Radikal müxalifət özünü cəmiyyətdən təcrid edir

Bakı:

10 °C

87 %

5 m/s

Əlaqə

AZ RU EN

Ana səhifə / Siyasət / Radikal müxalifət özünü cəmiyyətdən təcrid edir

Radikal müxalifət özünü cəmiyyətdən təcrid edir

24.11.2010 [14:39]

Əli Əhmədov: İdeyasız müxalifət cəmiyyət üçün gərginlik mənbəyinə, sosial bəlaya çevrilir
“Əslində müxalifətin radikal qanadının aqressivləşməsi təkcə cəmiyyət üçün yox, həm də onun özü üçün böyük problemə çevrilib. çünki cəmiyyət belə radikal əhval-ruhiyyəli insanlardan uzaq durur, onları qəbul etmir”. Bunu Yeni Azərbaycan Partiyasının (YAP) Sədr müavini-İcra katibi Əli Əhmədov “Azərbaycan” qəzetinə müsahibəsində deyib. Əli Əhmədovun sözlərinə görə, radikal müxalifət özünü cəmiyyətdən təcrid edir: “Əslində müxalifətin bu qanadı öz aqressivliyinin girovuna çevrilib. Müxalifətin bir hissəsinin həddən artıq aqressivləşməsinin əsas səbəblərindən biri elə onun öz dayaqlarını itirməsi ilə əlaqədardır”.
“Bir sıra müxalif lidelərin olduqca böyük ambisiyaları var” - deyən, Əli Əhmədov vurğulayıb ki, həmin ambisiyaların reallaşması onların mövcud imkanları xaricindədir: “Bu ambisiyalar azalan imkanlar fonunda aqressivliklə kompensasiya edilir. Hazırda Azərbaycanın radikal müxalifəti öz mövcudluğunu isbat etməyin yeganə yolu kimi aqressivliyi seçir. Onlar hesab edirlər ki, nə qədər aqressiv olsalar, nə qədər böhtan atsalar, nə qədər əxlaqi-mənəvi dəyərlərə sığmayan hərəkətlər etsələr, onda cəmiyyət müxalifətin mövcudluğunu duyacaq. Görünür, başqa bir formada və sahədə radikal müxalifət öz mövcudluğunu sübut edə bilmir. Radikallığın və aqressivliyin cəmiyyət üçün təhlükəsi, ilk növbədə bundadır”.
YAP-ın Sədr müavininin fikrincə, digər xoşagəlməyən hal, bəlkə təhlükə ondadır ki, Azərbaycan müxalifətinin böyük bir hissəsi hər hansı bir ideya ilə ölkə cəmiyyətinin diqqətini cəlb edə bilmir, alternativ fikir ortaya qoymaqda acizdir: “İdeyasız müxalifət cəmiyyət üçün gərginlik mənbəyinə, sosial bəlaya çevrilir. YAP seçkilərə qoşularkən öz proqramını müəyyənləşdirdi və bütün cəmiyyətə çatdırdı. Lakin müxalifət seçki kampaniyasında hər hansı proqramla iştirak etdiyini ortaya qoya bilmədi. Halbuki YAP-ın seçki proqramını ortaya qoymasına elə də böyük zərurət yox idi. çünki YAP hakimiyyətdədir və onun proqramı ölkə Prezidentinin həyata keçirdiyi siyasətdir. Bu siyasət timsalında cəmiyyət artıq YAP-ın proqramından xəbərdardır. Bəs seçkiyə qoşulan müxalifətin proqramı nədən ibarət idi? Onlar daxili və xarici siyasət, iqtisadi, sosial sfera, Dağlıq Qarabağ münaqişəsinin həlli ilə əlaqədar hansı ideya, hansı bir alternativ konsepsiyanı ortaya qoydu? Nəhayət, haqqında söhbət açdığımız müxalifət qanadının seçdiyi yol cəmiyyətin əxlaqi - mənəvi dəyərlərinin aşınmasına aparır. Müşahidə edildiyi kimi, müxalifətin siyasi təbliğatı ancaq yalana, böhtana və Azərbaycan reallıqlarının inkarına istinad edir. Bunun sübutu kimi göstərə bilərəm ki, İctimai Televiziya vasitəsilə aparılan debatlarda müxalifət tərəfindən təhqirdən, yalandan, böhtandan başqa insanların diqqətini cəlb edə biləcək hər hansı ideya irəli sürülmədi. Müxalifətin bu cür davranışı, əslində siyasəti əxlaqi və mənəvi əsaslarından məhrum edir, onu antiinsani, anticəmiyyət faktoruna çevirir”.

Paylaş:

Baxılıb: 1000 dəfə