Azərbaycan gəncləri ölkənin ictimai-siyasi həyatında aktiv rol oynayırlar

Bakı:

16 °C

88 %

4 m/s

Əlaqə

AZ RU EN

Ana səhifə / YAP xəbərləri / Azərbaycan gəncləri ölkənin ictimai-siyasi həyatında aktiv rol oynayırlar

Azərbaycan gəncləri ölkənin ictimai-siyasi həyatında aktiv rol oynayırlar

07.03.2015 [11:25]

YAP Balakən rayon təşkilatı Gənclər Birliyinin IV hesabat-seçki konfransı keçirilib
Dünən Yeni Azərbaycan Partiyası (YAP) Balakən rayon təşkilatı Gənclər Birliyinin IV hesabat-seçki konfransı keçirilib.
Tədbiri giriş sözü ilə açan YAP Balakən rayon təşkilatının sədri Azad Balayev Azərbaycanda nümunəvi gənclər siyasətinin həyata keçirildiyini qeyd edib. Yeni Azərbaycan Partiyasının gənclərə xüsusi diqqət və qayğı göstərdiyini deyən A.Balayev YAP Gənclər Birliyinin yaranma tarixindən və onun gördüyü işlərdən, qazandığı nailiyyətlərdən danışıb.
Daha sonra YAP Balakən rayon təşkilatı Gənclər Birliyinin sədri Səbuhi Alqayev hesabat məruzəsi ilə çıxış edib. III konfransdan ötən müddət ərzində görülmüş işlər, həyata keçirilmiş tədbirlər barəsində ətraflı məlumat verən S.Alqayev Azərbaycan gəncliyinin dövlət qayğısı ilə əhatə olunduğunu diqqətə çatdırıb.
Sonra məruzə ətrafında çıxış edən partiya fəallarından Sərxan Hacıyev, Fariz Nəcəfov, Elvin Qarayev, Elvin Səmədov ölkədə həyata keçirilən gənclər siyasətindən, gənclərin hərtərəfli inkişafından söz açıblar. Bildirilib ki, gənclər bu gün dövlət idarəçiliyində, parlamentdə, bələdiyyələrdə, biznes strukturlarında, ümumiyyətlə, müxtəlif sahələrdə uğurla təmsil olunur və milli inkişafa öz töhfələrini verirlər.
Daha sonra çıxış edən “Yeni Azərbaycan” qəzetinin baş redaktoru Hikmət Babaoğlu, Balakən rayon İcra Hakimiyyətinin başçısı İslam Rzayev, YAP Mərkəzi Aparatının məsul işçisi Emil Abasov diqqətə çatdırıblar ki, bu gün Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşır. Azərbaycan gəncləri gündən-günə ölkənin ictimai-siyasi həyatında daha böyük rol oynayır. Hazırda respublikada mövcud olan yüzlərlə qeyri-hökumət və gənclər təşkilatlarının aktiv fəaliyyəti dövlətin yaratdığı şərait sayəsində mümkün olub. Məhz dövlətin gənclərə dəstək və diqqət göstərməsi nəticəsində Azərbaycan gəncliyində özünə, öz gücünə, istedadına inam hissi artıb. Diqqətə çatdırılıb ki, Yeni Azərbaycan Partiyası gənclərin fəallığına, onların potensialından səmərəli istifadə olunmasına xüsusi diqqət yetirir. Azərbaycan gəncliyinin inkişafının dövlətin diqqət mərkəzində olduğunu deyən natiqlər əlavə ediblər ki, gənclərin intellektual, fiziki və mənəvi inkişafını, ölkənin sosial-iqtisadi, ictimai-siyasi və mədəni həyatında fəal iştirakını təmin etmək məqsədi ilə Azərbaycan Respublikasının Prezidenti İlham Əliyev tərəfindən “2015-2025-ci illərdə Azərbaycan gənclərinin İnkişaf Strategiyası”nın təsdiq edilməsi haqqında Sərəncamın imzalanması müstəsna əhəmiyyət kəsb edir.
Tədbirin sonunda YAP Balakən rayon təşkilatı Gənclər Birliyinin 33 nəfərdən ibarət Şura üzvləri, 7 nəfərdən ibarət İdarə Heyəti seçilib. Eyni zamanda, YAP Gənclər Birliyinin konfransına nümayəndələr seçilib.
YAP Balakən rayon təşkilatının təsis olunmasının 22-ci ildönümü və 8 mart Beynəlxalq Qadınlar Günü münasibəti ilə bir qrup fəal partiya üzvünə hədiyyələr təqdim edilib.
Partiya sıralarına yeni qoşulmuş gənclərə üzvlük vəsiqələri verilib.
Nurlan QƏLƏNDƏRLİ

Paylaş:

Baxılıb: 910 dəfə