QARDAŞLAŞMIŞ MƏKTƏBLƏR

Bakı:

25 °C

66 %

9 m/s

Əlaqə

AZ RU EN

Ana səhifə / Sosial / QARDAŞLAŞMIŞ MƏKTƏBLƏR

QARDAŞLAŞMIŞ MƏKTƏBLƏR

05.09.2014 [09:41]

Bu gün müstəqil Azərbaycan dövlətinin, Azərbaycan təhsilinin ən böyük vəzifəsi müstəqil düşünüb, müstəqil nəticə çıxaran Azərbaycan vətəndaşı yetişdirməkdir. Bu şərəfli vəzifəni ləyaqətlə yerinə yetirmək üçün Azərbaycan təhsil işçilərinin və valideynlərin birgə əməkdaşlığı cox vacibdir.
Azərbaycan Respublikası Prezidentinin zamana söykənən fərmanları, o cümlədən “Qardaşlaşmış məktəblər” layihəsi gənc nəslə ən böyük töhfədir. Bu məsuliyyətli vəzifəni öz üzərinə götürən Azərbaycan Respublikasının Prezidenti yanında Bilik Fondu Nizamnaməsinə uyğun olaraq, gənc nəslə Azərbaycançılıq məfkurəsinin mahiyyətinin çatdırılmasını, gənc nəslin vətənpərvərlik ruhunda tərbiyə olunmasını, milli-mənəvi və dini dəyərlərin təbliğini, hər bir şagirdin müasir standartlara uyğun biliklərə və dünyagörüşünə yiyələnməsini, şəxsiyyət kimi inkişafının təmin edilməsini, gənclərin bilik, bacarıq və vərdişlərinin inkişafına dəstək göstərilməsini, sağlam həyat tərzinin, ətraf mühitin mühafizəsinin, Azərbaycan tarixi və mədəniyyətinin təbliğini bir şərəf borcu hesab edir. Maraqlı cəhət odur ki, “Qardaşlaşmış məktəblər” proqramı bütün Azərbaycan məktəblərini əhatə edir. Bu layihəyə qoşulan məktəbli sövqi-təbii olaraq yaşıdları ilə yaxınlaşıb-doğmalaşacaq, özünün heç də tək olmadığını, bu məmləkətin bir vətəndaşı kimi üzərinə məsuliyyətli bir vəzifə düşdüyünü dərk edəcək və həmin vəzifəni ləyaqətlə yerinə yetirməyə çalışacaq. Bunun üçün hər bir məktəblinin intellektual səviyyəsinin yüksəlməsi, dünyagörüşünün artması, istedadlı gənclərin aşkarlanması, passiv şagirdlərin kənarda qalmayıb, fəaliyyətə cəlb olunması layihənin əsas vəzifəsidir. Bütövlükdə layihə gənclərin mənəvi tərbiyəsinə xidmət edir, necə deyərlər, mənəvi tərbiyəsini düzgün quran millət həqiqi mənliyə sahib olacaqdır.
Ölkə başçısı İlham Əliyevin göstərişi ilə hazırda “Ölkəmizi tanıyaq” devizi altında turlar təşkil olunur. Bilik Fondunun gerçəkləşdirdiyi “Qardaşlaşmış məktəblər” proqramı da bu möhtəşəm layihənin davamı olaraq məktəblilərə doğma yurdumuz Azərbaycanı bir daha sevdirir. İlkin mərhələdə layihənin əhatə etdiyi Şəki, Ağstafa, Beyləqan, Tovuz, Quba, Gədəbəy, Füzuli, Bərdə, Ağdam kimi bölgələrin tarixi mədəniyyəti haqqında kifayət qədər məlumatlanan şagirdlərdə digər bölgələrə də maraq yaranır və bu maraq şagirdlərin intellektual səviyyəsinin və dünyagörüşünün genişlənməsinə səbəb olur.
“Qardaşlaşmış məktəblər” proqramının iştirakçısı kimi Bakı şəhəri, Səbail rayonu, O.Mirzəyev adına 190 saylı tam orta məktəb Şəki şəhəri 7 saylı tam orta məktəblə dostluq əlaqələri yaradır. Bu görüşə xüsusi hazırlaşan şagirdlərimizin Vətənimiz haqqında hazırladıqları slayd və müxtəlif məzmunlu təqdimatların bir ünvanı, bir məkanı var: Azərbaycan.
Proqram çərçivəsində il boyu təşkil olunacaq ekskursiyalar, “dəyirmi masa”lar, debatlar, intellektual yarışmalar Azərbaycan tarixini və mədəniyyətini daha yaxından öyrənməyə şərait yaradır. Nəticədə məktəblərin birgə tədbirlər keçirməklə yaxınlaşması, qardaşlaşması təmin olunur, gənclərə kommunikativ, təşkilati bacarıq, vərdişlər aşılanır.
Öz əhatə dairəsini genişləndirib, ən ucqar kəndlərdə yaşayan məktəblinin də bu layihədə iştirakını təmin etmək əsas məqsəddir: heç kəs kənarda qalmayacaq, hər kəs azərbaycanlı kimi doğulub böyüdüyü, tərbiyə aldığı üçün fəxr edəcək.
Qənirə Əmircanova
Əməkdar müəllim, pedaqogika
üzrə fəlsəfə doktoru, 190 №-li tam orta məktəbin direkrtor əvəzi

Paylaş:

Baxılıb: 1166 dəfə