Azərbaycanın strateji prioritetləri: regional sülh, sabitlik və inteqrasiya

Bakı:

20 °C

83 %

6 m/s

Əlaqə

AZ RU EN

Ana səhifə / YAP xəbərləri / Azərbaycanın strateji prioritetləri: regional sülh, sabitlik və inteqrasiya

Azərbaycanın strateji prioritetləri: regional sülh, sabitlik və inteqrasiya

02.10.2025 [17:21]

Elşən Alıyev,

YAP Daşkəsən rayon təşkilatının sədr müavini

Sentyabrın 25-də Prezident İlham Əliyev BMT Baş Assambleyasının 80-ci sessiyası çərçivəsində çıxışında qlobal miqyasda bir sıra mühüm məsələləri gündəmə gətirib. Dövlətimizin başçısı Azərbaycanın beynəlxalq arenadakı obyektiv mövqeyini bir daha nümayiş etdirərək, ölkəmizin həm hüquqi, həm diplomatik, həm də humanitar prinsiplərə sadiqliyini diqqətə çatdırıb.

Torpaqlarımız işğal altında olduğu dövrlərdə Ermənistanın işğalçılıq siyasəti açıq şəkildə ifşa olunmuş, beynəlxalq təşkilatlar, o cümlədən BMT tribunası vasitəsilə dünya ictimaiyyətinə çağırışlar edilmişdi. Həmin dövrdə dünya ictimaiyyətinə çatdırılan həqiqətlər xalqımızın haqq mübarizəsinin beynəlxalq səviyyədə qəbul edilməsində mühüm rol oynamışdı.

Prezident İlham Əliyevin BMT Baş Assambleyasındakı çıxışı Azərbaycanın işğal dövründə qarşılaşdığı çətinlikləri və Ermənistanın təcavüzkar siyasətini qlobal ictimaiyyətə aydın şəkildə çatdırmaqla yanaşı, ölkəmizin ərazi bütövlüyünün bərpası, insan hüquqlarının qorunması və beynəlxalq hüququn prinsipial tətbiqi istiqamətindəki mövqeyini nümayiş etdirir.

2020-ci ildə 44 günlük Vətən müharibəsi zamanı Silahlı Qüvvələrimiz işğal altındakı əraziləri azad edərək Azərbaycanın ərazi bütövlüyünü BMT Təhlükəsizlik Şurasının müvafiq qətnamələrinə uyğun şəkildə təmin edib. Bu uğurlar şanlı ordumuzun hərbi hazırlığının, strateji planlaşdırmanın və xalqın birgə iradəsinin parlaq nəticəsi kimi qiymətləndirilir. Tarixi Zəfərdən dərhal sonra Prezident İlham Əliyev sülh gündəliyi ilə çıxış etməsi Azərbaycan qalib ölkə olaraq regional sabitliyi qorumaq niyyətində olduğunu nümayiş etdirir. Bu yanaşma həm diplomatik, həm hüquqi, həm də strateji baxımdan ölkəmizin uzunmüddətli və balanslı siyasətini əyani şəkildə göstərir.

Dünya ictimaiyyəti postmüharibə dövründə Azərbaycanın dövlət siyasətinin real nəticələrini, həmçinin regionda dayanıqlı sülhün və sabitliyin qorunması naminə atılan addımları yüksək dəyərləndirir. Prezident İlham Əliyevin çıxışı dövlətimizin regional sülh və sabitliyin təmin olunması prinsiplərinə hər zaman sadiq olduğunu bir daha sübut edir.

BMT tribunasından səslənən fikirlər Azərbaycanın həm tarixi ədaləti bərpa etmək, həm də gələcəkdə regionda davamlı sülh və konstruktiv əməkdaşlığı qorumaq missiyasını bir daha təsdiqləyir.

Paylaş:

Baxılıb: 688 dəfə