302 №-li məktəbdə "Hüquqlarımızı qoruyaq"adlı tədbir keçirilib

Bakı:

18 °C

88 %

0 m/s

Əlaqə

AZ RU EN

Ana səhifə / YAP xəbərləri / 302 №-li məktəbdə "Hüquqlarımızı qoruyaq"adlı tədbir keçirilib

302 №-li məktəbdə "Hüquqlarımızı qoruyaq"adlı tədbir keçirilib

31.05.2025 [14:19]

30.05.2025-ci ildə "Konstitusiya və Suverenlik İli" və 18 may-18 iyun hüquq aylığı ilə əlaqədar Ələt qəsəbəsindəki Əhməd Zeynallı adına 302 №-li məktəbdə "Hüquqlarımızı qoruyaq"adlı tədbir keçirilib.

Tədbirdə YAP Qaradağ rayon təşkilatının sədri Qafar Əliyev, məktəbin müəllimləri və şagirdlər iştirak ediblər.

Azərbaycanın Dövlət Himninin səslənməsi ilə başlanan tədbirdə Ümummilli Lider Heydər Əliyevin və ölkəmizin ərazi bütövlüyü uğrunda canlarından keçmiş şəhidlərin xairəsi bir dəqiqəlik sükutla yad edilib.

Tədbirdə çıxış edən YAP Qaradağ rayon təşkilatının sədri Qafar Əliyev "Konstitusiya və Suverenlik İli"nin təsis edilməsinin əhəmiyyətindən danışıb, Konstitusiya və suverenlik haqqında tarixi faktlara əsaslanan məlumatlarla çıxış edərək şagirdləri məlumatlandırıb. Qafar Əliyev bildirib ki, Prezident İlham Əliyevin Sərəncamı ilə 2025-ci ilin Azərbaycanda "Konstitusiya və Suverenlik ili" elan olunması ölkəmizin müstəqillik tarixinə, hüquqi dövlət quruculuğuna və suverenlik prinsiplərinə dövlət başçısı tərəfindən verilən yüksək qiymətin təcəssümüdür. O, müstəqil Azərbaycan Respublikasının 1995-ci il noyabrın 12-də ümumxalq səsverməsi yolu ilə qəbul olunan Konstitusiyasının Ulu öndər Heydər Əliyevin şah əsəri olduğunu, bu sənədin müasir dövlətin və vətəndaş cəmiyyəti quruculuğunun hüquqi bünövrəsini təşkil etdiyini bildirib.

Rayon təşkilatının sədri xüsusi vurğulayıb ki, suverenliyin tam bərpası, ölkəmizin ərazi bütövlüyünün və Konstitusiya quruluşunun tam təmin olunması 44 günlük İkinci Qarabağ müharibəsindən sonra mümkün olub. Qafar Əliyev xüsusilə gənclərin bu sahədə maarifləndirilməsinin vacibliyini qeyd edərək, bu kimi tədbirlərin ictimai şüurun formalaşmasına, vətəndaşlıq mövqeyinin və məsuliyyətinin güclənməsinə mühüm töhfə verdiyini bildirib.

Sonra şagirdlərin ifasında “Konstutisiya və Syuverenlik İli”nə həsr olunmuş şeirlər səsləndirilib, mahnılar ifa olunub, səhnəciklər göstərilib. Tədbirdə 2-ci b sinif şagirdi Əliyeva Humrayın "Bayraq" şeirini söyləyib. "Mətbuat və media -1995-ci ildə", "Suverenlik ağacı", şagirdlərin ingilis dilində Konstitusiya və suverenlik haqqında təqdimatı və video-çarx, "Məktəb məhkəməsi" kimi səhnəciklər göstərilib.

Sonra 4-cü b sinfinin şagirdlərinin ifasında "Yaşa Azərbaycan" mahnısı ifa edilərək Azərbaycan bayrağı səhnəyə gətirilib.

Tədbirin sonunda buraxılış imtahanında 300 bal toplayan IX sinif şagirdi Hüseynzadə Dəniz Elşən qızı ilə görüşən YAP rayon təşkilatının sədri onu təbrik edib, təhsildə uğurlar arzulayıb.

Paylaş:

Baxılıb: 449 dəfə