YAP Ağstafa rayon təşkilatında akademik Zərifə xanım Əliyevanın anadan olmasının 92-ci ildönümü münasibəti ilə tədbir keçirilib

Bakı:

22 °C

53 %

2 m/s

AZ RU EN

Ana səhifə / YAP xəbərləri / YAP Ağstafa rayon təşkilatında akademik Zərifə xanım Əliyevanın anadan olmasının 92-ci ildönümü münasibəti ilə tədbir keçirilib

YAP Ağstafa rayon təşkilatında akademik Zərifə xanım Əliyevanın anadan olmasının 92-ci ildönümü münasibəti ilə tədbir keçirilib

28.04.2015 [10:08]

Yeni Azərbaycan Partiyası (YAP) Ağstafa rayon təşkilatının Qadınlar Şurası görkəmli oftalmoloq alim, akademik Zərifə xanım Əliyevanın anadan olmasının 92-ci ildönümü münasibəti ilə tədbir keçirib. Tədbiri giriş sözü ilə açan YAP Ağstafa rayon təşkilatı Qadınlar Şurasının sədri Şəhanə Osmanova qeyd edib ki, yüksək intellektual səviyyəsi, sərrast düşüncəsi, səmimi, xoş münasibəti ilə Zərifə xanım Əliyeva Azərbaycan qadınlarının bütün gözəl cəhətlərini özündə cəmləşdirmişdi. Zərifə xanım Əliyeva bir həkim kimi də insanlara təmənnasız sevgi bəxş edirdi: “Zərifə xanım Əliyeva hər zaman düşünürdü ki, müalicəsinin uğurlu olması üçün həkim ilk növbədə insanları sevməli, onların ağrısını hiss etməlidir”.
Ağstafa rayon konsultativ poliklinikasının göz həkimi Gülnar Abdullayeva çıxış edərək Zərifə xanım Əliyevanın tibb dünyasına gəldiyi illərdə Azərbaycanda gözü zədələyən və ağır nəticəyə, hətta tam korluğa səbəb olan traxoma infeksion xəstəliyinin geniş yayıldığını bildirib. Belə bir vəziyyətdə bu infeksion xəstəliyi, eləcə də onun müalicəsini ətraflı şəkildə öyrənən Zərifə xanım Əliyeva şəxsiyyətinə Azərbaycanın ehtiyacı var idi: “Onun 1959-cu ildə “Traxomanın digər terapiya üsulları ilə birlikdə sintomesinlə müalicəsi” mövzusunda namizədlik dissertasiyasını uğurla müdafiə edərək tibb elmləri namizədi alimlik dərəcəsinə layiq görülməsi elmi fəaliyyəti ilə həkimliyin üzvi bağlantısı idi. O, 1967-ci ildə müsabiqə yolu ilə Əziz Əliyev adına Həkimləri Təkmilləşdirmə İnstitutunun Göz Xəstəlikləri kafedrasının dosenti vəzifəsinə seçilmişdi. Zərifə xanım dosentlikdən professor, kafedra müdiri vəzifələrinə, akademik zirvəsinə qədər yüksəlib. O, Azərbaycanda oftalmologiya sahəsində ilk akademik olub. Zərifə Əliyeva gözün zədələnməsinin öyrənilməsi və profilaktikası sahəsində bir sıra orijinal işlərinə görə SSRİ Tibb Elmləri Akademiyasının akademik M.İ.Averbax adına mükafatına layiq görülüb və keçmiş SSRİ-də bu mükafatı alan ilk qadın olub”.
Tədbirdə Ağstafa Mərkəzi Xəstəxanasının baş həkiminin müavini Fatma Vəliyeva, Ağstafa konsultativ poliklinikasının müdiri Həcər Namazova, Dağ Kəsəmən kənd orta məktəbinin direktoru Təranə Abdullayeva, Ağstafa şəhər 2 saylı orta məktəbin direktoru Vəfa Tağıyeva çıxış edərək Zərifə xanım Əliyevanın keçdiyi işıqlı həyat yoluna nəzər salıblar.

Paylaş:

Baxılıb: 848 dəfə