Tarixi Zəfərin reallıqlarını yaşayırıq

Bakı:

26 °C

53 %

6 m/s

Əlaqə

AZ RU EN

Ana səhifə / YAP xəbərləri / Tarixi Zəfərin reallıqlarını yaşayırıq

Tarixi Zəfərin reallıqlarını yaşayırıq

11.09.2026 [15:59]

Sentyabrın 11-də Yeni Azərbaycan Partiyası (YAP) Şərur rayon təşkilatının XIII konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət edilib, abidənin önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

YAP Şərur rayon təşkilatının sədri Əmir Babayev hesabat məruzəsi ilə çıxış edib. O qeyd edib ki, hesabat dövründə təşkilat tərəfindən partiyanın fəaliyyət istiqamətlərinə uyğun olaraq bir sıra tədbirlər keçirilib. Bildirilib ki, üzvlərin ictimai-siyasi fəallığının artırılması, partiya sıralarının genişləndirilməsi və ərazi partiya təşkilatlarının fəaliyyətinin əlaqələndirilməsi diqqət mərkəzində saxlanılıb.

Şərur Rayon İcra Hakimiyyətinin başçısı Kamal Cəfərov Yeni Azərbaycan Partiyasının ölkənin ictimai-siyasi həyatında aparıcı mövqeyindən danışıb. O, Ulu Öndər Heydər Əliyevin müəyyənləşdirdiyi siyasi kursun Prezident İlham Əliyev tərəfindən uğurla davam etdirildiyini vurğulayıb.

Milli Məclisin sədrinin müavini Ziyafət Əsgərov Azərbaycanın dövlətçilik tarixində Heydər Əliyev siyasətinin rolundan, Prezident İlham Əliyevin rəhbərliyi ilə əldə olunan tarixi nailiyyətlərdən bəhs edib. O, Yeni Azərbaycan Partiyasının bu siyasətin həyata keçirilməsində mühüm siyasi platforma olduğunu qeyd edib.

Milli Məclisin Regional məsələlər komitəsinin sədri Siyavuş Novruzov çıxışında regionların sosial-iqtisadi inkişafı, yerli idarəetmənin daha da təkmilləşdirilməsi və əhalinin rifahının yüksəldilməsi istiqamətində həyata keçirilən tədbirlərdən danışıb. O, partiya təşkilatlarının bu proseslərdə fəal iştirakının vacibliyini vurğulayıb.

Çıxış edən YAP Şərur rayon təşkilatının sədr müavini Adil Əhmədov təşkilatın hesabat dövründə gördüyü işlərdən, partiya üzvlərinin fəallığının artırılması istiqamətində həyata keçirilən tədbirlərdən bəhs edib.

Həmzəli kənd ərazi partiya təşkilatının sədri Məhsəti Rzayeva ərazi partiya təşkilatlarının fəaliyyətinin uğurlu dövlət siyasətinin təbliğində rolundan danışıb.

YAP Mərkəzi Aparatının siyasi təhlil, maarifləndirmə və seçkilərlə iş şöbəsinin müdir müavini Asif İmaməliyev partiyanın 2021-ci il martın 5-də keçrilən VII qurultayından sonra qarşıya qoyulan vəzifələrdən, siyasi maarifləndirmə prosesləri ilə bağlı görülən işlərin əhəmiyyətini diqqətə çatdırıb. O, YAP Şərur rayon təşkilatının hesabat dövründə fəaliyyətinin müasir çağırışlara uyğun qurulduğunu bildirib.

Konfransda YAP Şərur rayon təşkilatının hesabat dövrü ərzindəki fəaliyyəti qənaətbəxş qiymətləndirilib və Yeni Azərbaycan Partiyasının VIII qurultayına nümayəndələr seçilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 44 dəfə