Musa Quliyev: Son 11 il Azərbaycanın sosial-iqtisadi həyatında xüsusi bir mərhələdir

Bakı:

29 °C

42 %

4 m/s

Əlaqə

AZ RU EN

Ana səhifə / Siyasət / Musa Quliyev: Son 11 il Azərbaycanın sosial-iqtisadi həyatında xüsusi bir mərhələdir

Musa Quliyev: Son 11 il Azərbaycanın sosial-iqtisadi həyatında xüsusi bir mərhələdir

24.12.2014 [10:02]

“Daim Vətənimizin, xalqımızın gələcəyini düşünən Ümummilli liderin əvəzsiz xidmətlərindən biri də Onun zamanı qabaqlayan parlaq siyasi zəkası və böyük uzaqgörənliyi sayəsində Azərbaycanı uğurla idarə edən xarizmatik lider yetişdirməsi oldu”. Bunu Milli Məclisin Sosial siyasət komitəsinin sədr müavini, Yeni Azərbaycan Partiyası Siyasi Şurasının üzvü Musa Quliyev deyib. Onun sözlərinə görə, Heydər Əliyev siyasətinin layiqli davamçısı cənab İlham Əliyevin Azərbaycana rəhbərlik etdiyi 11 il ərzində ictimai-siyasi həyatın bütün sahələrində böyük uğurlar əldə olunub, xalq və dövlət üçün taleyüklü layihələr həyata keçirilib. Azərbaycanın iqtisadi və hərbi potensialı güclənib və əhalinin həyat səviyyəsi əhəmiyyətli dərəcədə yüksəlib. Odur ki, Azərbaycan iqtisadi inkişaf sürətinə görə son illərdə dünyanın lider dövlətləri sırasında addımlayır.
M.Quliyev bildirib ki, Prezident İlham Əliyevin həyata keçirdiyi siyasət nəticəsində Azərbaycanın regionun lider dövlətinə çevrilməsi, beynəlxalq birlikdəki yerini möhkəmləndirməsi, söz sahibinə çevrilməsi dünya miqyasında qəbul edilən reallıqdır. Bu reallığı təsdiq edən bir çox amilləri sadalamaq mümkündür: “Bu sırada Prezident İlham Əliyevin iştirak etdiyi, o cümlədən, Bakıda keçirilən beynəlxalq əhəmiyyətli tədbirlər gənc Azərbaycan dövlətinin dünyada artan nüfuzunu təsdiq edən mühüm faktorlardır. Azərbaycan artıq müxtəlif xarakterli - siyasi, idman, səhiyyə, iqtisadi və sair tədbirlərin keçirildiyi məkana çevrilib. Ölkəmizin mədəniyyətlərarası və sivilizasiyalararası dialoq üzrə mərkəzlərdən biri olmasını bütün dünya qəbul edir. Bütün bunlar ölkəmizin artan nüfuzundan xəbər verir. Belə demək mümkündürsə, ötən 11 ili Azərbaycanın bütün tarixi boyu keçdiyi ən yüksək inkişaf, tərəqqi, ölkəmizin qüdrətlənməsi, dünyaya modern bir dövlət olaraq təqdimatı, ölkə vətəndaşlarının sosial rifah halının yüksədilməsi kimi qiymətləndirmək olar. Möhtərəm Prezidentimiz İlham Əliyevin 11 illik fəaliyyəti dövründə həm paytaxda, həm də bölgələrdə həyata keçirilən sosial-iqtisadi inkişaf, yüksəliş olduqca böyükdür”.
Millət vəkili bildirib ki, son 11 il, Azərbaycanın sosial-iqtisadi həyatında xüsusi bir mərhələdir: “Bu mərhələnin davamı ilə ölkəmiz dünyaya inkişaf etmiş dövlət kimi daxil olacaq. Həmin illər ərzində Azərbaycanın bütün sosial-iqtisadi, ictimai-siyasi həyatında tarixi nailiyyətlər əldə olunub. İlk növbədə, regionların sosial-iqtisadi inkişaf proqramları qəbul olunub. Artıq bu istiqamətdə üçüncü proqram qəbul olunub. Azərbaycanda qeyri-neft sektorunun inkişafı çox güclü iqtisadi dayaqlar, nəzəri biliklər və səriştəli rəhbərlik, idarəetmə əsasında qurularaq inkişaf etdi. 2003-cü ildən bu yana Azərbaycanda həm iqtisadiyyatın şaxələnməsi prosesi, həm də region və kəndlərin inkişafı mərhələsi başladı. Bununla da Azərbaycanda çox böyük tarixi tikinti bumu dövrü reallaşdırıldı. Bu tikinti isə ölkənin bütün ərazilərini, regionlarını əhatə etdi. Ölkəmizdə tikilən hər bir hündürmərtəbəli bina, eyni zamanda, inkişaf edən, ucalan Azərbaycanın simvoludur. Eləcə də, tikilən hər bir məktəb ölkəmizdə elmin, təhsilin göstəricisindən xəbər verir”.

Paylaş:

Baxılıb: 675 dəfə