Nizami rayonunda “Milli Qəhrəmanlarımızı tanı” maarifləndirmə layihəsi çərçivəsində gənclərlə görüş keçirilib

Bakı:

20 °C

88 %

1 m/s

AZ RU EN

Ana səhifə / YAP xəbərləri / Nizami rayonunda “Milli Qəhrəmanlarımızı tanı” maarifləndirmə layihəsi çərçivəsində gənclərlə görüş keçirilib

Nizami rayonunda “Milli Qəhrəmanlarımızı tanı” maarifləndirmə layihəsi çərçivəsində gənclərlə görüş keçirilib

09.08.2014 [11:06]

Dünən Nizami rayonunda Azərbaycan Respublikası Prezidenti yanında Gənclər Fondunun dəstəyilə həyata keçirilən “Milli Qəhrəmanlarımızı tanı” maarifləndirmə layihəsi çərçivəsində gənclərlə görüş keçirilib.
Tədbirdə çıxış edən layihə rəhbəri Sevinc Nəcəfova bildirib ki, “Milli Qəhrəmanlarımızı tanı” maarifləndirmə layihəsi ermənilərin Azərbaycana olan ərazi iddialarının qarşısını almaq məqsədi ilə döyüşlərə atılaraq şərəfli döyüş yolu keçən və hazırda da həyatda olan və yenə də şərəflə xalqa, Vətənə xidmət edən Milli qəhrəmanlarımızın gənclərimizə tanıdılmasına xidmət edir.
Çıxış edən Nizami rayonu İcra Hakimiyyəti başçısının müavini Gülnaz İsrafilova bildirib ki, Azərbaycan torpaqlarının bütövlüyü uğrunda qəhrəmancasına döyüşərək düşmənə dəfələrlə sarsıdıcı zərbələr endirən Milli qəhrəmanlarımızın gənclərlə görüşü unudulmaz və yaddaqalan hadisədir. Onların Qarabağ uğrunda gedən döyüşlərdə göstərdiyi şücaətin indiki və gələcək nəsillərə əsl örnək olduğunu deyən G.İsrafilova bu gün harada yaşamasından asılı olmayaraq, hər bir azərbaycanlının, xüsusən də gənclərin Ali Baş Komandan, Prezident İlham Əliyevin çağırışı ilə silaha sarılaraq işğal altında olan torpaqlarımızı düşmən tapdağından azad etməyə hazır olduqlarını vurğulayıb.
Görüşdə Milli Qəhrəman Vahid Quliyev gənclərə keçdiyi döyüş yolundan danışıb. O, işğal altında olan torpaqlarımızın düşməndən azad edilməsi naminə yenidən döyüşə getməyə hazır olduğunu deyərək tədbirin təşkilatçılarına və iştirakçılarına minnətdarlığını bildirib.
Çıxış edən YAP Nizami rayon təşkilatının aparat rəhbəri Ramil Vəlibəyov deyib ki, Azərbaycanın öz xalqına arxalanan Ali Baş Komandanı və qüdrətli ordusu var. Bildirib ki, Prezident İlham Əliyevin Ağdama, cəbhə xəttinə səfər etməsi cəmiyyətdə ruh yüksəkliyini daha da artırdı və hər bir azərbaycanlı gördü ki, bu ölkə 1992-ci ildə olduğu kimi rəhbərsiz və ordusuz deyil. Ona görə də, bu gün hər bir azərbaycanlıda əminlik var ki, torpaqlarımız tezliklə işğaldan azad ediləcək.
Sonda 129 saylı məktəbin direktoru Samir Mehdizadə, “Yeni həyat” Humanitar və Sosial Dayaq İctimai Birliyinin sədri Nailə İsmayılova, “Milli Qəhrəmanlarını Tanıtma” İctimai Birliyinin sədri Elşən Uluxanlı çıxış edərək bildiriblər ki, gənclər xalqımızın yaşadığı faciələr, soyqırımları haqqında məlumatlı olmaqla yanaşı, Vətənimizin azadlığı uğrunda gedən döyüşlərdə qəhrəmancasına vuruşub düşmənə sarsıdıcı zərbələr endirmiş milli qəhrəmanlarımızı tanımalı və onlardan nümunə götürməlidirlər. Vurğulanıb ki, gənc nəslin vətənpərvər ruhda böyüməsi üçün belə canlı qəhrəmanlar təbliğ edilməlidir, çünki onların keçdiyi döyüş yolu gənclərimiz üçün bir örnəkdir.

Paylaş:

Baxılıb: 1248 dəfə