Prezident İlham Əliyevin verdiyi tapşırıqların icrası regionların inkişafına böyük imkanlar yaradır

Bakı:

12 °C

94 %

2 m/s

AZ RU EN

Ana səhifə / Sosial / Prezident İlham Əliyevin verdiyi tapşırıqların icrası regionların inkişafına böyük imkanlar yaradır

Prezident İlham Əliyevin verdiyi tapşırıqların icrası regionların inkişafına böyük imkanlar yaradır

30.01.2016 [10:22]

Tələbə Qəbulu üzrə Dövlət Komissiyasının sədri Məleykə Abbaszadə yanvarın 29-da Biləsuvarda ictimaiyyət nümayəndələri və rayon ərazisində salınan qəsəbələrdə məskunlaşan Cəbrayıldan olan məcburi köçkünlərlə görüşüb.
AZƏRTAC xəbər verir ki, görüşdə çıxış edən Biləsuvar rayon İcra Hakimiyyətinin başçısı Mahir Quliyev rayonda görülən işlər və nəzərdə tutulan layihələr barədə məlumat verib. Bildirilib ki, dövlətimizin başçısının regionların sosial-iqtisadi inkişafına göstərdiyi diqqət və qayğı nəticəsində Biləsuvar rayonunda müasir infrastruktur, istehsal və emal müəssisələri yaradılıb. Regionların 2014-2018-ci illərdə sosial-iqtisadi inkişafı Dövlət Proqramının icrasının ikinci ilinin yekunlarına həsr olunmuş konfransda kənd təsərrüfatının inkişafı ilə bağlı Prezident İlham Əliyevin tapşırığına uyğun olaraq, bu il rayonda 7 min hektaradək pambıq əkini nəzərdə tutulub ki, bu da 600 nəfərin daimi, 10 min nəfərin mövsümi işlə təmin olunmasına imkan verəcək.
Qaçqın və məcburi köçkünlərə qayğını diqqətə çatdıran Cəbrayıl Rayon İcra Hakimiyyətinin başçısı Mahmud Quliyev isə bildirib ki, bu təbəqədən olan insanların sosial infrastruktur təminatının yaxşılaşdırılması, onların ən müasir kommunal xidmət növləri ilə təchiz olunmuş yaşayış evləri ilə təmin edilmələri dövlətin sosial siyasətinin başlıca hədəflərindəndir.
Tələbə Qəbulu üzrə Dövlət Komissiyasının sədri Məleykə Abbaszadə qeyd edib ki, Prezident İlham Əliyevin uzaqgörən siyasəti nəticəsində yaradılmış siyasi sabitlik, güclü iqtisadi potensial, vaxtında aparılan islahatlar, neft amilindən asılılığın azaldılması, biznes mühitinin təkmilləşdirilməsi, sahibkarlığın inkişaf etdirilməsi sayəsində ölkə iqtisadiyyatının mənfi təsirlərə dayanıqlığını təmin etmək mümkün olub. Gəlirlərin azalmasına baxmayaraq, əhalinin sosial müdafiəsi gücləndirilir, əmək haqları, sosial müavinətlər, pensiyalar artırılır. Özəl bölmənin inkişafı istiqamətində görülən işlər, lisenziyalaşdırma sisteminin təkmilləşdirilməsi, investisiyaların təşviqi və qeyri-neft məhsullarının ixracının stimullaşdırılması sahəsində dövlətimizin başçısı tərəfindən qəbul edilmiş qərarlar sahibkarlığın inkişafında mühüm əhəmiyyət kəsb edir. Qeyd olunub ki, regionların 2014-2018-ci illərdə sosial-iqtisadi inkişafı Dövlət Proqramının icrasının ikinci ilinin yekunlarına həsr olunmuş konfransda Prezident İlham Əliyevin verdiyi tapşırıqların icrası ölkənin, eləcə də onun ayrı-ayrı regionlarının inkişafı üçün böyük imkanlar yaradır.
Görüşdə respublikada məktəb tikintisi, uşaq bağçalarının istifadəyə verilməsi, təhsilin müasirləşdirilməsi ölkəmizin gələcəyinə böyük qayğı kimi dəyərləndirilib, qəbul və buraxılış imtahanları ilə bağlı müzakirələr aparılıb.
İctimaiyyət nümayəndələri göstərilən qayğıya görə dövlətimizin başçısına minnətdarlıq edib, bu qayğıya əməli işləri ilə cavab verəcəklərini bildiriblər.

Paylaş:

Baxılıb: 690 dəfə