YAP Binəqədi rayon təşkilatı 2014-cü ilin birinci yarısında görülən işlərlə bağlı hesabat tədbiri keçirib

Bakı:

26 °C

68 %

11 m/s

AZ RU EN

Ana səhifə / YAP xəbərləri / YAP Binəqədi rayon təşkilatı 2014-cü ilin birinci yarısında görülən işlərlə bağlı hesabat tədbiri keçirib

YAP Binəqədi rayon təşkilatı 2014-cü ilin birinci yarısında görülən işlərlə bağlı hesabat tədbiri keçirib

08.08.2014 [09:34]

Yeni Azərbaycan Partiyası (YAP) Binəqədi rayon təşkilatı 2014-cü ilin ilk yarımilliyində görülən işlərlə bağlı hesabat tədbiri keçirib.
Tədbiri giriş sözü ilə açan YAP Binəqədi rayon təşkilatının sədri Ramiz Göyüşov rayon təşkilatının öz fəaliyyətini partiyanın Sədri, Prezident İlham Əliyevin tövsiyə və tapşırıqlarına, partiyanın Nizamnamə və Proqramına uyğun qurduğunu deyib. O, hesabat dövründə partiya üzvlərinin kəmiyyət deyil, keyfiyyət prinsipi üzrə artırılması istiqamətində işlərin aparıldığını, hazırda YAP Binəqədi rayon təşkilatının 14358 üzvünün olduğunu və bu üzvlərin 216 ərazi ilk partiya təşkilatında birləşdiyini bildirib.
Hesabat məruzəsilə çıxış edən YAP Binəqədi rayon təşkilatının Aparat rəhbəri Qabil Qafarov rayon təşkilatının 2014-cü ilin I rübündə gördüyü işlərdən, reallaşdırılmış tədbirlərdən danışıb.
Öz növbəsində Binəqədi rayon Gənclər və İdman İdarəsinin rəisi, YAP Binəqədi rayon təşkilatı Gənclər Birliyinin sədri Qüdsi Bayramov hesabat dövründə partiya sıralarına qoşulan gənclərin müxtəlif təlimlərdə iştirak etdiklərini, onların asudə vaxtlarının səmərəli təşkili ilə bağlı ekskursiyaların, görüşlərin keçirildiyini qeyd edib.
Çıxış edən YAP Binəqədi rayon təşkilatı Qadınlar Şurasının sədri Aytac Əliyeva bəhs edilən dövrdə qadınlarla iş sahəsində müvafiq işlərin görüldüyünü deyib. O, müxtəlif ərazi ilk partiya təşkilatlarında qadın partiya üzvləri ilə mütəmadi görüşlərin keçirildiyini, Qadınlar Şurasının üzvlərinin rayonda reallaşdırılan tədbirlərdə aktiv iştirak etdiyini diqqətə çatdırıb.
İclasda çıxış edən Binəqədi rayon İcra Hakimiyyət başçısının müavini Vüsar İsmayılov Prezident İlham Əliyevin rəhbərliyi ilə respublikanın sürətlə inkişaf etdiyini, Bakının nüfuzlu beynəlxalq tədbirlərin keçirildiyi məkana çevrildiyini bildirib. O təməli Ümummilli lider Heydər Əliyev tərəfindən qoyulmuş Yeni Azərbaycan Partiyasının günümüzün aparıcı təşkilatı, siyasi qüvvəsi və ümumilikdə Cənubi Qafqaz regiounda öndə gedən təşkilat olduğunu qeyd edib. 2015-ci ilin iyun-iyul aylarında keçiriləcək “Bakı 2015” İlk Avropa oyunları ərəfəsində Binəqədi rayonunda cari ilin iyul ayından etibarən icra olunan “Təmiz Binəqədi” layihəsi haqqında da danışan natiq, həmçinin, Binəqədi rayonunda aparılan abadlıq və quruculuq işlərində partiya üzvlərinin fəal iştirak etdiyini bildirib.
Sonra tədbirdə YAP Binəqədi rayon təşkilatı Şura iclasının qərarı oxunub, 2014-cü ilin ikinci yarımilliyi üzrə Fəaliyyət Planı qəbul olunub.

Paylaş:

Baxılıb: 1119 dəfə