Binəqədi rayonunda 2013-cü ilin sosial-iqtisadi inkişafının yekunlarına həsr olunmuş hesabat yığıncağı keçirilib

Bakı:

23 °C

58 %

7 m/s

AZ RU EN

Ana səhifə / Siyasət / Binəqədi rayonunda 2013-cü ilin sosial-iqtisadi inkişafının yekunlarına həsr olunmuş hesabat yığıncağı keçirilib

Binəqədi rayonunda 2013-cü ilin sosial-iqtisadi inkişafının yekunlarına həsr olunmuş hesabat yığıncağı keçirilib

15.02.2014 [10:59]

Tədbirdə, həmçinin, “Binəqədi rayonunun sosial-iqtisadi inkişafı: real vəziyyət və perspektivlər” mövzusunda
fərdi jurnalist yazıları müsabiqəsinin nəticələri də elan edilib
Dünən Binəqədi rayon İcra Hakimiyyətində 2013-cü ilin sosial-iqtisadi inkişafının yekunlarına həsr olunmuş hesabat yığıncağı keçirilib. Tədbirdə Prezident Administrasiyasının məsul işçisi Tağı Tağıyev, millət vəkilləri Madər Musayev, Rəfael Cəbrayılov, Bakı Şəhəri üzrə Təhsil İdarəsinin müdir müavini Hüseyn Əsgərov, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli, Azərbaycan Mətbuat Şurasının sədri Əflatun Amaşov, Bakı şəhər İcra Hakimiyyətinin məsul əməkdaşı Ramiz Quliyev, RİH başçısının müavinləri, RİH başçısı Aparatının məsul işçiləri, rayon icra strukturlarının rəhbərləri və rayon ictimaiyyətinin nümayəndələri iştirak ediblər.
Tədbir iştirakçıları əvvəlcə Ümummilli lider Heydər Əliyevin Yeni Azərbaycan Partiyası Binəqədi rayon təşkilatının qarşısındakı adidəsi önünə gül dəstələri qoyub, Ulu öndərin əziz xatirəsini ehtiramla yad ediblər.
Sonra Binəqədi rayonunda 2013-cü il ərzində görülmüş işlərdən bəhs edən film nümayiş etdirilib.
Rayon İcra Hakimiyyətinin başçısı Xaləddin İsgəndərov hesabat məruzəsi ilə çıxış edərək 2013-cü ildə Prezident İlham Əliyevin rəhbərliyi ilə respublikamızda bütün sahələrdə əldə olunmuş uğurlardan, Bakı şəhəri və onun ətraf qəsəbələrinin, eləcə də regionların sosial-iqtisadi inkişafı istiqamətində görülmüş işlərdən danışıb. Azərbaycandakı hərtərəfli müsbət dinamikanı xüsusi qeyd edən Xaləddin İsgəndərov 2013-cü ildə ölkə həyatında ən əlamətdar hadisə kimi dövlət başçısı İlham Əliyevin xalqın böyük əksəriyyətinin etimadını qazanaraq yenidən Prezident seçilməsini diqqətə çatdırıb. İcra Hakimiyyətinin başçısı bunu cənab Prezidentin yürütdüyü praqmatik, ardıcıl və məqsədyönlü siyasətə Azərbaycan xalqının obyektiv münasibətinin real təzahürü kimi səciyyələndirib.
Çıxışda ölkənin hərtərəfli potensialının güclənməsi fonunda rayonun sosial-iqtisadi sahədə qazandığı uğurlardan bəhs olunub. Xaləddin İsgəndərov konkret statistik rəqəmlər əsasında 2013-cü ildə rayonda sosial-iqtisadi və abadlıq-quruculuq sahəsində görülmüş işlərdən, əldə edilmiş uğurlardan danışıb. Ötən il ərzində reallaşdırılmış və vətəndaşların sosial rifahının, həyat səviyyəsinin yüksəlməsinə xidmət edən tədbirlərdən danışan Xaləddin İsgəndərov şəffaflığının və vətəndaş məmnunluğunun təmin edilməsi məqsədilə elektron hökumətin yaradılması istiqamətində görülmüş işləri qeyd edib.
Hesabat məruzəsindən sonra rayon İcra Hakimiyyətinin başçısının müavini Aygün Əliyeva və Bakı Pedaqoji Kadrların İxtisasartırma və Yenidən Hazırlanması İnstitutunun rektoru Asəf Zamanov çıxış ediblər.
Azərbaycan Respublikası Prezidenti Administrasiyasının məsul işçisi Tağı Tağıyev çıxış edərək Prezident İlham Əliyevin rəhbərliyi ilə ölkədə gedən hərtərəfli və sürətli tərəqqidən danışıb.
Tədbir iclasın qərar layihəsi və Prezident İlham Əliyevə ünvanlanmış müraciətin mətninin oxunması ilə davam edib.
Sonra Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli çıxış edərək Prezident İlham Əliyev tərəfindən mətbuata göstərilən qayğıdan və jurnalistlərin sosial rifah halının daha da yaxşılaşdırılması istiqamətində həyata keçirilən tədbirlərdən danışıb.
Tədbirdə media ilə sıx əməkdaşlığına görə rayon İcra Hakimiyyətinin başçısı Xaləddin İsgəndərova KİVDF-nin xüsusi mükafatı təqdim edilib.
Qeyd olunub ki, ötən il noyabrın 6-da Binəqədi rayon İcra Hakimiyyəti və KİVDF tərəfindən “Binəqədi rayonunun sosial-iqtisadi inkişafı: real vəziyyət və perspektivlər” mövzusunda fərdi jurnalist yazıları müsabiqəsi elan edilib. Müsabiqəyə 45 yazı verilib və jurnalistlərin 19-u mükafata layiq görülüblər. Tədbirdə fərdi jurnalist yazıları müsabiqəsinin qalibləri mükafatlandırılıb. Qeyd edək ki, qaliblər arasında “Yeni Azərbaycan” qəzetinin əməkdaşı da var.

Paylaş:

Baxılıb: 926 dəfə