Dağlıq Qarabağ münaqişəsi barədə xarici KİV-lərdə məqalə dərc edilib

Bakı:

26 °C

52 %

2 m/s

Əlaqə

AZ RU EN

Ana səhifə / Siyasət / Dağlıq Qarabağ münaqişəsi barədə xarici KİV-lərdə məqalə dərc edilib

Dağlıq Qarabağ münaqişəsi barədə xarici KİV-lərdə məqalə dərc edilib

09.10.2020 [08:42]

Bakı Beynəlxalq Multikulturalizm Mərkəzinin icraçı direktoru Rəvan Həsənovun İsrailin “The times of İsrail” portalında Azərbaycanın mədəniyyətlərarası və dinlərarası dialoqda oynadığı əhəmiyyətli rol haqqında məqaləsi fransız dilində, Almaniyanın “Next24” xəbər portalında isə Dağlıq Qarabağ münaqişəsinin dini və milli zəmində olmaması barədə məqaləsi alman dilində dərc edilib.
Bakı Beynəlxalq Multikulturalizm Mərkəzinin mətbuat xidmətindən AZƏRTAC-a bildiriblər ki, məqalədə Dağlıq Qarabağ ətrafında, xüsusilə bir sıra beynəlxalq KİV-lərdə Ermənistanla Azərbaycan arasında münaqişəyə iki yanaşma olduğu qeyd edilir. Müəllif bildirir ki, opponentlər ya münaqişəni dini səviyyəyə çıxarmağa çalışır, ya da gərginliyin “etnik səbəblər” üzündən artdığını iddia edirlər. Məqsəd münaqişəyə daha çox tərəfləri cəlb etmək və ictimai fikirləri manipulyasiya etməklə dini fərqlilikləri üzə çıxarmaqdır. Digər məqsəd isə “xristian ermənilər yenidən müsəlmanlar tərəfindən qətlə yetirilir” mifini beynəlxalq aləmə, xüsusilə də Qərb dünyasına çatdırmaqdır. Böhtan kampaniyası əvvəlcədən proqnozlaşdırılırdı. Münaqişənin dini səbəblərdən meydana çıxması ilə bağlı ittihamlar xəstə təxəyyülün nəticəsidir. Çünki Azərbaycanda dinlər və ya konfessiyalar arasında heç vaxt insident olmadığı üçün narahatlığa heç bir səbəb yoxdur və bundan sonra da olmayacaq. Azərbaycanda müxtəlif dinlərin nümayəndələri sərbəst ibadət edir və dini ayinləri heç bir maneə olmadan yerinə yetirirlər. Hər bir ibadət yeri dövlətin birbaşa dəstəyi ilə tikilir, təmir edilir və qorunur.
Digər ekstremal təbliğatçılar qrupunun fikrincə, Ermənistan-Azərbaycan Dağlıq Qarabağ münaqişəsi etnik xarakter daşıyır. Erməni məmurları bu təxribatçı iddianı möhkəmləndirmək üçün Azərbaycanda yaşayan müxtəlif xalqların nümayəndələrini əks-mövqe sərgiləməyə çağırsalar da, onların çağırışına səs verən olmadı. Etnik və dini kimliyindən asılı olmayaraq, bu gün bütün azərbaycanlılar qatı düşmənə qarşı çiyin-çiyinə mübarizə aparırlar, heç vaxt ölkədənkənar siyasi çağırışların və təbliğatın qurbanı olmurlar”.
Qarabağda yaşayan etnik ermənilərin Ermənistan tərəfindən münaqişə qurbanları kimi istifadə edilməsinin vurğulandığı məqalədə, həmçinin deyilir: “Bu gün Ermənistandan fərqli olaraq Azərbaycan monoetnik dövlət deyil, ölkəmizdə multikulturalizm siyasəti uğurla həyata keçirilir. Azərbaycanın ədalətli mübarizəsi nə dini, nə də etnik mübarizə deyil. Bunu, sadəcə olaraq, Azərbaycanın tarixinə, dövlətimizin dini və ya etnik müxtəlifliyinə nəzər salmaqla sübuta yetirmək olar. Ermənistan-Azərbaycan Dağlıq Qarabağ münaqişəsinin səbəbi Ermənistanın ərazi iddiaları və işğalçı siyasətidir. Azərbaycan ərazisinin Ermənistan silahlı qüvvələri tərəfindən işğal olunması və bir milyondan artıq vətəndaşımızın öz dədə-baba torpaqlarından didərgin düşməsi beynəlxalq cinayətdir. Bunu təsdiq edən yüzlərlə sənəd və fakt var. Lakin elə edirlər ki, təxminən 30 ildir problem ədalətli həllinə nail olunmur. Ona görə də biz işğal altındakı torpaqları geri qaytarmaq üçün güclü olmağa və öz hüquqlarımızı özümüz həll etməyə davam etməliyik. Bu hibrid və çoxvektorlu müharibədə qələbə Azərbaycanın olacaqdır. Hər bir azərbaycanlı münaqişəyə şərəf uğrunda birgə mübarizə kimi baxır. Qarabağ Azərbaycandır!”.

Paylaş:

Baxılıb: 322 dəfə