Ölkəmizin müstəqilliyi uğrunda mübarizədə yeni mərhələ

Bakı:

22 °C

65 %

7 m/s

Əlaqə

AZ RU EN

Ana səhifə / YAP xəbərləri / Ölkəmizin müstəqilliyi uğrunda mübarizədə yeni mərhələ

Ölkəmizin müstəqilliyi uğrunda mübarizədə yeni mərhələ

03.09.2024 [13:54]

Ulu öndər Heydər Əliyev hər zaman ən mürəkkəb, ən ağır vəziyyətində ölkəsinin, xalqının yanında olub. Üzərinə götürdüyü xilaskarlıq missiyasına Naxçıvandan başlayan Azərbaycan xalqının böyük oğlu Muxtar Respublikanı təhlükədən qurtardı. Bu qayıdış eyni zamanda Ölkəmizin müstəqilliyi uğrunda mübarizədə yeni mərhələnin başlanğıcı oldu.

1991-ci il 3 sentyabr tarixində Ulu Öndər Heydər Əliyev Naxçıvan MR Ali Məclisinin sədri seçildi və bu gün şanlı tariximizə qızıl hərflərlə yazıldı. Naxçıvan Muxtar Respublikasının Ali Məclisinə və Azərbaycan Respublikasının Milli Məclisinə deputat seçililən ümummilli lider ölkəmizi dünyanın siyasi xəritəsindən silinmək təhlükədən xilas etdi.

Bu bir reallıq, danılmaz faktdır ki, Azərbaycanının ayrılmaz parçası olan Naxçıvan Muxtar Respublikasının xilası, dirçəlişi və yüksəlişi Ulu öndər Heydər Əliyevin adı ilə bağlıdır.

Ümummili lider Heydər Əliyev istər SSRİ dönəmində, istərsə də müstəqillik illərində Azərbaycana rəhbərliyi dövründə xalqın rifah halının daha da yaxşılaşdırılması, ölkəmizin dünya arenasinda layiqli yer tutması, bütün sahələrdə uğurların əldə olunması istiqamətində mühüm, əvəzsiz işlər görmüşdür.

1990-cı ildə ölkəmizdə vəziyyət olduqca ağır idi. Naxçıvanın da həmin dövrdə blokada şəraitində olması, Muxtar Respublikasının vəziyyətini daha da çətinləşdirirdi. 1991-ci il sentyabrın 3-də ulu öndər Heydər Əliyev Naxçıvan Muxtar Respublikası Ali Məclisinin Sədri seçildikdən sonra Naxçıvanın ictimai-siyasi, sosial-iqtisadi, elmi-mədəni həyatında, dönüş yarandı. Ulu öndər qısa müddət sonra xalqın arzusu, istəyi, təkidli tələbi ilə Naxçıvandan Bakıya gəldi. Azərbaycan Respublikasının prezidenti seçilən ulu öndər Heydər Əliyev Müstəqil Azərbaycana rəhbərlik etdiyi 10 ildə ölkənin həm xarici, həm də daxili funksiyalarını öz üzərinə götürdü və qısa zamanda böyük inkşaf yolu keçdi. Əsrin neft kontraktı imzalandı, dünyaca məşhur şirkətlər investor kimi Azərbaycana sərmayə yatırdı, torpaq islahatı aparıldı və s. Elə bir sahə olmadı ki, həmin sahənin inkşafı istiqamətində hər hansı bir dövlət proqramı təsdiq olunmasın. Sevindirici haldır ki, siyasətin əsas qayəsini əhalinin sosial- iqtisadi vəziyyətinin yaxşılaşdırılması təşkil edən dövlətimizdə bu inkşaf bu gündə ölkə rəhbəri, partiyamızın sədri İlham Əliyev tərəfindən uğurla aparılır və Azərbaycan dövləti çox böyük uğurlara imza atır.Təbii ki, 44 günlük Vətən müharibəsində əldə edilən tarixi Zəfərimiz bu uğurların zirvəsində yer alır. Prezident, Müzəffər Ali Baş Komandan İlham Əliyevin rəhbərliyi ilə qazanılmış Qarabağ Zəfəri Azərbaycanı qalib ölkəyə, xalqımızı qalib xalqa çevirdi.

Əminlik, fəxr və qürurla deyə bilərik ki,bu gün Azərbaycan Dövləti Prezident cənab İlham Əliyevin rəhbərliyi ilə heç zaman olmadığı qədər güclüdür və müstəqil, azad, qalib Azərbaycan ümummilli lider Heydər Əliyevin görmək istədiyi Azərbaycandır.

Sahib Şükürov,

YAP Göyçay rayon təşkilatının sədri

Paylaş:

Baxılıb: 553 dəfə