“8 Noyabr”Stansiyasının istismara verilməsi bir çox məqsədləri təmin edəcək

Bakı:

20 °C

94 %

7 m/s

Əlaqə

AZ RU EN

Ana səhifə / YAP xəbərləri / “8 Noyabr”Stansiyasının istismara verilməsi bir çox məqsədləri təmin edəcək

“8 Noyabr”Stansiyasının istismara verilməsi bir çox məqsədləri təmin edəcək

30.06.2025 [20:48]

"8 Noyabr” Elektrik Stansiyasının açılışı ölkəmizin energetika sahəsində əlamətdar bir gündür.Enerji təhlükəsizliyi və iqtisadi inkişaf ölkəmizin əsas prioritetlərindən biridir. Mingəçevirdə istifadəyə verilən “8 Noyabr” Elektrik Stansiyası ölkəmizin enerji imkanlarını genişləndirən, iqtisadi və sosial inkişafı stimullaşdıran mühüm bir layihədir. Bu günə qədər həyata keçirilən enerji layihələri ilə Azərbaycan öz enerji resurslarını daha səmərəli və dayanıqlı şəkildə istifadə edir, həmçinin regionda liderlik mövqeyini gücləndirir. “8 Noyabr” Elektrik Stansiyası ölkəmizin ən böyük və ən müasir elektrik stansiyasıdır.Bu layihə müasir texnologiyalarla İtaliya şirkəti tərəfindən yüksək peşəkarlıqla inşa olunmuşdur və Azərbaycanın enerji ehtiyaclarını tam şəkildə təmin etmək məqsədilə nəzərdə tutulmuşdur.

Dövlətimizin başçısı qeyd edib: “Ümumilikdə bu stansiyanın yaradılması və qısa müddət ərzində bütün işlərin başa çatması ölkəmizin gücünü, potensialını, energetiklərimizin təcrübəsini, peşəkarlığını göstərir. Bu gün 8 Noyabr elektrik stansiyası ölkəmizin ən böyük elektrik stansiyasıdır. Bu stansiyada tətbiq olunan ən son texnoloji həllər və dünyanın aparıcı enerji istehsalı avadanlıqları sayəsində yanacaq sərfiyyatı əhəmiyyətli dərəcədə azaldılıb, faydalı iş əmsalı artırılıb və ətraf mühitə təsir minimuma endirilib.Hazırda Mingəçevirdə elektrik enerjimizin 40 faizdən çoxunun istehsal olunduğunu vurğulayan dövlətimizin başçısı qeyd edib ki, görülmüş bütün bu işlər bir daha Azərbaycanın doğru yolda olduğunu göstərir. İtaliya və Çinlə strateji tərəfdaşlıq haqqında bəyannamələrin imzalandığını deyən dövlətimizin başçısı vurğulayıb ki, onun həmin ölkələrə çoxsaylı səfərləri nəticəsində bir çox istiqamətlər üzrə çox gözəl nəticələr əldə edilmişdir. İtaliyanın Azərbaycanın bir nömrəli ticarət tərəfdaşı olduğunu söyləyən Prezident İlham Əliyev Çinin də ticarət tərəfdaşlarımız arasında qabaqcıl yerlərdə olduğunu diqqətə çatdırıb. Bu gün Azərbaycan Avropanın enerji təhlükəsizliyini təmin edən ölkələr sırasındadır və təsadüfi deyil ki, Avropa İttifaqı Azərbaycanı etibarlı tərəfdaş və pan-Avropa qaz təchizatçısı adlandırır. Əlbəttə ki, bir çox ölkələr Azərbaycan qazından istifadə edib öz enerji təhlükəsizliyini təmin edir.

Ağaverdi Əliverdiyev,

YAP Qusar rayon təşkilatının əməkdaşı

Paylaş:

Baxılıb: 364 dəfə