İki ölkə arasında iqtisadi ələqələr inkişaf etməkdədir

Bakı:

28 °C

42 %

4 m/s

Əlaqə

AZ RU EN

Ana səhifə / YAP xəbərləri / İki ölkə arasında iqtisadi ələqələr inkişaf etməkdədir

İki ölkə arasında iqtisadi ələqələr inkişaf etməkdədir

18.02.2025 [17:04]

Varis Rüstəmov,

YAP Sabirabad rayon təşkilatının sədri

Fevralın 12-də Azərbaycan Respublikasının Prezidenti İlham Əliyev və Somali Federativ Respublikasının Prezidenti Hasan Şeyx Mahmud arasında Bakıda yüksək səviyyəli görüşlər keçirilib. Bu səfər Somali Prezidentinin Azərbaycana ilk rəsmi səfəri kimi tarixə düşüb və iki ölkə arasında dostluq münasibətlərində yeni bir səhifənin açılmasına təkan verib. Görüşlər çərçivəsində Prezidentlər qarşılıqlı maraq doğuran bir sıra mövzuları müzakirə ediblər. Görüşlərdən sonra hər iki lider mətbuata bəyanatlarla çıxış ediblər. Prezident İlham Əliyev bəyanatında iki ölkə arasında münasibətlərin yüksək səviyyədə inkişaf etdiyini vurğulayıb və əməkdaşlığın gələcək perspektivlərinə toxunub.

Azərbaycan və Somali arasında mövcud olan münasibətlər qarşılıqlı etimada, siyasi sabitliyə və dövlətlərin suverenliyinə hörmət prinsiplərinə əsaslanır. Bu gün dünya düzənində baş verən çağırışlar fonunda dövlətlərin suverenliyinin və ərazi bütövlüyünün qorunması məsələsi daha da önəm kəsb edir. Azərbaycan uzun illər davam edən işğal dövrünü başa vuraraq beynəlxalq hüquq çərçivəsində öz torpaqlarını azad etməyə nail oldu və bu proses zamanı güclü dövlət mexanizmi, strateji baxış və qətiyyət nümayiş etdirdi. Bu təcrübə Somali üçün də önəmli bir nümunədir. Prezident İlham Əliyev vurğulayıb ki, hər bir ölkə üçün siyasi sabitlik inkişafın təməl şərtidir və bu istiqamətdə Azərbaycan öz təcrübəsini Somalinin diqqətinə çatdırmağa hazırdır.

Somali, Afrika ilə Asiya arasında mühüm bir tranzit nöqtəsi olaraq, nəqliyyat və logistika sahələrində böyük inkişaf potensialına malikdir. Azərbaycanın nəqliyyat və infrastruktur sahəsindəki təcrübəsi, Somali limanlarının, hava limanlarının və dəmiryolu şəbəkələrinin inkişafında böyük rol oynaya bilər. Azərbaycanın strateji mövqeyi və tranzit ölkəsi kimi güclü infrastrukturu, Somali ilə əməkdaşlığın gücləndirilməsi üçün mühüm bir təkan verə bilər. Somali, enerji istehsalında çətinliklərlə üzləşir və enerji ehtiyaclarını xaricdən təmin edir. Bu sahə, Azərbaycanın enerji sahəsindəki təcrübəsini və inkişaf etmiş texnologiyalarını Somali iqtisadiyyatına tətbiq etmək üçün böyük bir potensiala malikdir. Azərbaycan, özünün zəngin enerji resursları və texnoloji inkişafı ilə Somali enerji sektoruna sərmayə qoyuluşlarını artıraraq, Bərpa olunan enerji sektorunda əməkdaşlıq potensialı da mövcuddur. Somali, günəş enerjisi və külək enerjisi potensialına sahibdir və bu sahədəki inkişafına dəstək verilməsi üçün Azərbaycanın texnoloji və maliyyə təcrübəsindən faydalana bilər. Somali, geniş əkin sahələri və təbii resursları ilə kənd təsərrüfatı sektorunda böyük potensiala malikdir. Lakin, bu sahənin inkişafı hələ də müasir texnologiya və texniki dəstək tələb edir. Azərbaycan, kənd təsərrüfatında əldə etdiyi təcrübəni Somali ilə bölüşərək, əkinçilik, heyvandarlıq və suvarma sahələrində investisiyalar edə bilər.

Paylaş:

Baxılıb: 460 dəfə