YAP öz fəaliyyətinin başlıca mənasını xalqa xidmətdə görür

Bakı:

10 °C

87 %

6 m/s

Əlaqə

AZ RU EN

Ana səhifə / YAP xəbərləri / YAP öz fəaliyyətinin başlıca mənasını xalqa xidmətdə görür

YAP öz fəaliyyətinin başlıca mənasını xalqa xidmətdə görür

24.10.2012 [00:58]

Yeni Azərbaycan Partiyasının yaranmasının 20-ci ildönümü Oğuzda təntənəli şəkildə qeyd olunub
Oğuz şəhərində Yeni Azərbaycan Partiyasının (YAP) yaranmasının 20-ci ildönümünə həsr olunmuş təntənəli mərasim keçirilib. YAP Oğuz rayon təşkilatının fəalları və qonaqlar əvvəlcə partiyanın memarı və yaradıcısı, Ümummilli liderimiz Heydər Əliyevin abidəsi önünə gül-çiçək dəstələri düzüb, xatirəsini ehtiramla yad ediblər.
Tədbiri YAP Oğuz rayon təşkilatının sədri Saleh Məhərrəmov açaraq partiyanın yaranma tarixinə geniş nəzər salıb. O, zamanın çətin sınaqlarından çıxmış YAP-ın bu gün ölkəmizdə ən güclü və nüfuzlu siyasi qüvvəyə çevrildiyini, öz ətrafında cəmiyyətimizin intellektual təbəqələrini birləşdirdiyini xüsusi vurğulayıb. Qeyd olunub ki, Yeni Azərbaycan Partiyası hər zaman Azərbaycan dövlətçiliyinə, Ümummilli liderimiz, partiyanın yaradıcısı Heydər Əliyevə, Onun siyasi ideyalarına sadiq olub. YAP öz fəaliyyətinin başlıca mənasını xalqa xidmətdə görür.
Diqqətə çatdırılıb ki, Yeni Azərbaycan Partiyasının Oğuz rayon təşkilatı 1993-cü ilin martında təsis edilib. 75 ərazi ilk partiya təşkilatını özündə birləşdirən təşkilatın 3820 nəfər üzvü var. Üzvlərin 1584 nəfərini qadın, 1242 nəfərini isə gənclər təşkil edir. Təşkilatın nəzdində Qadınlar Şurası və Gənclər Birliyi fəaliyyət göstərir. YAP üzvləri rayonun sosial-iqtisadi və ictimai-siyasi həyatında olduqca fəal rol oynayırlar. YAP-ın yaranmasının 20 illiyi ərəfəsində partiyaya axın daha da çoxalıb. Son vaxtlarda partiya sıralarına 250 nəfərə yaxın gənc daxil olub.
Yubiley tədbirində Milli Məclisin deputatı Aydın Mirzəzadə, “İki Sahil” qəzetinin baş redaktoru, YAP Siyasi Şurasının üzvü Vüqar Rəhimzadə və Oğuz rayon İcra Hakimiyyətinin başçısı Eyvaz Qurbanov çıxış edərək ölkəmizdə ən güclü siyasi qüvvəyə çevrilən Yeni Azərbaycan Partiyasının Azərbaycan dövlətçiliyi qarşısındakı tarixi rolundan bəhs edib, qazanılan uğurlarda partiyanın yaradıcısı, Ümummilli liderimiz Heydər Əliyevin əvəzsiz xidmətlərini xüsusi vurğulayıblar. Qeyd olunub ki, müstəqil Azərbaycan dövlətinin son 20 illik inkişaf tarixində Yeni Azərbaycan Partiyasının rolu danılmazdır. Bu gün öz sıralarında 550 mindən artıq üzvü birləşdirən YAP Ulu öndərin parlaq ideyalarının daşıyıcısı kimi, cəmiyyətdə öz aparıcı rolunu gündən-günə möhkəmləndirməkdədir.
Tədbirdə YAP Oğuz rayon təşkilatı idarə heyətinin üzvü Xalid Babayev, YAP Oğuz rayon təşkilatı Qadınlar Şurasının sədri Mariya Həsrətova və Gənclər Birliyinin sədri Anar İbrahimov da çıxış ediblər.
Sonra Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevə müraciət qəbul olunub.
Sonda YAP Oğuz rayon təşkilatının fəallarına yubileylə bağlı xatirə hədiyyələri, həmçinin, partiya sıralarına yeni daxil olan gənclərə üzvlük vəsiqələri təqdim olunub.
NADİR

Paylaş:

Baxılıb: 1451 dəfə