EG.5 sürətlə yayılır...

Bakı:

25 °C

56 %

1 m/s

Əlaqə

AZ RU EN

Ana səhifə / Sosial / EG.5 sürətlə yayılır...

EG.5 sürətlə yayılır...

12.08.2023 [11:20]

Əlamətləri nədir?

Y.SAHİB

Ümumdünya Səhiyyə Təşkilatı (ÜST) koronavirusun “Omikron” ştamının yeni variantının - EG.5-in dünyada sürətlə yayıldığını bildirib. Bu barədə qurumun hesabatında məlumat verilib.

Bildirilir ki, EG.5 XBB.1.9.2-nin nəslindəndir və XBB.1.5 ilə eyni amin turşusu profilinə malikdir. EG.5 XBB.1.9.2 ilə müqayisədə sünbül zülalında əlavə f456l amin turşusu mutasiyasını daşıyır. Yeni variant ilk dəfə 2023-cü il fevralın 17-də qeydə alınıb.

Qeyd edək ki, son həftələrdə ABŞ, eləcə də İtaliya, Yaponiya, Böyük Britaniya, İspaniya və dünyanın digər ölkələrində COVID-19-a yoluxma statistikasında əhəmiyyətli dərəcədə artım müşahidə olunur. Ekspertlər bildirir ki, gələn həftələrdə bütün dünyada məktəblər yenidən açıldıqca, yay və ya qış tətilindən sonra, yüz milyonlarla uşaq zəif havalandırılan sinif otaqları ilə dolacaq və cəmiyyət tamamilə hazırlıqsız qalarkən mövcud dalğanı dərinləşdirəcək.

Yoluxucu xəstəlik üzrə mütəxəssis JP Weiland hesab edir ki, hər gün təxminən 419,000 amerikalı COVID-19-a yoluxur. Hazırda təxminən 4,2 milyon amerikalı bu xəstəlikdən əziyyət çəkir.

“Biobot Analytics”-in məlumatına görə, son altı həftə ərzində ABŞ-da çirkab sularında SARS-CoV-2-nin miqdarı 114 faiz artıb. Xəstəliklərə Nəzarət və Qarşısının Alınması Mərkəzinin (CDC) məlumatları göstərir ki, son bir ay ərzində COVID-19 səbəbindən xəstəxanaya yerləşdirilənlər həftədə 6,450-dən 9,056-ya yüksəlib, yəni 40 faiz artıb. Federal hökumət COVID-19-a yoluxanların sayını hesablamağı dayandırdığından elm adamları kanalizasiya sularından nümunə götürərək və xəstəxanaya yerləşdirilənləri izləməklə COVID-19-un yayılmasını qiymətləndirməyə məcbur olublar.

“Omikron”dan saha sürətli yayılır...

EG.5 variantının əlamətləri barədə “Yeni Azərbaycan”a açıqlama verən infeksionist-hepatoloq Mərdan Əliyev bildirib ki, EG.5 hazırda 51 ölkədə yayılıb. Onun sözlərinə görə, yeni variantın əlamətləri hələlik tam olaraq öyrənilməyib: “Lakin “Omikron”un bu varinatının reseptorları insanın tənəffüs yollarının epidel hüceyrələrinə daha möhkəm yapışır. Bu da onu göstərir ki, “Omikron”dan daha sürətli yoluxma qabiliyyətinə malik ola bilər. Ancaq həqiqətən də “Omikron”dan sürətli yayılmaya malik olduğunu dəqiq deyə bilmərik. Çünki müəyyən zaman lazımdır ki, yeni variantın əlamətləri tam bilinsin. Düzdür, bu, labaratoriyada öz təsdiqini tapıb, amma praktikada özünü necə göstərəcəyi məlum deyil. Çünki “Omikron” varinatı meydana çıxandan sonra çox sürətlə yayılmağa başladı və bir ay ərzində bütün dünyanı əhatə elədi. Yeni ştamm isə hələ ki “Omikron” qədər sürətli yayılmır və 51 ölkənin bəzilərində tam dominant vəziyyət almayıb”.

B? ölkələrdə immunitet formalaşmayıb

M.Əliyev qeyd edib ki, yeni varinatlar koronavirusa xas olan xüsusiyyətlərə malikdir və mutasiyaların baş verib yeni variantların yaranması tam normal haldır: “Ona görə də koronavirus meydana çıxandan onun yeni varinatlarının yayıldığına şahid oluruq. Çin, Yaponiya, Tayland kimi ölkələrdə COVİD-19 hələ də sürətlə yayılmaqdadır. Məlumdur ki, Çində hələ tam kollektiv immunitet formalaşmayıb. Ona görə orada yoluxma ehtimalı daha sürətlidir və yeni variantların meydana çıxmasına bu ölkələrdə daha çox rast gəlinir”.

Azərbaycanda vəziyyət...

EG.5-in Azərbaycanda yayılmasına gəlincə, infeksionist ökəmizdə kollektiv immunitetin formalaşdığını vurğulayıb: “Azərbaycanda demək olar ki, həs kəs ən azı bir dəfə virusa yoluxub və sağalıb. Bu baxımdan ölkəmizdə yoluxma sayında artımların olması gözlənilmir. Amma koronavirus kəskin respirator virus infeksiyaları qrupuna aiddir. Yəni kəskin ağciyər xəstəlikləri törədir və bu da hava-damcı yolu ilə bir şəxsdən digərinə keçir. Belə xəstəliklər xüsusilə payız-qış mövsümündə daha aktiv olur. Yaz-yay aylarında isə aktivliyi azalır. Hazırda yay fəslində olduğumuz üçün yoluxma ehtimalı azdır. Ancaq payıza və qışa doğru dünyada yolxuma sayında artım gözləyirik və bu artım bizdə də gözlənilir. Buna baxmayaraq, yeni variant müəyyən məhdudlaşdırıcı tədbirlərin görülməsinə səbəb olmayacaq”.

Paylaş:

Baxılıb: 775 dəfə