Bəşəriyyətin gələcəyinə böyük töhfə

Bakı:

24 °C

88 %

3 m/s

Əlaqə

AZ RU EN

Ana səhifə / YAP xəbərləri / Bəşəriyyətin gələcəyinə böyük töhfə

Bəşəriyyətin gələcəyinə böyük töhfə

03.05.2024 [11:47]

2 may 2024-cü il tarixdə Yeni Azərbaycan Partiyası Masallı Rayon Təşkilatı Masallı Dövlət Regional Kollecinin ərazi partiya təşkilatının birgə təşkilatçılığı ilə "Bəşəriyyətin gələcəyinə böyük töhfə" adlı tədbir keçirilib.

Tədbirdə əvvəllcə Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə Masallı Dövlət Regional Kollecinin direktor müavini Dilarə Hüseynova açaraq bildirdi ki, Bakıda keçirilən "Sülh və qlobal təhlükəsizlik naminə dialoq" mövzusunda VI Ümumdünya Mədəniyyətlərarası Dialoq Forumu mədəniyyətlərarası dialoq sahəsində beynəlxalq səviyyədə keçirilən,ötən illər ərzində qlobal çevrədə çox böyük nüfuz qazanmış yeganə platformadır.

Son iyirmi ildə dünyaya səs salan möhtəşəm tədbirlərə ev sahibliyi edən Azərbaycan nüfuzlu beynəlxalq təşkilatların, dövlət başçılarının səfər etdiyi ölkə kimi tanınıb. Həmin tədbirlərdə Azərbaycan torpaqlarının işğal altında olduğu, vətəndaşlarımızın qaçqın kimi yurd-yuvalarından didərgin düşməsi fikirləri hər zaman səslənib.

Sonra Yeni Azərbaycan Partiyası Masallı Rayon Təşkilatının sədri Seyfəddin Əliyev bildirib ki, Azərbaycan Respublikasının Prezident İlham Əliyevin nümayiş etdirdiyi güclü siyasi iradə və Şərqi Avropa Qrupunun üzvü olan dövlətlərin Azərbaycanın COP 29- a ev sahibliyi etmək üçün ölkəmizin namizədliyini dəstəkləməsi uğurumuzda həlledici rol oynayıb.Bu, növbəti təntənəli qələbədir.Təbii ki, bu il BMT-nin İqlim Dəyişmələri üzrə Çərçivə Konvensiyasına Tərəf Dövlətlərin 29-cu Konfransına ( COP ) ev sahibliyi etməsi Azərbaycanın Cənubi Qafqazda ədaləti bərpa etməsi, torpaqlarını işğaldan azad etməsi ilə, eyni zamanda, uzun illərdən sonra Ermənistanla münasibətlərinin normallaşdırılmasi mərhələsinə qədəm qoyması ilə izah olunmalıdır. COP 29-a 2024-cü ildə ev sahibliyi etməyimiz Qoşulmama Hərəkatına sədrliyimiz və Təhlükəsizlik Şurasına üzvlüyümüzdən sonra xarici siyasətimizin ən böyük uğurudur.

Daha sonra çıxış edən Masallı Dövlət Regional Kollecinin direktor müavini Namiq Aqayev qeyd edib ki, Azərbaycan öz multikultural və tolerant yaşam tərzi ilə dünyaya nümunədir. Azərbaycan dövlətinin həyata keçirdiyi tolerantlıq siyasəti ölkəmizdə yaşayan etnik və dini icmalar arasında dostluğun və qardaşlığın daha da möhkəmlənməsinə zəmin yaradır. Bütün bunlar ümummilli Lider Heydər Əliyevin əsasını qoyduğu siyasətin uğurlu davamının nəticəsidir.

O diqqətə çatdırıb ki, Ulu Öndər Heydər Əliyev Azərbaycanın multikulturalizm modelinin siyasi banisidir.

Masallı Dövlət Regional Kollecinin müəllimi Rza Məmmədov mövzu ətrafında çıxış edərək öz fikirlərini bildirib.

Paylaş:

Baxılıb: 705 dəfə