Çin KİV-ləri Azərbaycanda keçirilmiş prezident seçkiləri barədə xəbərlərə geniş yer ayırırlar

Bakı:

27 °C

40 %

7 m/s

Əlaqə

AZ RU EN

Ana səhifə / Siyasət / Çin KİV-ləri Azərbaycanda keçirilmiş prezident seçkiləri barədə xəbərlərə geniş yer ayırırlar

Çin KİV-ləri Azərbaycanda keçirilmiş prezident seçkiləri barədə xəbərlərə geniş yer ayırırlar

11.10.2013 [10:14]

Xəbər verdiyimiz kimi, Çinin aparıcı kütləvi informasiya vasitələri Azərbaycanda keçirilmiş prezident seçkilərinə böyük maraq göstərirlər. Belə ki, dünyanın ən böyük informasiya agentliklərindən biri olan “Sinxua”, geniş oxucu şəbəkəsinə malik gündəlik “Jenmin Jibao” qəzeti, 22 kanalı və bir milyard tamaşaçı auditoriyası olan Çin Mərkəzi Televiziyası - CCTV, 50-dən çox dildə yayımlanan Çin Beynəlxalq Radiosu, nüfuzlu “Global Times” qəzeti seçkilər barədə bir neçə dəfə xəbərlər yayıb, reportajlar yayımlayıblar.
“Sinxua” agentliyinin “Əliyev Azərbaycanda prezident seçkilərində qalib gəldi” başlıqlı xəbərində seçkilər barədə ətraflı məlumat verilib, seçicilərin, seçki məntəqələrinin, beynəlxalq və yerli müşahidəçilərin, veb-kamera quraşdırılmış məntəqələrin sayı, Mərkəzi Seçki Komissiyasının və “exit-poll” sorğularının nəticələri öz əksini tapıb. Qeyd edilib ki, İlham Əliyev ilkin nəticələrə görə, 85 faizə yaxın səslə qalib gələrək növbəti beş ildə ölkəyə rəhbərlik edəcək. Rəsmi rəqəmlərlə “exit-poll” sorğularının nəticələri demək olar ki, üst-üstə düşür. Müəllif Almaniyadan və Slovakiyadan olan beynəlxalq müşahidəçilərə istinadən yazır ki, səsvermənin gedişində ciddi bir qanun pozuntusuna rast gəlinməyib.
CCTV-nin Bakıya ezam olunmuş çəkiliş qrupunun səsvermə günü müxtəlif seçki məntəqələrindən, o cümlədən Prezident İlham Əliyevin səs verdiyi məntəqədən hazırladığı reportajlar televiziyanın müxtəlif kanallarında bir neçə dəfə yayımlanıb. Xəbər kanalı olan CCTV-13-də 3 dəqiqə 50 saniyəlik əsas reportajda isə seçki ilə bağlı dolğun məlumat verilib, səsvermə prosesindən, habelə əlverişli coğrafi məkanda yerləşən Azərbaycanın dinamik inkişafından, ölkədə həyata keçirilən yenidənqurma işlərindən söz açılıb. Həmçinin reportajda tamaşaçılara Ermənistan-Azərbaycan, Dağlıq Qarabağ münaqişəsi barədə məlumat verilib, Bakının tarixi və modern binalarının, işğal altındakı rayonların görüntüləri və seçicilərin fikirləri də yer alıb.
“Global Times” qəzeti əməkdaşlarının Azərbaycanın Pekindəki səfirliyində yaradılmış seçki məntəqəsində səsvermə prosesi barədə hazırladıqları məqalədə də prezident seçkiləri barədə ətraflı məlumat verilib.
Bundan başqa, Çin Beynəlxalq Radiosu və “Jenmin Jibao” qəzeti də seçkilər barədə bir neçə dəfə xəbərlər yayıb.

Paylaş:

Baxılıb: 1026 dəfə