20 Yanvarda Azərbaycan xalqı özünün yenilməzliyini bütün dünyaya sübut etdi

Bakı:

25 °C

56 %

1 m/s

Əlaqə

AZ RU EN

Ana səhifə / Siyasət / 20 Yanvarda Azərbaycan xalqı özünün yenilməzliyini bütün dünyaya sübut etdi

20 Yanvarda Azərbaycan xalqı özünün yenilməzliyini bütün dünyaya sübut etdi

19.01.2010 [08:50]

Qırğızıstanın Kant şəhərində 20 Yanvar faciəsinin ildönümü ilə bağlı böyük mərasim keçirilib
Yanvarın 17-də Bişkekdəki “Azəri” İctimai Birliyinin və Türkdilli Dövlətlərin Siyasətinə Dəstək Fondunun birgə təşkilatçılığı ilə Qırğızıstanın Kant şəhərində 20 Yanvar faciəsinin 20-ci ildönümü ilə bağlı mərasim keçirilib. Tədbirdə, Kant rayonunun rəhbərləri, Azərbaycan diasporunun nümayəndələri iştirak ediblər.
Mərasimi “Azəri” İctimai Birliyinin prezidenti Akif Alaferdov açaraq, 20 Yanvar faciəsinin başvermə səbəbləri, keçmiş sovet ordusunun Bakıda törətdiyi cinayətlər haqqında ətraflı məlumat verib. Sonra çıxış edən Türkdilli Dövlətlərin Siyasətinə Dəstək Fondunun sədri Nüsrət Məmmədov isə deyib ki, 20 Yanvar tariximizin unudulmaz qəhrəmanlıq səlnaməsidir. Həmin gün Azərbaycan xalqı özünün yenilməzliyini, müstəqillik uğrunda mübarizə əzminin sarsılmazlığını bütün dünyaya sübut etdi. Xalqımızın azadlıq uğrunda apardığı mücadilə öz nəticəsini verdi. Uzun illər həsrətində olduğumuz müqəddəs arzuya, azadlığa qovuşduq: “20 Yanvar faciəsinin 20-ci ildönümünü qeyd etdiyimiz bu günlərdə biz ötən illəri xatırlamalı, xalqımızın ağır sınaqlardan necə şərəflə çıxdığını iftixar hissi ilə qeyd etməliyik. ümummilli liderimiz Heydər Əliyevin zəngin siyasi təcrübəsi, dövlətçilik məharəti, cəsarətli addımları sayəsində Azərbaycanda anarxiyanın, xaosun kökü kəsildi, sabitlik bərqərar oldu, Ermənistanla müharibədə atəşkəsə nail olundu, xalqımızın sınmış inamı özünə qaytarıldı, Azərbaycan müstəqilliyini itirmək təhlükəsindən xilas olaraq sabit və rəvan yola qədəm qoydu. Lakin bütün bunlar asanlıqla başa gəlmədi. 1994-cü ilin oktyabr, 1995-ci ilin mart dövlət çevirilişlərinin qarşısı mərdliklə alındı, ayrı-ayrı siyasi qruplara və şəxslərə xidmət edən müxtəlif silahlı dəstələr ləğv edildi, Milli Ordu yaradıldı və ordumuzda hərbi vətənpərvərlik, vətənə və torpağa sədaqət, milli qürur hissi gücləndirildi”.
Qanlı Yanvar hadisələrinə ən düzgün siyasi - hüquqi qiymətin də məhz ümummilli liderimiz tərəfindən verildiyini xatırladan natiq ölkəmizin tarixi gerçəkliklərinin dünya ictimaiyyətinə çatdırılması istiqamətində Prezident İlham Əliyev tərəfindən görülən işlərdən də geniş bəhs edib.
Qeyd edək ki, tədbirdə, həmçinin, Azərbaycan Prezidenti Administrasiyasının rəhbəri, akademik Ramiz Mehdiyevin Türkdilli Dövlətlərin Siyasətinə Dəstək Fondunun sifarişi ilə Bişkekdə rus və qırğız dillərində çap edilmiş “Azərbaycanlılara qarşı soyqırımı gerçəkliyi” kitabı, Əməkdar elm xadimi, AMEA-nın müxbir üzvü, akademiyanın Tarix İnstitutunun direktoru Yaqub Mahmudovun elmi redaktorluğu ilə institutun alimləri tərəfindən hazırlanmış, Bişkekdə rus və ingilis dilində nəşr olunmuş “Ermənilərin Azərbaycan torpağındakı əməlləri haqqında tarixi faktlar”, Azərbaycan Prezidenti Administrasiyasının sektor müdiri Qafar Əliyevin Bişkekdə rus dilində nəşr olunmuş “Müasir Azərbaycanın banisi, qurucusu və xilaskarı” və Fondun Bişkekdə nəşr etdirdiyi digər kitablar mərasim iştirakçılarına paylanılıb.

Paylaş:

Baxılıb: 1241 dəfə