Nərimanov rayonunun ağsaqqalları YAP-ın namizədlərini dəstəkləyəcəklər

Bakı:

28 °C

56 %

9 m/s

Əlaqə

AZ RU EN

Ana səhifə / YAP xəbərləri / Nərimanov rayonunun ağsaqqalları YAP-ın namizədlərini dəstəkləyəcəklər

Nərimanov rayonunun ağsaqqalları YAP-ın namizədlərini dəstəkləyəcəklər

06.12.2014 [12:58]

Dünən Yeni Azərbaycan Partiyası (YAP) Nərimanov rayon təşkilatında YAP tərəfindən bələdiyyə üzvlüyünə namizədliyi irəli sürülmüş şəxslərlə Nərimanov rayon Ağsaqqallar Şurası üzvlərinin görüşü keçirilib. Görüşdə YAP Nərimanov rayon təşkilatının sədri Təmraz Tağıyev, Nərimanov rayon Ağsaqqallar Şurasının sədr müavini Məhərrəm Sadıqov, təşkilatın Seçki Qərargahının üzvləri, partiya fəalları iştirak ediblər.
Tədbiri YAP Nərimanov rayon təşkilatının sədri Təmraz Tağıyev açaraq, bələdiyyə seçkilərinə start veriləndən bu günə qədər görülmüş işlər barədə, eyni zamanda, namizədlərin təbliğat-təşviqat kampaniyasının həyata keçirilməsi prosesinin uğurla davam etməsi haqqında məlumat verib. T.Tağıyev, həmçinin, rayon Ağsaqqallar Şurasının bu günədək olan yüksək fəaliyyətinin gənc namizədlərimizə gələcək fəaliyyətlərində örnək olacağını və onların məsləhətlərinə daim ehtiyac olduğunu qeyd edərək, Ağsaqqallar Şurası üzvlərinin də qarşıdan gələn bələdiyyə seçkilərində YAP-ın namizədlərini dəstəkləyəcəklərindən əminliyini bildirib.
Daha sonra Nərimanov rayon Ağsaqqallar Şurasının sədr müavini Məhərrəm Sadıqov çıxış edərək, hər zaman olduğu kimi bu seçki prosesində də Ağsaqqallar Şurası olaraq fəal iştirak edəcəklərini və YAP tərəfindən irəli sürülmüş namizədləri dəstəklədiklərini vurğulayıb. O, Azərbaycanda bələdiyyələrin tarixinin qısa olmasına baxmayaraq, bütün ölkədə olduğu kimi, Nərimanov rayonunda da bələdiyyə institutunun formalaşma dövrünü artıq keçdiyini və böyük uğurlara imza atdığını qeyd edib.
Sonra Ağsaqqallar Şurasının fəal üzvlərindən olan Sücəddin Abdullayev, Ənvər Sadıqov, şairə Mərcan Şahbuzlu, bələdiyyə üzvlüyünə namizəd İradə Qarayeva və digərləri də çıxış edərək bildiriblər ki, Azərbaycanın və regionun ən güclü siyasi partiyası olan YAP yarandığı gündən iştirak etdiyi bütün seçkilərdə qələbə qazanıb. YAP Prezident İlham Əliyevin Sədrliyi ilə dövlətimizin inkişafı və xalqımızın əmin-amanlıq içində yaşaması uğrunda mühüm töhfələr verməkdədir. Bütün bunlar da xalqımızın partiyamızı dəstəkləyəcəyinə təminat verir.
Sonda təşkilat sədri T.Tağıyev, bələdiyyə seçkilərində Nərimanov rayon sakinlərinin YAP-ın namizədlərinə səs verəcəyinə şübhə etmədiyini, eyni zamanda, partiyamızın namizədlərinin dövlətimizin tərəqqisi, xalqımızın rifahı naminə öz üzərlərinə düşən vəzifələrin öhdəsindən gələcəklərinə əminliyini qeyd edib.
N.BAYRAMLI

Paylaş:

Baxılıb: 1096 dəfə