Nərimanovda “Konstitusiya və Suverenlik İli” çərçivəsində tədbir keçirilib

Bakı:

28 °C

42 %

4 m/s

Əlaqə

AZ RU EN

Ana səhifə / YAP xəbərləri / Nərimanovda “Konstitusiya və Suverenlik İli” çərçivəsində tədbir keçirilib

Nərimanovda “Konstitusiya və Suverenlik İli” çərçivəsində tədbir keçirilib

30.04.2025 [18:09]

YAP Nərimanov rayon təşkilatının “Xətai prospekti 47” ünvanı üzrə Ərazi Partiya Təşkilatında “Konstitusiya və Suverenlik İli” çərçivəsində tədbir keçirilib.

Tədbirdə giriş sözü ilə çıxış edən 202 saylı tam orta məktəbin direktoru, “Xətai prospekti 47” ünvanı üzrə Ərazi Partiya Təşkilatının sədri Gülüstan Vəliyeva qeyd edib ki, Ulu Öndər Heydər Əliyevin bilavasitə rəhbərliyi ilə hazırlanmış və 1995-ci il noyabrın 12-də qəbul olunmuş Azərbaycan Respublikasının Konstitusiyasının dövlətimizin müstəqilliyinin, suverenliyinin və ərazi bütövlüyünün qorunması, hüquqi, dünyəvi dövlət quruculuğu, vətəndaşlarımızın layiqli həyat səviyyəsinin, dünya ölkələri ilə dostluq və əmin-amanlıq şəraitində əməkdaşlığın təmin edilməsi kimi ali niyyətlərin həyata keçirilməsi üçün mühüm qanunvericilik bazası rolu oynadığını vurğulayıblar. Qeyd edilib ki, 2025-ci ilin ölkəmizdə “Konstitusiya və Suverenlik İli” elan edilməsi Konstitusiyamızın qəbul edilməsinin 30-cu və Vətən müharibəsində qələbəmizin 5-ci ildönümü ilə əlaqədar ölkəmizin tarixi nailiyyətlərini, Konstitusiyamızın qüdrətini və tam suverenliyimizin bərpasını vurğulayan əlamətdar hadisədir. Bu qərar müstəqil Azərbaycanın gücünü və inkişafını bir daha nümayiş etdirməklə yanaşı, xalqımızın birliyinin, həmrəyliyinin ifadəsidir.

YAP Nərimanov rayon təşkilatının əməkdaşı Sərtac Atlas vurğulayıb ki, hazırda ölkəmiz müstəqillik tarixinin ən yüksək inkişaf dövrünü yaşayır. Bu gün Azərbaycan Respublikası xalqımızın milli maraqlarını rəhbər tutaraq, yeni reallıqlar şəraitində müstəqil siyasətini daha cəsarətlə, prinsipiallıqla davam etdirir, Konstitusiyanın tələblərinə və öz suveren hüquqlarına əsaslanaraq, qarşıda duran strateji hədəflərə doğru inamla irəliləyir. Qürurverici haldır ki, tarixi Zəfər sayəsində dövlətimizin Əsas Qanununun hüquqi qüvvəsi, yəni burada təsbit edilmiş hüquq və azadlıqlar işğaldan azad olunmuş bütün torpaqlarımızda tam şəkildə bərqərar edilmişdir. Bu Azərbaycan xalqının dövlət suverenliyinin qorunması uğrunda apardığı mübarizənin və gələcəyə olan əzminin təcəssümüdür.

Tədbirdə YAP Nərimanov rayon təşkilatının “Xətai prospekti 47” ünvanı üzrə Ərazi Partiya Təşkilatının üzvü Rəhman Şahbazova 65 illik yubileyi münasibətilə partiyanın ictimai-siyasi həyatında göstərdiyi xidmətlərə görə Fəxri Fərman təqdim olunub

Sonda partiyaya yeni üzv olan şəxslərə üzvlük vəsiqələri təqdim olunub və xatirə şəkli çəkilib.

Paylaş:

Baxılıb: 501 dəfə