Moldovada yaşayan azərbaycanlılar prezident seçkilərində cənab İlham Əliyevə səs verəcəklər

Bakı:

22 °C

61 %

5 m/s

Əlaqə

AZ RU EN

Ana səhifə / Sosial / Moldovada yaşayan azərbaycanlılar prezident seçkilərində cənab İlham Əliyevə səs verəcəklər

Moldovada yaşayan azərbaycanlılar prezident seçkilərində cənab İlham Əliyevə səs verəcəklər

07.04.2018 [09:53]

Aprelin 11-də Azərbaycanda keçiriləcək prezident seçkilərində xaricdə yaşayan vətəndaşlarımızın iştirakının təmin edilməsi üçün zəruri tədbirlər görülür. Öz növbəsində Moldovada yaşayan və təhsil alan Azərbaycan vətəndaşları öz istək və arzularını Azərbaycanın Moldovadakı səfirliyində reallaşdıracaqlar. Bu ölkədə səsvermə hüququna malik olan soydaşlarımıza sərbəst şəkildə seçdiyi namizədə səs vermələri üçün hər cür imkanlar yaradılacaq. Bunu Moldova Azərbaycanlıları Konqresinin sədri Vüqar Novruzov deyib. Ölkəmizdə keçiriləcək prezident seçkilərinin dünyanın harasında yaşamasından asılı olmayaraq hər bir azərbaycanlı üçün taleyüklü məsələ olduğunu vurğulayan Vüqar Novruzov qədirbilən xalqımızın bu seçkilərdə də öz liderinə etimad göstərəcəyinə ümidvar olduğunu bildirib.
“Azərbaycanda növbəti prezident seçkilərinin keçirilməsinə sayılı günlər qalıb. Təbii ki, bu seçkilər dünyanın müxtəlif ölkələrində olduğu kimi Moldovada yaşayan azərbaycanlıların da diqqət mərkəzindədir. Xalqımız ağı qaradan seçməyi bacarır. Ötən illər ərzində Vətənimiz kifayət qədər inkişaf edərək dünyanın aparıcı ölkələri arasında öz layiqli yerini tutub. Bu gün biz də haqq səsimizi dünyanın istənilən tribunasından ucaltmağa müvəffəq olan, Azərbaycanı ürəkdən sevən, ona bütün mənəviyyatı ilə bağlı olan bir diaspor qurumuna çevrilmişik. Biz şahidik ki, güclü iqtisadiyyata, siyasi sabitliyə, böyük hərbi potensiala və demokratik inkişaf xəttinə malik olan dövlətimiz Prezident İlham Əliyevin rəhbərliyi ilə qarşıya qoyulan istənilən vəzifənin öhdəsindən uğurla gəlir. Azərbaycan bu gün bölgədə və dünyada etibarlı tərəfdaş, sürətlə inkişaf edən ölkə imicinə malikdir. Azərbaycan Qərbə tamamilə açıqdır və Avropanın enerji təhlükəsizliyinin təmin olunmasında aparıcı rol oynayır. Bu uğurları xaricdə yaşayan azərbaycanlılar daha həssaslıqla duyur və hiss edir”.
V.Novruzovun sözlərinə görə, Moldovada yaşayan soydaşlarımız bu qənaətdədirlər ki, son 15 ildə Azərbaycanın beynəlxalq aləmdə nüfuzunun artması və dünya xalqları arasında sülhpərvər imicinin formalaşması məhz Prezident İlham Əliyevin həyata keçirdiyi düzgün daxili və xarici siyasətin nəticəsidir: “Bu baxımdan, Moldovada yaşayan həmvətənlərimiz ölkəmizin yalnız cənab İlham Əliyevin rəhbərliyi ilə özünün parlaq gələcəyinə qovuşacağına, ərazi bütövlüyünün bərqərar olacağına inanır, qarşıdan gələn seçkilərdə yalnız və yalnız Ona dəstək verirlər. Əminəm ki, xalqımız bu seçkilərdə mütəşəkkillik nümayiş etdirərək, öz liderini növbəti 7 il müddətinə ölkəmizə rəhbər seçəcək”.

Paylaş:

Baxılıb: 578 dəfə