Azərbaycan iqtisadiyyatı böyük inkişaf yolu keçib

Bakı:

24 °C

54 %

1 m/s

Əlaqə

AZ RU EN

Ana səhifə / YAP xəbərləri / Azərbaycan iqtisadiyyatı böyük inkişaf yolu keçib

Azərbaycan iqtisadiyyatı böyük inkişaf yolu keçib

02.10.2024 [16:50]

Fidan Hüseynova

YAP Quba rayon təşkilatının sədri

Hər bir dövlətin uzunmüddətli inkişaf perspektivi onun sağlam və etibarlı təməl üzərində qurulmasından asılıdır. Bu gün ölkəmizin regionda əsas iqtisadi güc mərkəzinə çevrilməsi müasir Azərbaycanın qurucusu, ümummilli lider Heydər Əliyevin fəaliyyəti, xüsusilə də onun dövlət quruculuğu və iqtisadi islahatların həyata keçirilməsi sahəsində atdığı strateji addımların nəticəsində mümkün olmuşdur.

Azərbaycanda müstəqil dövlətçiliyin qorunması ənənəsinin yaradılması Ulu Öndərin, dövlətimizin modernləşməsi və daha da güclənməsi, milli iqtisadiyyatımızın sürətli inkişafı Prezident İlham Əliyevin adı ilə bağlıdır.

Prezident İlham Əliyevin sədrliyi ilə cari ilin 26 sentyabr tarixində iqtisadi məsələlərə həsr olunmuş müşavirə bir sıra mühüm məqamlarla yadda qaldı. Bu müşavirə dövlət başçısı çıxış edərək bir çox istiqamətdə önəmli açıqlamalar verdi. Dövlətimizin başçısı bildirib ki, “Ölkə iqtisadiyyatının şaxələndirilməsi istiqamətində atılmış addımlar və düşünülmüş islahatlar siyasəti öz bəhrəsini verməkdədir. İqtisadi inkişaf templəri inkişaf etmiş bir çox ölkələrdə olan iqtisadi inkişaf templərini üstələyir”.

Dövlətimizin başçısı özəlliklə dünyada baş verən qlobal problemlərin iqtisadi rıçaqlara ciddi təsir etdiyi bir zamanda iqtisadiyyatımızın artım faizi ilə inkişafın təqdirəlayiq məqamlarda olduğunu diqqətə çatdırdı və iqtisadiyyatın artım faizində qeyri-neft sekronun payının da xüsusi əhəmiyyət kəsb etdiyini qeyd etdi.

İqtisadiyyatın dayanıqlığını təmin etmək üçün onun şaxələndirilməsi əsas şərtlərdən biri olduğunu vurğulayan Prezidenti İlham Əliyev məhz bu yolla həm inflyasiyanın ciddi təsirinin qarşısına keçmək, həm də iqtisadiyyatı inkişaf etdirməkyin mümkün olduğunu bildirdi. Prezident regionda yerləşən qonşu dövlətlərin hər birinin milli valyutasının dollar qarşısında dəyər itirdiyi bir dövrdə Azərbaycan manatının öz kursunu qoruyub saxlaması məhz güclü iqtisadiyyatın nəticəsi oldğunu bildirdi.

Prezidenti İlham Əliyev vurğuladı ki, Azərbaycanın müharibədən yeni çıxmasına, işğaldan azad olunmuş ərazilərimizdə güclü quruculuq işlərinin aparılmasına, hərbi və digər sahələrin gücləndirilməsi istiqamətində maliyyə vəsaiti ayrılmasına baxmayaraq, 2025-ci ildən minimum əməkhaqqı və minimum pensiyaların artırılması istiqamətində də işlər aparılır.

Dövlət başçısı bildirib ki, ölkə qarşısında duran vəzifələr böyük maliyyə vəsaiti tələb edir, ilk növbədə, hərbi, hərbi sənaye kompleksinin inkişafı, Qarabağın və Şərqi Zəngəzurun bərpası ilə bağlı. Bütün bunlara baxmayaraq, biz həssas təbəqə sayılan vətəndaşlarımızın da rifah halının yaxşılaşdırılması üçün əlimizdən gələni edirik.

Dövlət başçısı iqtisadi inkişaf tempinin bu il saxlanacağı və gələn ilin büdcə müzakirəsindən sonra da 2025-ci ildə iqtisadi inkişaf tempinin lazımi səviyyədə olacağını vurğulayıb.

Cənab Prezident İlham Əliyevin sədrliyi ilə keçirilən müşavirədə qeyd olunan məqamlar bir daha təsdiqlədi ki, Azərbaycan iqtisadi sahədə böyük yol keçib və iqtisadi təhlükəsizliyini təmin edən dövlətdir.

Paylaş:

Baxılıb: 475 dəfə