Ayaz Mirzəyev: Ali Baş Komandan İlham Əliyevin apardığı uğurlu siyasət kursu dünya ictimaiyyətinin münaqişə ilə bağlı həqiqətləri dilə gətirməsində əsaslı rol oynayır

Bakı:

23 °C

73 %

12 m/s

AZ RU EN

Ana səhifə / Siyasət / Ayaz Mirzəyev: Ali Baş Komandan İlham Əliyevin apardığı uğurlu siyasət kursu dünya ictimaiyyətinin münaqişə ilə bağlı həqiqətləri dilə gətirməsində əsaslı rol oynayır

Ayaz Mirzəyev: Ali Baş Komandan İlham Əliyevin apardığı uğurlu siyasət kursu dünya ictimaiyyətinin münaqişə ilə bağlı həqiqətləri dilə gətirməsində əsaslı rol oynayır

05.11.2020 [08:30]

“Azərbaycan Silahlı Qüvvələrinin son bir ayda həyata keçirdiyi uğurlu əks-hücum əməliyyatları düşməni döyüş meydanında açıq məğlubiyyətə uğradıb. Azərbaycan əsgərinin qarşısına çıxmağa, onunla mübarizə aparmağa cürəti çatmayan mənfur düşmən növbəti dəfə özünün terrorçu mahiyyətini nümayiş etdirərək Bərdə şəhərinə qarşı qadağan olunmuş kasetli bombalarla hücum həyata keçirdi, mülki vətəndaşlarımızı qətlə yetirdi. Bu, bir daha Ermənistanın müharibə qanunlarına riayət etmədiyini, beynəlxalq konvensiyaları və beynəlxalq hüququn tələblərini pozduğunu ortaya qoyur. Fikrimcə, beynəlxalq aləm terrorçu dövlətin dinc insanlara qarşı həyata keçirdiyi müharibə cinayətlərinə susmamalı, ciddi mövqe nümayiş etdirməlidir”.
Bunu “Yeni Azərbaycan” qəzetinə açıqlamasında “Azərbaycan Jurnalistlər Şəbəkəsi” İctimai Birliyinin rəhbəri Ayaz Mirzəyev deyib. Onun sözlərinə görə, artıq bir sıra beynəlxalq təşkilatlar bu məsələ ilə bağlı açıqlama yayıb və baş verənləri pisləyib. “Amnesty International”, “Human Rights Watch” kimi təşkilatların açıqlamalarında qadağan edilmiş silahlardan istifadənin və mülki əhaliyə qarşı olan hücumların yolverilməzliyinin yer aldığını bildirən A.Mirzəyev onu da vurğulayıb ki, Ali Baş Komandan cənab İlham Əliyevin apardığı uğurlu siyasət kursu dünya ictimaiyyətinin münaqişə ilə bağlı həqiqətləri dilə gətirməsində əsaslı rol oynayır.
“Azərbaycan Prezidenti son bir ayda demək olar ki, dünya birliyinin diqqətini münaqişənin mahiyyətinə, ölkəmizin öz ərazi bütövlüyünün təmini uğurunda apardığı haqlı mübarizəyə cəlb edib. Diqqət yetirsək, dünyanın aparıcı KİV-ləri döyüş xəttindən reportajlar hazırlayır, məsələyə həqiqət prizmasından yanaşırlar. Yeri gəlmişkən, Ermənistan silahlı qüvvələri tərəfindən Azərbaycanın Bərdə şəhərində yaşayış məntəqələrinə qarşı kasetli bombalardan istifadə edilməsi “VICE News” kanalının jurnalistləri tərəfindən də təsdiqlənib. Kanalın əməkdaşı Hind Hassan rəsmi “İnstagram” hesabında bildirib ki, Bərdə şəhərində raket zərbələri yaşayış evlərinə endirilib. Artıq bütün beynəlxalq ictimaiyyət Ermənistan dövlətinin terror siyasəti həyata keçirdiyini, dinc əhaliyə qarşı amansız davranışını, müharibə cinayətləri törətdiyini əyani şəkildə görür”, - deyə bildirən A.Mirzəyev qısa zaman ərzində işğal altındakı Azərbaycan torpaqlarının azad ediləcəyinə və ərazi bütövlüyümüzün təmin olunacağına inamını da ifadə edib.
PƏRVİZ

Paylaş:

Baxılıb: 482 dəfə