Yeni Azərbaycan Partiyası Göyçay rayon təşkilatı Gənclər Birliyinin IV konfransı keçirilib

Bakı:

18 °C

77 %

4 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Göyçay rayon təşkilatı Gənclər Birliyinin IV konfransı keçirilib

Yeni Azərbaycan Partiyası Göyçay rayon təşkilatı Gənclər Birliyinin IV konfransı keçirilib

07.03.2015 [11:22]

Yeni Azərbaycan Partiyası (YAP) Göyçay rayon təşkilatı Gənclər Birliyinin IV konfransı keçirilib.
AZƏRTAC xəbər verir ki, Heydər Əliyev Mərkəzində keçirilən tədbirdə əvvəlcə dövlət himni səsləndirilib, Yeni Azərbaycan Partiyasının qurucusu, xalqımızın Ümummilli lideri Heydər Əliyevin xatirəsi bir dəqiqəlik sükutla yad edilib.
Konfransda YAP Göyçay rayon təşkilatının sədr müavini Sahib Şükürov çıxış edərək bildirib ki, Azərbaycanın inkişafını, tərəqqisini və xalqımızın xoşbəxtliyini Heydər Əliyev siyasi kursunun davamında görən YAP Göyçay rayon təşkilatının gəncləri öz konfranslarını yüksək sevinc və əmək nailiyyətləri ilə, Yeni Azərbaycan Partiyasının Sədri, Prezident İlham Əliyevin ətrafında sıx birləşməklə qeyd edirlər.
Konfransda YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə, Milli Məclisin Təbii ehtiyatlar, energetika və ekologiya komitəsinin sədr müavini Elton Məmmədov, Göyçay rayon İcra Hakimiyyətinin başçısı Mübariz Ağayev, YAP İcra Katibliyinin məsul işçisi Həsən Daşdəmirov çıxış ediblər. Bildirilib ki, ictimai-siyasi proseslərin kifayət qədər mürəkkəb, kəşməkəşli axarda cərəyan etdiyi bir vaxtda dahi şəxsiyyət Heydər Əliyevin rəhbərliyi ilə 1992-ci il noyabrın 21-də təsis edilən Yeni Azərbaycan Partiyası qısa müddətdə ölkənin gələcək taleyini müəyyənləşdirən, əsas siyasi qüvvəyə çevrilən siyasi qurum olub. Tarixi zərurətdən yaranan partiya ötən illər ərzində xalqa xidmət missiyasını şərəflə yerinə yetirib. Azərbaycan düşdüyü siyasi, iqtisadi, sosial və mənəvi böhrandan Ulu öndər Heydər Əliyevin rəhbərliyi ilə xilas olub. Bu gün YAP-ın sıralarında birləşən 650 mindən çox insan Ulu öndər Heydər Əliyevin ölməz ideyalarının davamçılarıdır.
YAP Göyçay rayon təşkilatı Gənclər Birliyinin sədri Aytən Nəbiyeva çıxış edərək, ötən konfransdan keçən müddət ərzində görülən işlər barədə məlumat verib. Bildirilib ki, hazırda YAP Göyçay rayon təşkilatı Gənclər Birliyinin üzvlərinin sayı 3006 nəfərdir və bu da YAP rayon təşkilatında birləşən üzvlərin 39,2 faizini təşkil edir. Onlardan 1248 nəfəri ali təhsilli, 1079 nəfəri orta ixtisas təhsilli, 676 nəfəri isə orta təhsillidir. Ötən hesabat seçki yığıncağından bu günədək Gənclər Birliyinin sıralarına 612 nəfər qəbul olunub.
Partiya üzvü olan fəal gənclər çıxış edərək, Gənclər Birliyinin bundan sonra da öz üzərinə düşən vəzifələrin öhdəsindən layiqincə gələcəyinə əminliklərini bildirib, partiyanın Sədri, Prezident İlham Əliyevin ətrafında sıx birləşərək Onun ən yaxın köməkçisi olacaqlarını diqqətə çatdırıblar.
Sonra təşkilati məsələlərə baxılıb. YAP Göyçay rayon təşkilatı Gənclər Birliyinin şura və idarə heyətinin üzvləri, sədr və müavinləri, həmçinin YAP Gənclər Birliyinin konfransına nümayəndələr seçilib.
Konfransın sonunda Yeni Azərbaycan Partiyasının Sədri, Prezident İlham Əliyevə müraciət qəbul olunub.

Paylaş:

Baxılıb: 893 dəfə