Ermənistan cəmiyyətində digər xalqlara və dinlərə qarşı nifrət aşılanır

Bakı:

24 °C

60 %

13 m/s

Əlaqə

AZ RU EN

Ana səhifə / Siyasət / Ermənistan cəmiyyətində digər xalqlara və dinlərə qarşı nifrət aşılanır

Ermənistan cəmiyyətində digər xalqlara və dinlərə qarşı nifrət aşılanır

07.11.2020 [08:33]

İsrailə qarşı aparılan kampaniya isə işğalçı ölkədə antisemitizm meyillərinin hökm sürməsinin göstəricisidir

Məlum olduğu kimi, Ermənistan cəmiyyətində terrorizm, faşizm, islamofobiya, digər xalqlara və dinlərə qarşı nifrət aşılanır. Bununla yanaşı, faşistlərin, terrorçuların “qəhrəman” kimi təqdim olunduğu, onlara abidələr ucaldıldığı Ermənistanda antisemitizm də geniş vüsət alıb. İşğalçı ölkədə bu fakt ölkə rəhbəri səviyyəsində özünü göstərir. Belə ki, Nikol Paşinyan noyabrın 3-də “Jerusalem Post” nəşrinə müsahibəsində İsraili ittiham edib. Ermənistanın baş naziri İsraili hədələməkdən də çəkinməyib. Paşinyanın ardınca isə Ermənistan silahlı qüvvələri baş qərargah rəisinin müşaviri Vladimir Poqosyan da eyni məzmunlu fikirlər səsləndirib.

Xatırladaq ki, bu yaxınlarda işğalçı Ermənistan öz səfirini də İsraildən geri çağırıb. Ekspertlərin qənaətinə görə, Ermənistanın öz səfirini İsraildən geri çağırması antisemitizm siyasətini pərdələmək cəhdindən başqa bir şey deyil. Çünki Ermənistanda antisemitizm və İsrailə qarşı nifrətin dərin kökləri var. Ermənilər I Dünya müharibəsi dövründə guya özlərinə qarşı olan “qeyri-insani” münasibətin beynəlxalq səviyyədə tanıdılması məsələsində İkinci Dünya müharibəsi dövründə yəhudi xalqının soyqırımına məruz qalmasını əsas maneə kimi görürlər.

Digər bir məsələ ondan ibarətdir ki, işğalçı ölkədə antisemitizm o qədər yüksək səviyyədədir ki, bu gün Ermənistanda bu amildən siyasi rəqibləri ləkələmək və onları nüfuzdan salmaq üçün istifadə olunur. Bunu yerli və xarici informasiya resurslarında yer alan məlumatlar da təsdiq edir.

Yuxarıda qeyd edildiyi ki, 1991-ci ildə müstəqilliyini elan etdikdən sonra bu ölkədə antisemitizm geniş vüsət alıb. Belə ki, Ermənistana xoşməramlı səfərlər edən Amerika-Yəhudi təşkilatları da Ermənistan mediasında antisemit tənqidlərə məruz qalıblar. Vurğulamaq yerinə düşər ki, ASALA başda olmaqla, Yaxın Şərqdə yaradılan erməni terror təşkilatlarının hədəfi türklərlə yanaşı, həm də yəhudilər olub. 1980-ci ildə ASALA-nın başçısı olan Akop Akopyan 1972-ci ildə Münxendə Olimpiya oyunlarında iştirak edən İsrail milli komandası üzvlərinin qətlə yetirilməsində fəal iştirak edib. Heç bir sübuta ehtiyacı olmayan bu faktların sayını daha da artırmaq olar.

Beləliklə, yuxarıda sadalanan faktlar, xarici və yerli KİV-lərdə yer alan məlumatlardan, rəylərdən də aydın olur ki, tarixən ermənilər arasında Yaxın Şərqdəki bir çox xalqlara münasibətdə olduğu kimi, yəhudilərə qarşı da düşmənçilik mövcud olub. Məhz bu səbəblərdən də rəsmi Yerevanın İsrailə qarşı atdığı addımların kökündə birbaşa antisemitizm amilinin dayanması heç bir şübhə doğurmur.

Nardar BAYRAMLI

Paylaş:

Baxılıb: 484 dəfə