin may ayında nüfuzlu beynəlxalq musiqi yarışması olan “Eurovision-2012” mahnı müsabiqəsinə eləcə də, digər böyük əhəmiyyətli tədbirlərə ev sahibliyi etdiyini xatırladıb. “2015-ci ildə Avropa Olimpiya Oyunlarının Azərbaycanda keçirilməsi haqqında qərarın qəbul olunması ölkəmizdə həyata keçirilən siyasətin uğurlarından, eləcə də, Azərbaycanın Avropa məkanında rolunun və əhəmiyyətinin artmasından xəbər verir. Bu qərar onu göstərir ki, Azərbaycan Avropada və bütün dünyada müsbət imicə malik olan ölkə kimi qəbul olunur. Hesab edirəm ki, Azərbaycan hökuməti 2015-ci ildə tarixdə ilk dəfə Avropa Olimpiya Oyunlarını keçirməklə, ölkəmizin müasir tarixinin çox şərəfli bir səhifəsini yazacaq. Bütün bunlar ölkəmizin imicinin daha da artması üçün başda Prezident İlham Əliyev olmaqla, Azərbaycan hökumətinin həyata keçirdiyi siyasətin uğurlarıdır. Amma təəssüflə qeyd etmək istəyirəm ki, Azərbaycanda müxalifət adını öz üzərinə götürmüş bəzi azsaylı qruplar var ki, ölkəmizin imicinə kölgə salmaqla məşğuldurlar. 10 dekabr - Ümumdünya İnsan Hüquqları Günündə Azərbaycanın imicinə xələl gətirmək üçün icazəsiz aksiyanın keçirilməsi cəhdi də bunu göstərir. Müxalifətin məhz həmin gün Azərbaycanın imicinə zərbə vurmaq məqsədilə az sayda cavan uşaqları küçələrə çıxardaraq şuluqluq salması və bununla da, guya ölkəmizdə insan hüquqlarının pozulması təsəvvürü yaraldılmasını qətiyyətlə pisləmək lazımdır. Bu hərəkətləri Azərbaycan vətəndaşları da qətiyyətlə pisləyirlər” - deyə, YAP Sədrinin müavini vurğulayıb.

Paylaş:

Baxılıb: 1104 dəfə