Sülh region üçün böyük əhəmiyyət kəsb edir

Bakı:

25 °C

54 %

0 m/s

Əlaqə

AZ RU EN

Ana səhifə / YAP xəbərləri / Sülh region üçün böyük əhəmiyyət kəsb edir

Sülh region üçün böyük əhəmiyyət kəsb edir

06.02.2026 [14:07]

Əbu-Dabi şəhərində “Zayed İnsan Qardaşlığı Mükafatı”nın təqdimolunma mərasimində Prezident İlham Əliyev bu mükafata görə münsiflər heyətinə öz minnətdarlığını bildirdi. Ölkə başçısı vurğuladı ki, bu gün Birləşmiş Ərəb Əmirlikləri tarixi köklərinə möhkəm bağlı qalmaqla yanaşı, gələcəyə də inamla baxan, sülh və ahəngdar şəraitdə yaşayan bir cəmiyyətin necə qurulması baxımından həqiqətən də bir çox ölkələr üçün nümunədir.

Prezident İlham Əliyev Azərbaycan və Ermənistan arasında sülhün əhəmiyyətindən bəhs edərək bu sülhün təkcə iki ölkə üçün deyil, daha geniş region üçün də böyük əhəmiyyət kəsb etdiyini diqqətə çatdırdı. Hər iki ölkə 30 ildən artıq müddətdə müharibə şəraitində olub. İndi isə artıq altı aydır ki, sülh şəraitidir.

Azərbaycan və Ermənistan arasında sülhün bərqərar olunmasına verdiyi töhfəyə görə Amerika Birləşmiş Ştatlarının Prezidenti Donald Trampa da minnətdarlığını bildirən Prezident İlham Əliyev vurğuladı ki, o, 2025-ci il avqustun 8-də üçtərəfli Zirvə Görüşünə ev sahibliyi etmişdir. Həmin Zirvə Görüşünün nəticəsi olaraq Ermənistan və Azərbaycan arasında sülh sazişi paraflanmış, həmçinin Birgə Bəyannamə imzalanmışdır. Prezident Tramp şahid qismində həmin sənədi də imzalamış və bununla da üç onillikdən artıq davam edən qanlı və ölümcül münaqişəyə son qoyulmuşdur. ABŞ Prezidenti Donald Trampın Vaşinqtonda ev sahibliyi etdiyi tarixi Zirvə Görüşündən sonrakı altı ay tərəfdaşlıq, əməkdaşlıq və uzunmüddətli, dayanıqlı sülhə doğru irəliləyiş ayları olmuşdur.

Prezident İlham Əliyev bildirdi ki, bu altı ay münasibətlərimizin inkişafı baxımından çox mühüm olmuşdur. Azərbaycan təkcə öz ərazisindən Ermənistana yük daşımalarına qoyulmuş məhdudiyyətləri aradan qaldırmadı, eyni zamanda, Ermənistana neft məhsullarının ixracına da başladı. Yəni bu altı ay ərzində əməkdaşlığa başlanıb. Hazırda ticarət əlaqələri genişləndirilir.

Ölkə başçısı çıxışında qeyd etdi ki, ölkəmizin nümunəsi öyrənilməli və hələ də müharibə vəziyyətində olanlar üçün yol xəritəsi kimi istifadə edilməlidir. Azərbaycanın nümunəsi göstərir ki, uzunmüddətli münaqişəyə, əzablara və qarşılıqlı etimadsızlığa baxmayaraq, sülh mümkündür. Hər iki tərəfdən güclü siyasi iradə mövcud olduğu və həmin proses dost ölkələr və beynəlxalq ictimaiyyət tərəfindən dəstəkləndiyi halda, sülh mümkündür.

Əlişah Rəcəbov

YAP Ağdaş rayon təşkilatının sədri

Paylaş:

Baxılıb: 566 dəfə