Təhmasib Novruzov: Həmin təxribatçı ünsürlər tam tərkibdə müəyyən edilməli və layiqli cəzalarını almalıdırlar

Bakı:

22 °C

58 %

6 m/s

AZ RU EN

Ana səhifə / Sosial / Təhmasib Novruzov: Həmin təxribatçı ünsürlər tam tərkibdə müəyyən edilməli və layiqli cəzalarını almalıdırlar

Təhmasib Novruzov: Həmin təxribatçı ünsürlər tam tərkibdə müəyyən edilməli və layiqli cəzalarını almalıdırlar

16.07.2020 [09:22]

Məlum olduğu kimi, iyulun 14-dən 15-ə keçən gecə Azərbaycan Ordusuna dəstək məqsədilə Şəhidlər xiyabanının qarşısında keçirilən aksiya zamanı bir qrup şəxs Milli Məclisin binasına girərək vandallıq aktı törədib, polislərə qarşı güc tətbiq edib və şəhərin küçələrində iğtişaş yaratmağa cəhd göstərib. Qeyd edək ki, bəzi qrupların, şəxslərin bu cür hərc-mərclik yaratmaq cəhdləri cəmiyyətimizin bütün təbəqələrinin nümayəndələri tərəfindən qəti şəkildə pislənilir.
Öz növbəsində “Yeni Azərbaycan” qəzetinə açıqlama verən “Azadlıq Hərəkatçılar Birliyi”nin sədri Təhmasib Novruzov ilk növbədə onu deyib ki, koronavirus pandemiyası ilə əlaqədar elan olunmuş xüsusi karantin rejimi şəraitində vətəndaşların sağlamlığı və təhlükəsizliyi baxımından istənilən kütləvi aksiya ciddi təhdiddir: “Nəzərə almaq lazımdır ki, həmin kütləvi aksiyada iştirak edən on nəfər virusdaşıyıcı yüzlərlə insana virus yoluxdura, bu da daha ağır fəsadlara gətirib çıxara bilər. Bununla belə, hər cür problemi göz önünə alıb ordumuza, dövlətimizə dəstək məqsədilə meydana toplaşan insanların vətənpərvərlik hissini nümayiş etdirməsi təqdirəlayiqdir. Xalqın minlərlə nümayəndəsinin indiki məqamda Azərbaycan Ordusu və Ali Baş Komandana dəstək göstərməsini yalnız alqışlamaq lazımdır. Ancaq xalqın Orduya dəstək aksiyasından öz qaranlıq məqsədləri naminə yararlanmaq istəyən bir qrup şəxsin ölkədə təxribat törətmək cəhdləri qətiyyən yolverilməzdir”.
Bu təxribatın arxasında dayanan qüvvələrin kimliyinə toxunan T.Novruzov deyib ki, xaricdən aldıqları dəstəklə Azərbaycanı hər məqamda problemə sürükləməyə çalışan içimizdəki antimilli qüvvələr yenə də iş başındadır: “Karl Marksın bir fikri var: “Bir xalqın ərazisini əlindən almaq istəyirsənsə, əvvəl o xalqın içində xaos yarat, o zaman istəyinə asanlıqla nail olarsan”. Bizim düşmənimiz çox məkrli və hiyləgər düşməndir. Cəbhədə təxribatla yanaşı, ölkəmizin daxilində xaos yaratmaq üçün dezinformasiyalar yayırlar. Bu məkrli düşmən Tovuzda planlaşdırdığı təxribatın bütün elementlərini informasiya cəhbəsində də həyata keçirir. Məhz erməni lobbisinin əli ilə yaradılan belə qruplar hər zaman məqam gözləyir və lazım gələn anda fürsəti fövtə vermədən fəaliyyətə keçirlər. Ötən gecə baş verənləri də məhz həmin qüvvələrin planlı təxribatı hesab edirəm”.
Baş verən iğtişaş cəhdini Azərbaycan xalqına, dövlətimizə, cəbhədə düşmənlə üz-üzə olan Ordumuza xəyanət kimi dəyərləndirən QHT sədri deyib ki, həmin vandalizm aktlarının, polisə güc tətbiq etmək cəhdlərinin iştrakçıları mütləq cəzalandırılmalıdırlar: “Düşmən dəyirmanına su tökən içimizdəki təxribatçılar mənfur erməni diversantları qədər qorxuludurlar və xalqımıza daha çox zərər verə bilərlər. Ona görə də həmin təxribatçı ünsürlər tam tərkibdə müəyyən edilməli və layiqli cəzalarını almalıdırlar”.

Paylaş:

Baxılıb: 478 dəfə