BMT Dağlıq Qarabağ münaqişəsinin həlli məsələsinə diqqəti artırmalıdır

Bakı:

15 °C

63 %

3 m/s

Əlaqə

AZ RU EN

Ana səhifə / Siyasət / BMT Dağlıq Qarabağ münaqişəsinin həlli məsələsinə diqqəti artırmalıdır

BMT Dağlıq Qarabağ münaqişəsinin həlli məsələsinə diqqəti artırmalıdır

03.03.2011 [18:38]

Mübariz Qurbanlı: BMT-nin vəzifələrindən biri Azərbaycanın bu quruma üzv qəbul edildiyi zaman mövcud olduğu sərhədlər çərçivəsində ərazi bütovlüyünün bərpa olunması istiqamətində addımlar atmasıdır
“Azərbaycanın 19 il öncə BMT-yə üzv olması tarixi hadisədir. Təbii ki, BMT səviyyəsində Azərbaycanın bir dövlət olaraq tanınması xalqımızın uzun illər ərzində müstəqillik uğrunda apardığı mübarizənin nəticəsi idi”. Bu fikirləri www.yap.org.az saytına açıqlamasında YAP İcra katibinin müavini, Milli Məclisin deputatı Mübariz Qurbanlı deyib.
M.Qurbanlı bildirib ki, hazırda ölkəmiz BMT-nin bir sıra strukturları ilə fəal əməkdaşlıq edir. Təşkilatın Dağlıq Qarabağ münaqişəsi ilə bağlı mövqeyinə gəlincə, YAP İcra katibinin müavini qeyd edib ki, BMT-nin vəzifələrindən biri Azərbaycanın bu quruma üzv qəbul edildiyi zaman mövcud olduğu sərhədlər çərçivəsində ərazi bütovlüyünün bərpa olunması istiqamətində addımlar atmasıdır.
Onun sözlərinə görə, BMT-nin Təhlükəsizlik Şurası Ermənistan tərəfindən Azərbaycanın işğal edilmiş ərazilərinin qeyd-şərtsiz azad edilməsi haqqında qətnamələr qəbul edib. M.Qurbanlı bildirib ki, BMT nüfuzlu beynəlxalq təşkilat olaraq problemin həllinə diqqəti artırmalıdır.
“BMT-də Azərbaycanın nüfuzunun daim yüksək səviyyəyə qalxması və ərazi bütövlüyümüzün dəstəklənməsi istiqamətində qərarların qəbul edilməsi yönündə Ulu öndər Heydər Əliyevin atdığı addımlar xüsusilə qeyd olunmalıdır. Ulu öndər Heydər Əliyev Azərbaycanın BMT müstəvisində həyata keçirdiyi siyasətin strateji və taktiki tərəflərini müəyyən edib. ümummilli liderimiz Heydər Əliyevin 1994-cü ildə BMT Baş Məclisinin 49-cu sessiyasında çıxışı Azərbaycan həqiqətlərinin BMT səviyyəsində dünyaya çatdırılması baxımından mühüm hadisələrdən biri kimi yadda qalır. Bu siyasəti davam etdirən Prezident İlham Əliyev də BMT tribunası vasitəsilə Azərbaycan həqiqətlərini dünyaya çatdırır. Prezident İlham Əliyev BMT Baş Məclisinin 59-cu sessiyasındakı çıxışında sülhün qorunması və münaqişələrin aradan qaldırılması istiqamətində BMT-nin rolunun artırılmasının vacibliyini vurğulayıb. Ermənistan - Azərbaycan Dağlıq Qarabağ münaqişəsi ilə əlaqədar BMT-də sənədlərin qəbul olunması ölkəmizin uğurlarından biridir. Bu fakt onu göstərir ki, təşkilatda təmsil olunan dövlətlərin əksəriyyəti ölkəmizin haqq işini dəstəkləyir. Azərbaycan bundan sonra da ədalətin bərpa olunması istiqamətində BMT çərçivəsindəki fəaliyyətini davam etdirəcək”, - deyə YAP İcra katibinin müavini vurğulayıb.

Paylaş:

Baxılıb: 903 dəfə