Ötən ilin yekunları müzakirə edilib

Bakı:

27 °C

51 %

6 m/s

Əlaqə

AZ RU EN

Ana səhifə / Siyasət / Ötən ilin yekunları müzakirə edilib

Ötən ilin yekunları müzakirə edilib

15.01.2014 [09:28]

Səbail rayon İcra Hakimiyyətinin rayonun mərkəzini əhatə edən 1 saylı sahə inzibati ərazi dairəsi üzrə nümayəndəliyi 2013-cü ilin yekunları ilə bağlı tədbir keçirib.
Tədbirdə bildirilib ki, Azərbaycan Respublikası Prezidentinin Fərmanı ilə təsdiq edilmiş “Yerli icra hakimiyyətləri haqqında Əsasnamə”yə uyğun olaraq 2012-ci ilin sonunda Səbail rayonunda icra hakimiyyəti başçısının 1 və 2 saylı sahə inzibati ərazi dairəsi üzrə nümayəndəlikləri yaradılıb.
Hesabat məruzəsi ilə çıxış edən Səbail rayon İcra Hakimiyyəti başçısının 1 saylı sahə inzibati ərazi dairəsi üzrə nümayəndəsi Anar Həsənli vurğulayıb ki, Səbail rayon İcra Hakimiyyəti tərəfindən Şəhidlər xiyabanı kompleksinin ərazisində inşa edilmiş inzibati binada nümayəndəlik üçün xüsusi yer ayrılıb, hər cür avadanlıq və ləvazimatlarla təchiz olunub.
2013-cü ildə nümayəndəliyin ərazisində Azərbaycan Respublikasının Prezidenti İlham Əliyevin iştirakı ilə Milli İncəsənət Muzeyinin yeni keçid korpusunun, “Alov qüllələri” kompleksindəki “Fairmont Baku” otelinin, Neftçilər prospektində ikimərtəbəli yeraltı avtomobil dayanacağının, əsaslı təmirdən sonra Azərbaycan Dövlət Musiqili Teatrının binasının, Dağüstü parkın, Səbail rayon İcra Hakimiyyəti binasının açılış mərasimləri keçirilib.
Diqqətə çatdırılıb ki, hesabat dövründə Fəvvarələr meydanında 260 avtomobil yerlik yerüstü qaraj istifadəyə verilib, 1 nömrəli şəhər poliklinikasında, 7 nömrəli orta məktəbdə, 44 nömrəli uşaq bağçasında əsaslı təmir-yenidənqurma işləri başa çatdırılıb, 190 nömrəli orta məktəbin akt və idman zalı əsaslı təmir olunub.
Rayon icra hakimiyyəti tərəfindən Şəhidlər xiyabanı kompleksində 20 Yanvar Cəmiyyəti, Azərbaycan Vətən Müharibəsi Veteranları Birliyi Səbail rayon təşkilatının qərargahları, həmçinin xiyabana xidmət göstərən təsərrüfat xidmətləri işçiləri üçün inzibati bina tikilib.
Qeyd olunub ki, hazırda rayonun mərkəz ərazisində “Alov qüllələri” kompleksinin və “Cənub” mehmanxanasının tikintisi, 10 çoxmərtəbəli yaşayış binalarının təmiri və üzlənməsi davam etdirilir. Həmçinin, İdman oyunları stadionunda və 2 nömrəli şəhər poliklinikasında əsaslı təmir işləri aparılır.
Ötən il nümayəndəlik tərəfindən ilk növbədə ev təsərrüfatları uçotu kitabları tərtib olunub, bu sahədə aparılan işlər nəticəsində ərazidə olan ev təsərrüfatlarının dəqiq sayı, yaşayış binaları və fərdi evlərin texniki vəziyyəti, burada yaşayanlar barədə ətraflı məlumatlar toplanıb.
Yığıncaqda çıxış edən Səbail rayon İcra Hakimiyyətinin başçısı Asif Əsgərov Prezident İlham Əliyev tərəfindən Bakı şəhərinin qəsəbələrinə göstərilən diqqət və qayğıdan, gələcəkdə nümayəndəliyin ərazisinin daha da abadlaşdırılması, sakinlərin həyat şəraitinin müasir standartlara cavab verə biləcək səviyyəyə çatdırılması üçün görülməli işlərdən danışıb.
Yığıncağın sonunda sakinləri maraqlandıran suallar cavablandırılıb.

Paylaş:

Baxılıb: 1066 dəfə