Şəmkirdə "Yeni Azərbaycan Partiyası ölkəmizin parlaq gələcəyinin partiyasıdır" mövzusunda tədbir keçirildi

Bakı:

26 °C

62 %

2 m/s

AZ RU EN

Ana səhifə / YAP xəbərləri / Şəmkirdə "Yeni Azərbaycan Partiyası ölkəmizin parlaq gələcəyinin partiyasıdır" mövzusunda tədbir keçirildi

Şəmkirdə "Yeni Azərbaycan Partiyası ölkəmizin parlaq gələcəyinin partiyasıdır" mövzusunda tədbir keçirildi

12.02.2026 [16:47]

Yeni Azərbaycan Partiyası Şəmkir rayon təşkilatı "Yeni Azərbaycan Partiyası ölkəmizin parlaq gələcəyinin partiyasıdır" mövzusunda tədbir keçirildi

Tədbir iştirakçıları əvvəlcə Ümummilli Lider Heydər Əliyevin Şəmkir şəhərinin mərkəzində ucaldılmış abidəsi önünə gül dəstələri düzüb, xatirəsini dərin hörmətlə yad etdilər.

Şəmkir rayon İcra Hakimiyyəti və YAP Şəmkir rayon təşkilatının birgə təşkilatçılığı ilə keçirilən tədbirdə Şəmkir rayon İcra Hakimiyyətinin başçısı Rəşad Tağıyev, YAP Şəmkir rayon təşkilatının sədri Fəxrəddin Vəliyev, İcra Hakimiyyəti başçısının müavini Aynur Abdullayeva, İcra Hakimiyyəti eyni zamanda YAP Şəmkir rayon təşkilatının əməkdaşları, ərazi partiya təşkilat sədrləri, partiya fəalları iştirak etdilər.

Tədbirdə ilk öncə müasir, müstəqil Azərbaycan dövlətinin banisi, Yeni Azərbaycan Partiyasının yaradıcısı, ümummilli liderimiz Heydər Əliyevin və torpaqlarımızın azadlığı uğrunda canlarını qurban vermiş qəhrəman Vətən övladlarının - şəhidlərimizin əziz xatirəsi bir dəqiqəlik sükutla yad edilib.

Çıxış edən YAP Şəmkir rayon təşkilatının sədri Fəxrəddin Vəliyev diqqəti Ümummilli lider Heydər Əliyevin qurduğu YAP-ın müstəqil Azərbaycanın tarixində yerinə yetirdiyi xilaskarlıq missiyasına yönəldib: “Bütün siyasi partiyalar yarananda qarşılarına hakimiyyətə gəlmək məqsədi qoyurlar. Yeni Azərbaycan Partiyası isə siyasi iddialardan yox, zərurətdən, xalqın istəyindən yarandı. YAP-ın yarandığı dövrdə Azərbaycanda vəziyyət çox acınacaqlı idi, ölkəni xaos bürümüşdü, müstəqilliyin itirilməsi təhlükəsi yaranmışdı. Belə vəziyyətdə ölkə ictimaiyyətinin tanınmış nümayəndələrinin müraciəti ilə partiyanın əsasını qoyan Ümummilli lider Heydər Əliyev və Onun silahdaşları əsl fədakarlıq nümunəsi göstərərək çətinlikləri öz üzərlərinə götürdülər. YAP-ın qurucusu Heydər Əliyev xalqı Öz ətrafında birləşdirərək Azərbaycanı xilas etdi”.

Şəmkir rayon İcra Hakimiyyətinin başçısı Rəşad Tağıyev çıxışında bildirib ki, çıxışında YAP-ın və müstəqil Azərbaycanın qurucusu Heydər Əliyevin aşıladığı prinsipləri xatırladıb: “Ulu öndər Heydər Əliyevin ideyaları, prinsipləri Azərbaycanda əbədidir. Ulu öndərin dövlətçilik ideologiyası azərbaycançılıq, vətəndaş həmrəyliyi, sosial ədalət, qanunçuluq kimi prinsiplərə əsaslanırdı. Ümummilli liderimizin aşıladığı prinsiplərin dövlət siyasətində əsas götürülməsi sayəsində ölkəmizdə sabitlik yüksək səviyyədə təmin olunub, respublikamız uğurla inkişaf edir

Tədbirin sonunda çıxış edən digər partiya fəalları bu gün Yeni Azərbaycan Partiyası ümummilli lider Heydər Əliyevin parlaq ideyalarının daşıyıcısı kimi cəmiyyətdə öz aparıcı rolunu gündən-günə daha da möhkəmləndirməkdə olduğunu, partiyamızın qarşısında duran əsas vəzifələrdən ən başlıcası ümummilli lider Heydər Əliyevin qurduğu müstəqil Azərbaycanı daha da inkişaf etdirmək, dünyanın qüdrətli dövlətləri sırasında öz yerini qorumaqda olduğunu diqqətə çatdırıblar.

Sonda partiyanın ictimi-siyasi həyatında yaxından iştirak edən bir qrup gəncə fəxri fərmanlar təqdim olundu.

Paylaş:

Baxılıb: 446 dəfə