Qaradağ rayonunda Xocalı faciəsi qurbanlarının xatirəsi anılıb

Bakı:

19 °C

82 %

1 m/s

Əlaqə

AZ RU EN

Ana səhifə / YAP xəbərləri / Qaradağ rayonunda Xocalı faciəsi qurbanlarının xatirəsi anılıb

Qaradağ rayonunda Xocalı faciəsi qurbanlarının xatirəsi anılıb

27.02.2025 [10:12]

2025-cü il fevralın 26-da Qaradağ rayonu Lökbatan qəsəbəsində yerləşən Heydər Əliyev Mərkəzində Xocalı faciəsinin 33-cü ildönümünə həsr olunmuş "Xocalı soyqırımı - bəşər tarixinin ən qanlı cinayətlərindən biri" mövzusunda masa keçirilib.

Əvvəlcə Ulu öndər Heydər Əliyevin və Azərbaycanın ərazi bütövlüyü uğrunda canlarından keçən şəhidlərin xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Sonra Xocalı faciəsindən bəhs edən videoçarx nümayiş etdirilib.

Tədbiri giriş sözü ilə açan YAP Qaradağ rayon təşkilatının sədri Qafar Əliyev Azərbaycan xalqının torpaqlarımızın ərazi bütövlüyü uğrunda canlarından keçən qəhrəmanların, Xocalıda qətlə yetirilmiş yüzlərlə soydaşımızın xatirəsini daim əziz tutduğunu, onları ehtiramla yad etdiyini bildirib. O qeyd edib ki, Ümummilli lider Heydər Əliyevin sayəsində Xocalı soyqırımına hüquqi-siyasi qiymət verilib və artıq dünyanın 20-dən çox ölkəsinin parlamenti tərəfindən Xocalı soyqırımını qətiyyətlə pisləyən qətnamələr qəbul edilib. Heydər Əliyev Fondu tərəfindən aparılan uğurlu "Xocalıya Ədalət" kampaniyası nəticəsində artıq dünya ictimaiyyəti Xoçalı söyqırımının mahiyyətini anlayır və Azərbaycan xalqının dərdinə şərik çıxır. Bakıda, respublikamızın bir sıra bölgələrində, həmçinin dünyanın bəzi ölkələrində Xocalı şəhidlərinin xatirəsinə abidələr ucaldılıb. YAP rayon təşkilatının sədri vurğulayıb ki, bu, ürəkləri daim Vətən eşqi ilə döyünən soydaşlarımzın Xocalı şəhidlərinin müqəddəs ruhuna hörmət və ehtiramın bariz nümunəsidir. Qanlı faciədən 28 il sonra, 2020-ci ilin sentyabrında başalayan və 44 gün davam edən Vətən müharibəsi nəticəsində şəhidlərimizin qisasının alındığını xatırladan Qafar Əliyev Qaradağ rayonunda məskunlaşmış Xocalı sakinlərinin Böyük Qayıdış Proqramına uyğun olaraq artıq doğma torpaqlara qayıdışının başlandığını bildirib. YAP rayon təşkilatının sədri Prezident İlham Əliyevin cari il fevarın 19-da Xocalıda yerli sakinlərlə görüşdə bu məqamı xüsusi vurğuladığını qeyd edib. O bildirib ki, Xocalı soyqırımı heç vaxt xalqımızın yaddaşından silinməməli və gələcək nəsillər bu barədə daim məlumatlandırılmalıdırlar.

Dəyirmi masada digər çıxış edənlər: Qaradağ Rayon İcra Hakimiyyətinin ictimai-siyasi və humanitar məsələlər şöbəsinin əməkdaşı Səmayə Şıxəliyeva, QMƏVŞAİB Qaradağ rayon şöbəsinin sədri Maqsud Heydərov, Ələt körpələr evi - uşaq bağçasının müəllimi, ABŞ Psixoloqlar Assosiasiyasını üzvü Rəna Haqverdiyeva, “Qarabağ Qaziləri” İctimai Birliyinnin Qaradağ rayon filialının sədr müavini Qafqaz Əhmədov, Qaradağ Gigiyena və Epidemiologiya Mərkəzinin direktoru Sevil Bədəlova, Lökbatan bələdiyyəsinin üzvü Misir Mahmudov, 233 saylı tap orta məktəbin direktor müavini Eşqəli Məmmədov, 6 saylı Uşaq Somatik Sanatoriyasının tərbiyəçisi Türkanə Əliyeva və başqaları bildiriblər ki, Xocalıda həlak olan qəhrəmanların və şəhər sakinlərinin ruhu bu gün şaddır. Çünki 30 ildən çox düşmən tapdağı altında qalan həmin torpaqlar artıq azaddır və öz həqiqi sahiblərinə qovuşub. "Dəmir yumruq" artıq bütün dünyada Azərbaycan xalqının birlik və həmrəylik rəmzi kimi qəbul olunur və torpaqlarımızın azad edilməsi xalqımızın əsil qürur və fəxarət mənbəyinə çevrilib.

Sonda xatirə fotosu çəkdirilib.

Paylaş:

Baxılıb: 438 dəfə