Azərbaycanın dünyada artan nüfuzunun göstəricisi

Bakı:

28 °C

44 %

4 m/s

Əlaqə

AZ RU EN

Ana səhifə / YAP xəbərləri / Azərbaycanın dünyada artan nüfuzunun göstəricisi

Azərbaycanın dünyada artan nüfuzunun göstəricisi

30.05.2024 [12:22]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

“Əgər yaşıl dünyaya doğru əlavə və davamlı olan konkret addımlar ata bilsək, bu, ən vacib miras olacaq”. Qalib ölkəmizin Qalib Lideri İlham Əliyevin aprelin 26-da Almaniyanın paytaxtı Berlində keçirilən “15-ci Petersberq İqlim Dialoqu”nun Yüksək Səviyyəli Seqmentində iştirakı zamanı “Euronews” telekanalına müsahibəsi zamanı səsləndirdiyi bu sözlər Azərbaycanın bu gün zamanın gündəmə gətirdiyi vacib məsələlərin müzakirə edildiyi beynəlxalq tədbirlərin, qlobal forumların, konfransların keçirildiyi unikal məkana çevrildiyinin təsdiqidir.

Möhtəşəm zəfərə imza atan Azərbaycan günü - gündən inkişaf edir, 30 il ərzində erməni terrorçularının işğalıında qalan, xarabalığa çevrilən kəndlərimiz, şəhərlərimiz əvvəlki axarına qayıdır. Bunun üçün ölkəmizin kifayət qədər resursları, iqtisadi potensialı var. Məhz bunun üçün dünyada etibarlı tərəfdaş kimi qəbul olunan müstəqil ölkəmizin enerji siyasətinin prioriteti "Yaşıl enerji"nin də dünya bazarlarına çıxarılmasıdır. Ölkə Prezidentimizin işğaldan azad olunmuş ərazilərimizi və Naxçıvan Muxtar Respublikasını "yaşıl enerji" zonası elan etməsi, 2024-cü ilin ölkəmizdə "Yaşıl dünya naminə həmrəylik ili" elan edilməsi də bu məqsədə xidmət edir.

Azərbaycanın keçdiyi inkişaf yolu, iqtisadi potensialı, enerji strategiyası və bu istiqamətdə perspektivləri imkan yaradıb ki, COP29-a evsahibliyi ölkəmiz etsin.

"COP29-a evsahibliyi edəcək ölkə kimi yekdil qərarla seçilmək bizim üçün həqiqətən böyük şərəfdir. Biz bunu beynəlxalq ictimaiyyətin Azərbaycana və gördüyümüz işlərə, o cümlədən "yaşıl enerji" sahəsindəki fəaliyyətimizə hörmətinin əlaməti hesab edirik. Nəhayət, bu, böyük məsuliyyətdir, çünki biz nəinki yaxşı tədbir təşkil etməli, o cümlədən yaxşı nəticələrə nail olmalıyıq. Hesab edirəm ki, Azərbaycanın müxtəlif beynəlxalq təşkilatlarla beynəlxalq əlaqələri və onlarda fəal iştirakı bizə müxtəlif qitələrin ölkələri arasında körpülər salmaq və ya onları gücləndirmək, eləcə də onların həmrəyliyini möhkəmləndirmək imkanını yaradacaq". Ölkə Prezidentimizin bu fikirləri “Yaşıl dünya naminə həmrəy olaq” şüarının, bütün ölkələri planetimizi xilas etmək naminə həmrəylik nümayiş etdirməyə səsləməyin real təsdiqidir.

Azərbaycanın İqlim Dəyişikliyi üzrə Çərçivə Konvensiyasının Tərəflər Konfransı (COP) ekoloji çağırışlarla əlaqədar formalaşdırılan beynəlxalq platforma, COP29 üçün yenilik olan verdiyi üçlük, üç ölkə mexanizminin yaradılması təşəbbüsü də diqqətəlayiqdir. Müxtəlif regional, iqtisadi, siyasi məsələlərdə fəal iştirak edən BƏƏ-nin, Azərbaycanın və Braziliyanın təcrübəsindən istifadə etməklə üçtərəfli əməkdaşlıq formatını yaratmaq Azərbaycanın dünyada artan nüfuzunun, möhkəmlənən yerinin və dünya siyasətində iştirak payının göstəricisidir.

“Qazıntı yanacağı ideyası ötən il BƏƏ-də keçirilən COP28-də üstünlük təşkil edirdi. Bilmək istərdim ki, Sizin fikrinizcə, COP tarixində qazıntı yanacağı hasil edən ölkənin dəyişikliklərin edilməsi və keçid prosesində aparıcı rola malik olması müsbət hadisə olaraq qiymətləndirilirmi? “"Euronews" telekanalının müxbirinin sualına cavab verən Prezident cənab İlham Əliyev qətiyyətlə bildirib ki, biz məhz buna nail olmağa çalışırıq. Konfransda verdiyim mesajlardan biri də o idi ki, bizi malik olduqlarımıza görə mühakimə etməyin. Bizi onlardan necə istifadə etdiyimizə, gündəmimizə görə mühakimə edin. Avropadakı, Qoşulmama Hərəkatındakı iştirakımızla bağlı dediklərimdən əlavə, həmçinin bir məsələni də anlamaq vacibdir ki, biz həm də OPEC+ üzv ölkəsiyik. Biz COP-dan əvvəl daha çox maliyyələşməni təmin etmək üçün Azərbaycan və neft hasil edən digər ölkələrin hansı əlavə töhfələri ola bilər kimi həmrəylik paketini yaratmaq üçün bir çox neft hasil edən ölkələrlə işləyirik. Hesab edirəm ki, neft hasil edən ölkələr, xüsusilə neftin qiyməti yüksək olanda problemin öhdəsindən gəlmək üçün daha çox ödəniş etməli və daha çox töhfə verməlidir. Hesab edirəm ki, həmrəylik maliyyələşmənin və necə uğur qazanacağımızın ayrılmaz hissəsidir. biz iqtisadiyyatımızı şaxələndirməyə, neft və qaz sektorundan asılılığı azaltmağa nail olmuşuq.

Beləliklə, göründüyü kimi Azərbaycanın belə bir tədbirə ev sahibliyi etməsi müxtəlif dövlətlərin və beynəlxalq təşkilatların ölkəmizə olan marağının, dövlətimizin düzgün, uzaqgörən və praqmatik siyasəti nəticəsində nail olduğu uğurların parlaq təzahürüdür.

Paylaş:

Baxılıb: 739 dəfə