YAP Qəbələ rayon təşkilatının IX konfransı keçirilib

Bakı:

26 °C

38 %

4 m/s

Əlaqə

AZ RU EN

Ana səhifə / YAP xəbərləri / YAP Qəbələ rayon təşkilatının IX konfransı keçirilib

YAP Qəbələ rayon təşkilatının IX konfransı keçirilib

20.10.2017 [10:16]

Yeni Azərbaycan Partiyası (YAP) Qəbələ rayon təşkilatının IX konfransı keçirilib. Konfransdan əvvəl qonaqlar və konfrans nümayəndələri Qəbələnin mərkəzində Ulu öndər Heydər Əliyevin abidəsini ziyarət edib, önünə gül dəstələri qoyub, əziz xatirəsini ehtiramla yad ediblər.
Qafqaz-Resort hotelinin iclas zalında keçirilən konfransda 280 nəfər nümayəndədən 275 nəfəri iştirak edib. Konfransda Milli Məclisin üzvü, Respublika Ağsaqqallar Şurasının sədri Fəttah Heydərov, YAP Siyasi Şurasının üzvü, “İki Sahil” qəzetinin baş redaktoru Vüqar Rəhimzadə iştirak ediblər.
Konfrans iştirakçıları partiyanın yaradıcısı Ümummilli lider Heydər Əliyevin və həyatdan köçmüş partiya üzvlərinin ruhunu bir dəqiqəlik sükutla yad ediblər. Sonra Yeni Azərbaycan Partiyası Qəbələ rayon təşkilatının sədri Abil Ağasəfov ötən dövr ərzində partiyanın gördüyü işlərə dair hesabat məruzəsi ilə çıxış edib.
Nəzarət-Təftiş Qurupunun sədri Vüqar Hüseynovun hesabatı dinlənilib. Konfransda məruzə ətrafında Qəbələ rayon İcra Hakimiyyətinin başçısı Səbuhi Abdullayev, rayon təşkilatının Qadınlar Şurasının sədri Arifə Bayramova, rayon təşkilatının Gənclər Birliyinin sədri Namiq Ağayev, Hotelçilik və Peşə Tədris Mərkəzinin müəllimi Reyhan Məmmədova çıxış ediblər.
Konfransda YAP Siyasi Şurasının üzvü, “İki Sahil” qəzetinin baş redaktoru Vüqar Rəhimzadə çıxış edərək partiyanın keçdiyi şanlı tarixi yoldan, Ümummilli lider Heydər Əliyevin partiyaya rəhbərlik illərindən, O, ölkə rəhbəri seçildikdən sonra respublikada görülən işlərdən, möhtərəm Prezident cənab İlham Əliyevin apardığı daxili və xarici siyasətdən danışıb. Eyni zamanda, konfransda çıxış edən Milli Məclisin üzvü, Respublika Ağsaqqallar Şurasının sədri Fəttah Heydərov YAP-ın yarandığı illərdə ölkədə olan siyasi və iqtisadi böhran vəziyyətindən danışıb, hazırda Yeni Azərbaycan Partiyasının respublikada böyük nüfuzunun olduğunu qeyd edib, konfransın işinə uğurlar arzulayıb.
Konfransda həmçinin təşkilati məsələlərə baxılıb. Təşkilatın 45 nəfərdən ibarət Şurası, 15 nəfər tərkibdə İdarə Heyəti və 7 nəfərdən ibarət Nəzarət-Təftiş Qrupu seçilib.
Ağasəfov Abil Adil oğlu yenidən YAP Qəbələ rayon təşkilatının sədri seçilib.
Soltanov Fəxri Elxan oğlu və Tağıyev Elçin İsa oğlu sədrin müavinləri seçiliblər.
Konfransın yekununda partiya sıralarına qəbul olan şəxslərə üzvlük vəsiqələri təqdim edilib.

Paylaş:

Baxılıb: 924 dəfə